Валентина Плотникованень ансяк 25 иеть. Сон сеть од ломантнестэ, конат свал лакить тевсэ, а пелить стакачитнеде ды апак лотксе тонавтнить одонтень. Мелят Валентина кармась Дубёнкань районга МР-нь Од ломанень центрань кадровой отделэнь специалистэкс, мейле – РССМ-нь местной отделениянь председателекс.
Общественной тевтнесэ важодеманть кис тензэ максозь Государственной Думань депутатонь Благодарность. Пельиень перть роботазь, сон кенерсь теемс пек ламо. А вана мартонь 22-це чистэ сон совась Мордовиянь Од ломанень правительствас кода од ломанень правительствань велень хозяйствань министра. Дубёнкань районсо тейтеренть содасызь весе – сон кенери эйкакштнень мартояк важодемс, СВО-нь участниктнень семияст туртовгак лезды. Ёвтнетяно весемеденть мельга-мельцек.
Валентина чачсь Дубёнкань райононь Кобале велесэ. Школасо тонавтнесь парсте, ёрокчинзэ невтсь эрьва кодамо мероприятиясо, сёрмадсь валморот эрзянь кельсэ, конат лиснесть «Чилисема» ды «Сятко» журналтнэсэ. Сайнесь изницянь таркат эрзянь кельсэ олимпиадатнесэ, творческой секциятнесэ. Школанть прядомадо мейле тонавтнесь М. Е. Евсевьев лемсэ МГПИ-сэ (ней – университет). Институтсо тонавтнемстэ кизэнь перть ульнесь вожатоекс Анапасо «Глобус» санаториясо, мейле – Крымсэ. Прядызе педагогической образованиянь факультетэнть 2019 иестэ. Дипломонть максомадо мейле важодсь специальностень коряс Орданьбуе велесэ вишка класстнэсэ тонавтыцякс. Теке шкастонть лиссь мирденень Сергей Плотниковонь экшс. Ули ниле иесэ тейтерькаст – Аня. Декреттэ мейле 25 иесэ тейтерь-аванть уцяскась ветизе од ломанень госорганизацияв. Вана косо лаказевсь алкуксонь эрямось! Семинарт, мастер-класст, проектт, эрьва кодамо курсат ды ламо лия мельстуиця тевть велязевсть перьканзо. Сёксня Валентина Васильевна изнясь грант пелькстамосонть, конась ютавтовсь Республикань гражданско-патриотической форумонть лувсо. Проектэнть лемезэ – «ИГРАни стола и правил». Теварсевксэнть мелесь-бажамось – теемс столь лангсо налксематнень туртов тарка лавшо шумбрачи марто ломантненень. Проектэсь карми топавтовомо Дубёнкань районсо. Тейтересь арси вейс пурнамс эрьва кодамо иесэ малав 80 истят ломантнень, конатнень ютксо кармить ютавтневеме казне марто эрьва кодат пелькстамот. Теварсевксэнтень явозельть 250 тёжат целковойть. Те ульнесь васенце изнявксозо. Ловт, сеске мельганзо ютась «Лидеры села» управленецэнь весероссиянь пелькстамось, косо сон лиссь финалс.
Эйзэнзэ весемезэ максозельть 14 тёжат яволявтомат. Пелькстамось мольсь кавто пелькссэ. Омбоце пельксэнь «Сенеж» мастерскойсэнть важодсть ансяк 150 финалистт Россиянь 58 регионсто. Мордовиянтькак Валентина ливтизе икелев. Изницятнень казизь ВДНХ-нь Од ломанень кудосо, «Россия» выставканть-форумонть лувсо. Пелькстамонть бажамокс ульнесь – муемс велень ёроков управленецт.
Эсь прянь невтемась, ёроков ломантнень марто содавиксэкс теевемась, од содамочитнень ды велесэ важодемань опытэнть таштамось раштасть од ломаненть оймесэ вийть ды икелев молемань мельть. Тейтерь-авась ёвты сюкпря Россиянь Велень Од ломанень союзонтень (РССМ). Тешкстасынек, пелькстамонь изницятненень максови эрьва ёндонь лезкс – таркава, региональной, федеральной – эсь тевсэнть касоманть туртов. «Мон вечкса веленть, ковгак арась мелем тестэ туемс! Мон вузсо тонавтнинь ошсо ды таго велявтынь Дубёнкав. Эрямом сюлмавозь неть таркатнень марто – чачинь вейке велесэ, сёрмадстозян омбоцесэ, важодян колмоцесэ. Ве валсо, весе тиринь районом ютыя. Содаса, мейсэ ды кода эрить ломантне, эрьва велень кортавкстнэньгак тонавтнинь. Мернесть тень самс ошов эрямо, ансяк монень те а эряви. Секскак карман веленть кепедеме чачома таркасо».
Валентина тиринь районсо сы иестэ велень од ломантнень туртов бажи панжомс Од ломанень центра, косо ютавтоволь эрьва кодамо ёнксонь коряс седе домка важодема. Весемесэ тензэ алтась лездамс республикань Прявтось Артём Здунов. «Тевесь пек вадря. Весень тердян варчамс эсь вийтнень федеральной программатнесэ ды Велень грантонь пелькстамотнесэ. Од ломантнень ёрокчист ды содамочист пек покшт», – сёрмады сон эсь лопатнесэ Валентина Васильевнадо.
Валентина Плотникова ульнесь Самарань ды Тольяттинь музейтнесэ «Больше чем путешествие» программанть коряс. Россиянь неть кавто оштне дивавтыть лиятнень ёнов а молиця культурасост ды историясост. Истямо экскурсиятнеде мейле седеяк ушодат вечкеме тиринь масторонть. Секскак эсь районсо сон ладизе тевенть патриотической воспитаниянть коряс. Сонзэ ушодксонзо вельде Дубёнкань од ломантнень туртов эрьва ковсто ютавтневить 40-де ламо мероприятият, конатнесэ эрсить малав 300 ломанть; анокстазь волонтёрской отрядт, козонь совить 200 участникть; эйкакштнень туртов теезь научно-технической шкинемань клубт, истя жо топавтовить программат, конатне од ломантнесэ кастыть предпринимателень тевентень меленть ды ламо лия мезе.
Певтеме паро ёжомарямот Валентинань мельс кадовсть Сочиде мейле, косо ютась Од ломанень масторлангонь фестивалесь. Вейке дискуссионной площадкасонть истя жо кортасть велень тевтнеде. Тешкстазель, ней велесь допрок лия, сон седеяк виевгадсь. Кой-конатнесэ, ошонть коряс, седеяк паро эрямось. Секскак неть территориятнень эрявить кастомс-кепедемс. Важодемадо мейле ютавтовсть ламо экскурсият ды эрьгелемат. Концертэнь шкасто сон неинзе Россиянь эстрадань ламо тештетнень: Полина Гагаринань, Пелагеянь, Шаманонь ды лиятнень. Духовно-нравственной касомадо кортасть Кирилл Патриархось, содавикс политиктне ды, мезесь сехте пек кецявтынзе од ломантнень, форумонть пекстамо сакшнось сонсь Президентэсь Владимир Путин.
Форумонь шкасто кемекстазель мировой рекордось – «Хоровод дружбы» кедте-кедьс сехте покш кирькссэ ютамось. Форумонть эйстэ а ёвтавикс ёжомарямотне эрьванть седейс кадовить куватьс.
Мартонь 15–17-це читнестэ, Президентэнь кочкамотнень ютавтомсто, Валентина Плотникова важодсь эсь райононь кочкамонь участкасо Турдакова велесэ. Теке марто сон кортнесь од ломантнень марто молемс «эстенек вандынь чинть ды сэтьме эрямонть» кочкамо.
Мартонь 14-це чистэ, «Действуй» фестиваленть шкасто, Валентина Васильевна казезель Мордовиянь Прявтонть пельде Благодарностьсэ. «Пек талнынь казнень максома шкастонть. Седейсэнь ульнесь покш кеняркс – минек важодемантень путыть питне. Сюкпря весенень, кить ульнесть вакссон ды макссть лезкс те шканть перть!» – сёрмады тейтерь-авась Интернетсэ эсь лопасонзо каземадонзо мейле.
Неть читнестэ важодемань коряс Дубёнкав сакшнось Артём Алексеевич Здунов. Докладонь ловныцятнень ютксо ульнесь Валентина Плотниковаяк. Республикань Прявтось путсь покш питне «Реализация молодежной политики на территории Дубенского района» теманть коряс сонзэ кортамонтень.
Икелепелев те ёроков тейтерь-аванть од ломанень политикасонть учить седеяк ламо мельстуиця тевть ды од тёкшт, конатнес сон свал анок! Арсетяно Валентина Васильевнанень топавтомс весе мельтнень ды свал бажамс тееме паро тевть!
Марина Агафонова
Валентина чачсь Дубёнкань райононь Кобале велесэ. Школасо тонавтнесь парсте, ёрокчинзэ невтсь эрьва кодамо мероприятиясо, сёрмадсь валморот эрзянь кельсэ, конат лиснесть «Чилисема» ды «Сятко» журналтнэсэ. Сайнесь изницянь таркат эрзянь кельсэ олимпиадатнесэ, творческой секциятнесэ. Школанть прядомадо мейле тонавтнесь М. Е. Евсевьев лемсэ МГПИ-сэ (ней – университет). Институтсо тонавтнемстэ кизэнь перть ульнесь вожатоекс Анапасо «Глобус» санаториясо, мейле – Крымсэ. Прядызе педагогической образованиянь факультетэнть 2019 иестэ. Дипломонть максомадо мейле важодсь специальностень коряс Орданьбуе велесэ вишка класстнэсэ тонавтыцякс. Теке шкастонть лиссь мирденень Сергей Плотниковонь экшс. Ули ниле иесэ тейтерькаст – Аня. Декреттэ мейле 25 иесэ тейтерь-аванть уцяскась ветизе од ломанень госорганизацияв. Вана косо лаказевсь алкуксонь эрямось! Семинарт, мастер-класст, проектт, эрьва кодамо курсат ды ламо лия мельстуиця тевть велязевсть перьканзо. Сёксня Валентина Васильевна изнясь грант пелькстамосонть, конась ютавтовсь Республикань гражданско-патриотической форумонть лувсо. Проектэнть лемезэ – «ИГРАни стола и правил». Теварсевксэнть мелесь-бажамось – теемс столь лангсо налксематнень туртов тарка лавшо шумбрачи марто ломантненень. Проектэсь карми топавтовомо Дубёнкань районсо. Тейтересь арси вейс пурнамс эрьва кодамо иесэ малав 80 истят ломантнень, конатнень ютксо кармить ютавтневеме казне марто эрьва кодат пелькстамот. Теварсевксэнтень явозельть 250 тёжат целковойть. Те ульнесь васенце изнявксозо. Ловт, сеске мельганзо ютась «Лидеры села» управленецэнь весероссиянь пелькстамось, косо сон лиссь финалс.
Эйзэнзэ весемезэ максозельть 14 тёжат яволявтомат. Пелькстамось мольсь кавто пелькссэ. Омбоце пельксэнь «Сенеж» мастерскойсэнть важодсть ансяк 150 финалистт Россиянь 58 регионсто. Мордовиянтькак Валентина ливтизе икелев. Изницятнень казизь ВДНХ-нь Од ломанень кудосо, «Россия» выставканть-форумонть лувсо. Пелькстамонть бажамокс ульнесь – муемс велень ёроков управленецт.
Эсь прянь невтемась, ёроков ломантнень марто содавиксэкс теевемась, од содамочитнень ды велесэ важодемань опытэнть таштамось раштасть од ломаненть оймесэ вийть ды икелев молемань мельть. Тейтерь-авась ёвты сюкпря Россиянь Велень Од ломанень союзонтень (РССМ). Тешкстасынек, пелькстамонь изницятненень максови эрьва ёндонь лезкс – таркава, региональной, федеральной – эсь тевсэнть касоманть туртов. «Мон вечкса веленть, ковгак арась мелем тестэ туемс! Мон вузсо тонавтнинь ошсо ды таго велявтынь Дубёнкав. Эрямом сюлмавозь неть таркатнень марто – чачинь вейке велесэ, сёрмадстозян омбоцесэ, важодян колмоцесэ. Ве валсо, весе тиринь районом ютыя. Содаса, мейсэ ды кода эрить ломантне, эрьва велень кортавкстнэньгак тонавтнинь. Мернесть тень самс ошов эрямо, ансяк монень те а эряви. Секскак карман веленть кепедеме чачома таркасо».
Валентина тиринь районсо сы иестэ велень од ломантнень туртов бажи панжомс Од ломанень центра, косо ютавтоволь эрьва кодамо ёнксонь коряс седе домка важодема. Весемесэ тензэ алтась лездамс республикань Прявтось Артём Здунов. «Тевесь пек вадря. Весень тердян варчамс эсь вийтнень федеральной программатнесэ ды Велень грантонь пелькстамотнесэ. Од ломантнень ёрокчист ды содамочист пек покшт», – сёрмады сон эсь лопатнесэ Валентина Васильевнадо.
Валентина Плотникова ульнесь Самарань ды Тольяттинь музейтнесэ «Больше чем путешествие» программанть коряс. Россиянь неть кавто оштне дивавтыть лиятнень ёнов а молиця культурасост ды историясост. Истямо экскурсиятнеде мейле седеяк ушодат вечкеме тиринь масторонть. Секскак эсь районсо сон ладизе тевенть патриотической воспитаниянть коряс. Сонзэ ушодксонзо вельде Дубёнкань од ломантнень туртов эрьва ковсто ютавтневить 40-де ламо мероприятият, конатнесэ эрсить малав 300 ломанть; анокстазь волонтёрской отрядт, козонь совить 200 участникть; эйкакштнень туртов теезь научно-технической шкинемань клубт, истя жо топавтовить программат, конатне од ломантнесэ кастыть предпринимателень тевентень меленть ды ламо лия мезе.
Певтеме паро ёжомарямот Валентинань мельс кадовсть Сочиде мейле, косо ютась Од ломанень масторлангонь фестивалесь. Вейке дискуссионной площадкасонть истя жо кортасть велень тевтнеде. Тешкстазель, ней велесь допрок лия, сон седеяк виевгадсь. Кой-конатнесэ, ошонть коряс, седеяк паро эрямось. Секскак неть территориятнень эрявить кастомс-кепедемс. Важодемадо мейле ютавтовсть ламо экскурсият ды эрьгелемат. Концертэнь шкасто сон неинзе Россиянь эстрадань ламо тештетнень: Полина Гагаринань, Пелагеянь, Шаманонь ды лиятнень. Духовно-нравственной касомадо кортасть Кирилл Патриархось, содавикс политиктне ды, мезесь сехте пек кецявтынзе од ломантнень, форумонть пекстамо сакшнось сонсь Президентэсь Владимир Путин.
Форумонь шкасто кемекстазель мировой рекордось – «Хоровод дружбы» кедте-кедьс сехте покш кирькссэ ютамось. Форумонть эйстэ а ёвтавикс ёжомарямотне эрьванть седейс кадовить куватьс.
Мартонь 15–17-це читнестэ, Президентэнь кочкамотнень ютавтомсто, Валентина Плотникова важодсь эсь райононь кочкамонь участкасо Турдакова велесэ. Теке марто сон кортнесь од ломантнень марто молемс «эстенек вандынь чинть ды сэтьме эрямонть» кочкамо.
Мартонь 14-це чистэ, «Действуй» фестиваленть шкасто, Валентина Васильевна казезель Мордовиянь Прявтонть пельде Благодарностьсэ. «Пек талнынь казнень максома шкастонть. Седейсэнь ульнесь покш кеняркс – минек важодемантень путыть питне. Сюкпря весенень, кить ульнесть вакссон ды макссть лезкс те шканть перть!» – сёрмады тейтерь-авась Интернетсэ эсь лопасонзо каземадонзо мейле.
Неть читнестэ важодемань коряс Дубёнкав сакшнось Артём Алексеевич Здунов. Докладонь ловныцятнень ютксо ульнесь Валентина Плотниковаяк. Республикань Прявтось путсь покш питне «Реализация молодежной политики на территории Дубенского района» теманть коряс сонзэ кортамонтень.
Икелепелев те ёроков тейтерь-аванть од ломанень политикасонть учить седеяк ламо мельстуиця тевть ды од тёкшт, конатнес сон свал анок! Арсетяно Валентина Васильевнанень топавтомс весе мельтнень ды свал бажамс тееме паро тевть!
Марина Агафонова