Безопасной счётс ютавтоманть вельде 2 миллиондо ламо целковойть макссь манчицятненень Саранск ошонь эрицясь.

Кода ёвтнизе авась, июнень 6-це чистэ сонензэ гайневтсь а содавикс ломань, ёвтызе прянзо банконь важодицякс ды пачтясь, манчицятне снартнить саемс лангозонзо кредит. Финансовой те тевенть лоткавтомга гайневтицясь мерсь саемс заём ды неть ярмактнень путомс ёвтазь реквизиттнэнь коряс. Теке марто, цёрась мерсь авантень, следствиянь ёнксонть кирдезь, те тевденть киненьгак ёвтнемс а эряви. Кармавтозенть топавтозь, авась сёрмадсь яволявтомат заёмонть лангс ошонь банктнесэ. Максозь ярмактнень, а те 2 167 115 целковойть, путынзе ёвтазь резервной счёттнэс. Зярдо чарькодсь, понгсь манчицятненень, пшкадсь полицияв.

Неень шкане ютавтовить мероприятият ломантнень вешнемга, конат чумот закононь коламонь тевсэнть.
Мордовия Республикава МВД-сь пшкади эрицятненень а кемемс се информациянтень, конань пачтить тыненк телефононть вельде. Зярдояк илядо путо эсь ярмаконк а содавикс счёттнэс.