Ютазь субутасто «Старт» стадионсо ютась раськеютконь пелькстамотнень торжественной панжомась. Кода пачти МР-ва Россиянь МЧС-нь Прявт управлениясь, августонь 5-це чистэ саезь 8-це чис ютасть мирэнь ХII-це Чемпионатонь пелькстамонь чить од цёракайтнень ды юниортнэнь ютксо ды мирэнь VIII-це Чемпионатось паломсто идемань (пожарно-спасательной) спортонь коряс од тейтерькатнень ды юниоркатнень ютксо.
Пелькстыця командатне пачколесть Россиясто, Беларусь Республикасто, Казахстансто ды Словакиясто. Мордовия Республикась яволявтозель башка.
Теде башка, тей ёрокчинь кастомга сакшнось делегация Таджикистансто ды Катарсто. Весемезэ пелькстамотнесэ ульнесть сядодо ламо спортсмент. Пелькстыцятненень пшкалесть: Мордовиянь Прявтось Артём Здунов, РФ-нь Гражданской оборонань тевтнень коряс министрань Полавтыцясь генерал-полковникесь Анатолий Супруновский, Раськеютконь спортивной пожарноень ды идицянь федерациянь президентэсь Александр Чуприян ды ламо лия масторонь представительть.
«Пожарно-спасательной спортось – лия ёнов а молиця пелькстамо. Сонзэ эйсэ кастовить толонь мадстицятнень истят эрявикс ёнкст, кода рунгонь вий, цидярдома, ёрокчи. Толонь мадстицятнень ды идицятнень неть ёнкстнэнь эйстэ ашти минек ломантнень эрямост», – мерсь Анатолий Супруновский.
Соревнованиянь программасонть ульнесть ютавтозь эрьва кодат пелькстамот. Августонь 4-це чистэ мольсь спортивной снарядонь варчнемась-ванномась (опробирование). Теке чистэнть ютавтызь штурмонь кузтематнева куземань-валгомань коряс пелькстамонть.
Августонь 6-це чистэ ульнесть 100 метрань кувалмосо пирявксов кинть (полоса препятствий) печтямга чийнемат. Мейле, 7-це чистэ, ютась пожарной эстафетась, конань эрявсь печтямс весе пелькстыцятненень. Седе тов, августонь 8-це чистэ, мольсть тюреме маштомань коряс пелькстамот (боевое развёртывание). Теке жо чистэнть «Старт» стадионсо ютась пелькстамотнень торжественной пекстамось ды изницятнень каземась.
Пелькстамонь читнестэ инжетненень ды спортсментнэнень чокшне ланга ютавтозельть сюпав экскурсионной программат, истят, кода Теризморгань этнической центрав ардомась, С. Д. Эрьзянь музеенть ды И. Д. Воронин лемсэ краеведческой музеенть ванномась, Кочкурбуень «Кречет» сафари-парков ардомась, истя жо Саранск ошка ялго якамось.
Теде башка, тей ёрокчинь кастомга сакшнось делегация Таджикистансто ды Катарсто. Весемезэ пелькстамотнесэ ульнесть сядодо ламо спортсмент. Пелькстыцятненень пшкалесть: Мордовиянь Прявтось Артём Здунов, РФ-нь Гражданской оборонань тевтнень коряс министрань Полавтыцясь генерал-полковникесь Анатолий Супруновский, Раськеютконь спортивной пожарноень ды идицянь федерациянь президентэсь Александр Чуприян ды ламо лия масторонь представительть.
«Пожарно-спасательной спортось – лия ёнов а молиця пелькстамо. Сонзэ эйсэ кастовить толонь мадстицятнень истят эрявикс ёнкст, кода рунгонь вий, цидярдома, ёрокчи. Толонь мадстицятнень ды идицятнень неть ёнкстнэнь эйстэ ашти минек ломантнень эрямост», – мерсь Анатолий Супруновский.
Соревнованиянь программасонть ульнесть ютавтозь эрьва кодат пелькстамот. Августонь 4-це чистэ мольсь спортивной снарядонь варчнемась-ванномась (опробирование). Теке чистэнть ютавтызь штурмонь кузтематнева куземань-валгомань коряс пелькстамонть.
Августонь 6-це чистэ ульнесть 100 метрань кувалмосо пирявксов кинть (полоса препятствий) печтямга чийнемат. Мейле, 7-це чистэ, ютась пожарной эстафетась, конань эрявсь печтямс весе пелькстыцятненень. Седе тов, августонь 8-це чистэ, мольсть тюреме маштомань коряс пелькстамот (боевое развёртывание). Теке жо чистэнть «Старт» стадионсо ютась пелькстамотнень торжественной пекстамось ды изницятнень каземась.
Пелькстамонь читнестэ инжетненень ды спортсментнэнень чокшне ланга ютавтозельть сюпав экскурсионной программат, истят, кода Теризморгань этнической центрав ардомась, С. Д. Эрьзянь музеенть ды И. Д. Воронин лемсэ краеведческой музеенть ванномась, Кочкурбуень «Кречет» сафари-парков ардомась, истя жо Саранск ошка ялго якамось.