Велень хозяйствасо важодицятнень туртов шожда шкат а эрсить. Сынь тевсэть иензэ перть. Ванат, эзть кенере прядовомо тундонь видемань тевтне, трудий ломантнень уш лия мелявкс – ракшатнень туртов теленень тикшетнень-андомапельтнень анокстамось. Паксятнесэ тевтне лаказь лакить.
Ансяк прядови ламо иень тикшетнень ледемась-пурнамось, тесэ уш кенерить веиенсетнеяк. А эдь те тевсэнть весементь теема шкастонзо, штобу ванстомс тикшенть весе вадрячинзэ ды лезэвчинзэ.
Неть читнестэ минь ульнинек «Птицефабрика «Атемарская» ОАО-со. Тесэ анокстыть тикшетнень ледемантень-пурнамонтень. Кода тешкстызе предприятиянь прявтось Александр Валентинович Щемеров, механизатортнэ витить кадовикс асатыкстнэнь – витнить-петнить эсь техниканть. Ды маласо шкасто лисить ламо иень тикшетнень ледеме.
«Птицефабрика «Атемарская» предприятиясонть ламо иень тикшетнеде видезь 900 гектарт. Ледезенть теить сенажокс ды пештить яматнес, косо сон вадрясто ванстови ламо шкань перть. Сенажось юты андомапелекс сюракшов ракшатненень.
– Минек важодицятнень эйстэ ламова ашти сенажонть вадрячизэ, – кемексты хозяйствань растениеводствань ды механизациянь коряс прявтонь полавтыцясь Сергей Иванович Сотов. – Сенажонь теемань технологиятнень атопавтомадонть андомапелесь коли. Скалтнэ истямо коромдонть ярсамо а кармить. Секскак минек важодицятне шканть стяко ёмавтнеме а вечкить. Свал бажить теемс весементь шкастонзо, вадрясто ды теке марто ливтемс эсь хозяйстванть икеле молицятнень юткс. Тень кисэ тенст покш сюкпря! Лангозост ули кемема.
Сергей Иванович Горин механизаторокс предприятиясонть важоди малав колоньгемень иеть.
– Мон чачинь Покш Березникень райононь Парынзэлесэ. Мейле семиянок сась эрямо Атемарев. Тесэ школанть прядомадо мейле тонавтнинь водителекс ды ушодынь важодеме тесэнь колхозсо механизаторокс. Те шкас те тевсэнть роботангак, – корты Сергей Иванович. – Ней вана коромонь урядамо комбайнасо важодян, тикшень ледемантень-пурнамонтень анокстатано. Кодамо лувсо те тевесь ветяви: ледезь тикшесь пурнави комбайнань чарыця барабанонтень, весе сон керсеви-вишкалгавтови ды тестэ жо ютыця коштонть вийсэ ёртови комбайнанть вакссо ардыця тракторонь эли машинань кузовс. Чинзэ перть истямо комбайнась пурны-теи 300-400 тоннат сенаж. Теке жо техникасонть сёксь ёнов ледян кукурузанть. Истя жо мельган кемекстазь «Джон Дир» тракторось, конасонть тунда видинь кукурузанть, почодынь удобрениянть. Иензэ перть тевсан. Тунда видемань тевтне, кизна тикшетнень урядамось, мейле сюротнень нуема шка, кукурузанть ледемась, сёксень видематне. Техниканть варчнинь эрьва кодамо. Мезес илямак озавто, эрьванть марто муян кель-вал. Эсь тевенть пек вечкса. Кадык кортыть, велень хозяйствасо важодемась пек стака, монень жо сон мелень коряс.
Важодемань иетнень перть механизаторось тонавтнизе весе техниканть, кармась чарькодеме эрьва гайтенть, эрьва чикордоманть. Эдь трактортнэдеяк, комбайнатнедеяк те шканть перть ульнесть зярыя ды эрьва кодат.
– Техникась, кода ломань, вечки, штобу мельганзо парсте якавольть. Сестэ сонгак паросо панды – важоди кувать ды вадрясто, – тешксты Сергей Иванович.
Юткошкасто механизаторонть ули, кода кортыть, хоббизэ – сон блогер. Свал снимси а покшке видеот паксятнесэ важодема шкастонть ды невти сынст социальной сеттнень эсь лопатнесэ, ТикТоксо ды «Наша земля 13 регион» ютуб-каналсонть.
Эряви меремс, предприятиясонть важоди Горинтнэнь цела династия. Эсь шкасто тесэ роботасть Сергей Ивановичень тетязо ды авазо, ней фабрикасонть нармунень трицякс-кастыцякс важоди Наталья Борисовна низэ, инкубаторсо – Юлия Сергеевна тейтерезэ, истя жо механизаторокс роботыть Максим Сергеевич цёразо ды Юрий Иванович лелязо.
Зярдо ульнинек предприятиясонть, Максим Сергеевич, Сергей Ивановичень цёразо, роботась паксясо – изась паксянтень каязь органиканть.
Од цёрась нармунень кастома фабрикав сась колмошка иеде икеле Саранскоень политехнической техникумонть прядомадо мейле. Роботы «Джон Дир» тракторсонть. Тунда важодсь видемань тевтнесэ, ней вана оймсеме кадозь паксятнесэ сравтнить-изыть органиканть (навозонть).
Вейсэ цёранть марто лия техникасонть роботасть механизатортнэ Николай Иванович Настин ды Алексей Александрович Зубенков. Истя жо лездыцякс тенст сакшнось предприятиянь оборудованиянь витнемань коряс цехень прявтось Алексей Александрович Марков.
Эряви меремс, предприятиясонть важодить пек ламо од специалистт. Кадратнень одкстомтомантень тесэ явови башка мель. Эдь кода содатано, одтнэнь мельга минек вандынь чинек.
Од механизатортнэнь ютксо Михаил Алексеевич Ганькин ды Андрей Николаевич Фомин. Васенцесь ульнесь машинань-тракторонь парксонть. Важодемантень анокстась эсь комбайнанть.
– Важодемасонть механизатортнэнень пек лезды техникась. Хозяйствасонть сон малав весе вадря, неень шкань. Автопарконок меельце иетнестэ одкстомтовсь а беряньстэ. Ней вана аволь умок «Раннее бронирование» Росагролизингень программанть лувсо хозяйствась рамась ACROS 585 сюронь урядамонь комбайна, Ростсельмашонь KSU 1 тикшень ледемань комбайна ды жатка. Техникась виев ды вадря. Арсеви, сонзэ марто тевтне кармить молеме седе эрязасто. Тикшень ледемань комбайнанть максынек минек од специалисттнэнень Михаил Ганькиннэнь ды Максим Гориннэнь. Сынь кармить важодеме чинек-венек, вейке-вейкень полавтнезь, – кемексты Сергей Сотов.
А вана Андрей Фомин роботась паксясо – унжатнеде ванстомга ды касовкстнэнь виевстэ касомга эрявикс растворсо пургсесь яровой сюротнень. Сон роботась Amazone комплекссэнть.
Эряви меремс, унжатнеде морямопеленть анокстыть теске, паксясо. КамАЗ автомашинантень ладязь смесительной машина, козо каявить эрявикс препараттнэ. Весемесь човоряви ведь марто ды мейле уш те човорявкссонть пургсевить касовкстнэ.
Кода тешкстызь тесэ важодиця од цёратне, стакачить арасть. Неень шкань техникась ды технологиятне сюлмавозь вейкест-вейкест марто ды арсезь истя, штобу шождалгавтомс важодеманть.
Юлия Еремина
Фототне Эдуард Ретунскиень
Неть читнестэ минь ульнинек «Птицефабрика «Атемарская» ОАО-со. Тесэ анокстыть тикшетнень ледемантень-пурнамонтень. Кода тешкстызе предприятиянь прявтось Александр Валентинович Щемеров, механизатортнэ витить кадовикс асатыкстнэнь – витнить-петнить эсь техниканть. Ды маласо шкасто лисить ламо иень тикшетнень ледеме.
«Птицефабрика «Атемарская» предприятиясонть ламо иень тикшетнеде видезь 900 гектарт. Ледезенть теить сенажокс ды пештить яматнес, косо сон вадрясто ванстови ламо шкань перть. Сенажось юты андомапелекс сюракшов ракшатненень.
– Минек важодицятнень эйстэ ламова ашти сенажонть вадрячизэ, – кемексты хозяйствань растениеводствань ды механизациянь коряс прявтонь полавтыцясь Сергей Иванович Сотов. – Сенажонь теемань технологиятнень атопавтомадонть андомапелесь коли. Скалтнэ истямо коромдонть ярсамо а кармить. Секскак минек важодицятне шканть стяко ёмавтнеме а вечкить. Свал бажить теемс весементь шкастонзо, вадрясто ды теке марто ливтемс эсь хозяйстванть икеле молицятнень юткс. Тень кисэ тенст покш сюкпря! Лангозост ули кемема.
Сергей Иванович Горин механизаторокс предприятиясонть важоди малав колоньгемень иеть.
– Мон чачинь Покш Березникень райононь Парынзэлесэ. Мейле семиянок сась эрямо Атемарев. Тесэ школанть прядомадо мейле тонавтнинь водителекс ды ушодынь важодеме тесэнь колхозсо механизаторокс. Те шкас те тевсэнть роботангак, – корты Сергей Иванович. – Ней вана коромонь урядамо комбайнасо важодян, тикшень ледемантень-пурнамонтень анокстатано. Кодамо лувсо те тевесь ветяви: ледезь тикшесь пурнави комбайнань чарыця барабанонтень, весе сон керсеви-вишкалгавтови ды тестэ жо ютыця коштонть вийсэ ёртови комбайнанть вакссо ардыця тракторонь эли машинань кузовс. Чинзэ перть истямо комбайнась пурны-теи 300-400 тоннат сенаж. Теке жо техникасонть сёксь ёнов ледян кукурузанть. Истя жо мельган кемекстазь «Джон Дир» тракторось, конасонть тунда видинь кукурузанть, почодынь удобрениянть. Иензэ перть тевсан. Тунда видемань тевтне, кизна тикшетнень урядамось, мейле сюротнень нуема шка, кукурузанть ледемась, сёксень видематне. Техниканть варчнинь эрьва кодамо. Мезес илямак озавто, эрьванть марто муян кель-вал. Эсь тевенть пек вечкса. Кадык кортыть, велень хозяйствасо важодемась пек стака, монень жо сон мелень коряс.
Важодемань иетнень перть механизаторось тонавтнизе весе техниканть, кармась чарькодеме эрьва гайтенть, эрьва чикордоманть. Эдь трактортнэдеяк, комбайнатнедеяк те шканть перть ульнесть зярыя ды эрьва кодат.
– Техникась, кода ломань, вечки, штобу мельганзо парсте якавольть. Сестэ сонгак паросо панды – важоди кувать ды вадрясто, – тешксты Сергей Иванович.
Юткошкасто механизаторонть ули, кода кортыть, хоббизэ – сон блогер. Свал снимси а покшке видеот паксятнесэ важодема шкастонть ды невти сынст социальной сеттнень эсь лопатнесэ, ТикТоксо ды «Наша земля 13 регион» ютуб-каналсонть.
Эряви меремс, предприятиясонть важоди Горинтнэнь цела династия. Эсь шкасто тесэ роботасть Сергей Ивановичень тетязо ды авазо, ней фабрикасонть нармунень трицякс-кастыцякс важоди Наталья Борисовна низэ, инкубаторсо – Юлия Сергеевна тейтерезэ, истя жо механизаторокс роботыть Максим Сергеевич цёразо ды Юрий Иванович лелязо.
Зярдо ульнинек предприятиясонть, Максим Сергеевич, Сергей Ивановичень цёразо, роботась паксясо – изась паксянтень каязь органиканть.
Од цёрась нармунень кастома фабрикав сась колмошка иеде икеле Саранскоень политехнической техникумонть прядомадо мейле. Роботы «Джон Дир» тракторсонть. Тунда важодсь видемань тевтнесэ, ней вана оймсеме кадозь паксятнесэ сравтнить-изыть органиканть (навозонть).
Вейсэ цёранть марто лия техникасонть роботасть механизатортнэ Николай Иванович Настин ды Алексей Александрович Зубенков. Истя жо лездыцякс тенст сакшнось предприятиянь оборудованиянь витнемань коряс цехень прявтось Алексей Александрович Марков.
Эряви меремс, предприятиясонть важодить пек ламо од специалистт. Кадратнень одкстомтомантень тесэ явови башка мель. Эдь кода содатано, одтнэнь мельга минек вандынь чинек.
Од механизатортнэнь ютксо Михаил Алексеевич Ганькин ды Андрей Николаевич Фомин. Васенцесь ульнесь машинань-тракторонь парксонть. Важодемантень анокстась эсь комбайнанть.
– Важодемасонть механизатортнэнень пек лезды техникась. Хозяйствасонть сон малав весе вадря, неень шкань. Автопарконок меельце иетнестэ одкстомтовсь а беряньстэ. Ней вана аволь умок «Раннее бронирование» Росагролизингень программанть лувсо хозяйствась рамась ACROS 585 сюронь урядамонь комбайна, Ростсельмашонь KSU 1 тикшень ледемань комбайна ды жатка. Техникась виев ды вадря. Арсеви, сонзэ марто тевтне кармить молеме седе эрязасто. Тикшень ледемань комбайнанть максынек минек од специалисттнэнень Михаил Ганькиннэнь ды Максим Гориннэнь. Сынь кармить важодеме чинек-венек, вейке-вейкень полавтнезь, – кемексты Сергей Сотов.
А вана Андрей Фомин роботась паксясо – унжатнеде ванстомга ды касовкстнэнь виевстэ касомга эрявикс растворсо пургсесь яровой сюротнень. Сон роботась Amazone комплекссэнть.
Эряви меремс, унжатнеде морямопеленть анокстыть теске, паксясо. КамАЗ автомашинантень ладязь смесительной машина, козо каявить эрявикс препараттнэ. Весемесь човоряви ведь марто ды мейле уш те човорявкссонть пургсевить касовкстнэ.
Кода тешкстызь тесэ важодиця од цёратне, стакачить арасть. Неень шкань техникась ды технологиятне сюлмавозь вейкест-вейкест марто ды арсезь истя, штобу шождалгавтомс важодеманть.
Юлия Еремина
Фототне Эдуард Ретунскиень