491-це участкасонть Россиянь Президентэнь Кочкамотнесэ вайгелензэ максызе “Ассамблея Народов России” весероссиянь общественной вейсэндявксонь Мордовиянь региональной отделениянь председателесь, "Единая Россия" партиянь членэсь, Н. П. Огарёв лемсэ МГУ-нь Финно-угрань культурань научно-исследовательской лабораториянь прявтось Елена Ломшина.
Елена Николаевна тешкстызе, сонзэ туртов Кочкамотне - те покш кеняркс. Ды те ёжомарямось сонзэ кадовсь эйкакш порасто, зярдо семиянек молильть Кочкамотнес.
- Минек Ассамблеянть юрс весе совицятне неть читнестэ явить пек покш мель масторонть туртов истямо эрявикс тевсэнть. Весе минь сёрмадтано историянть, - мерсь Елена Ломшина. - Течи эрявикс эрьванть вайгелезэ. Эдь эсь вайгеленть минь макстано сы шканть кисэ. Весе минь бажатано неемс эсь масторонть виевекс, киньгак эйстэ а аштицякс. Штобу Весе раськетне эрявольть ояксчисэ, ванстовольть эсь келенть, культуранть, койтнень-кирдатнень. Тень кисэ мон максыньгак вайгелем Кочкамотнесэ.