АВОЛЬ УМОК МОРДОВИЯ РЕСПУБЛИКАНЬ ГОССОБРАНИЯСО ЮТАВТОВСЬ МР-нь ДЕМОГРАФИЯНЬ ДЫ МИГРАЦИЯНЬ ПОЛИТИКАНЬ КООРДИНАЦИОННОЙ СОВЕТЭНЬ ПРОМКС.
СОНЗЭ ПАНЖИЗЕ ДЫ ВЕТЯСЬ МР-нь ГОССОБРАНИЯНЬ ПРЕДСЕДАТЕЛЕСЬ ВЛАДИМИР ЧИБИРКИН. КОРТАМОСЬ МОЛЬСЬ МАСТОРОНЬ ТОМБАЛЬДЕ МОРДОВИЯ РЕСПУБЛИКАВ ЭРЯМО СЫЦЯТНЕНЕНЬ ЛЕЗКСЭНЬ МАКСОМАДО, 2021 ИЕСТЭ ГОСУДАРСТВЕННОЙ ПРОГРАММАНТЬ ТОПАВТОМАНЬ ИТОГТНЕДЕ.
Башка мель явовсь кодат важодема таркат учить минек республикав эрямо сыцятнень кевкстемантень. Кода мерсь промксонть ушодовомсто Владимир Чибиркин, васень тевесь – ламолгавтомс республикасонок эрицятнень. Сень ловозь, Координационной советэсь аволь умок одкстомтовсь, весень пельде учови виев важодема.
«Оказание содействия добровольному переселению в Республику Мордовия соотечественников, проживающих за рубежом» государственной программанть топавтомань итогтнень теемстэ Игорь Васильевич Князьков пачтясь: «Сонзэ участникекс минек регионсо теевсть 2628 ломанть.
Те Госпрограммантень мель явсть Узбекистанонь, Таджикистанонь, Киргизиянь, Украинань, Казахстанонь, Армениянь, Азербайджанонь, Туркменистанонь республикатнесэ эрицятне. Мордовияв сыцятненень максозель государственной лезкс. 2021 иестэ важодицянь эрьва кодамо специальность максозель 313 соотечественниктненень. Весемезэ мелят тенек састь 362 ломанть, юткстост 90 % важодеме маштовицят. Сынь анокт кандомс лезэ минек региононь социально-экономиканть виевгавтомантень».
Эрямо ды важодема тарка тенст муезь Саранскойсэ ды республикань районтнэсэ, косо улить малав весе эрявикс условиятне. Кода мерсь МР-нь Промышленностень ды предпринимательтнень союзонь исполнительной директорось Алексей Захаров, тевень максыцятне свал анокт лездамс тенек сыцятненень важодема таркань муемасо.
Мордовиясо миграциянь тевтнеде пурнавозтненень пачтясь МР-ва МВД-нь Миграциянь кевкстематнень коряс управлениянь прявтонь тевтнень нурька шкас топавтыцясь Борис Мандрус.
Мордовия Республикань муниципальной весе районтнэсэ ды Саранск ошонь округсо теезь межведомственной комиссият, косо ванкшновить «Оказание содействия добровольному переселению в Республику Мордовия соотечественников, проживающих за рубежом» госпрограммань участниктнень яволявтомаст.
Кода сынь важодить, Чаунза ёнксонь примерэнть вельде, пачтясь Чамзинкань муниципальной райононь прявтонь полавтыцясь, велень хозяйствань управлениянь прявтось Александр Лямзин.
Промкссонть истя жо ванкшнозельть демографиянь кевкстематне. Сынст коряс толковамот макссь МР-нь Здравоохранениянь министрась Олег Маркин.
– Здравоохранениянть важодеманть прявт тевесь – васняяк ломантнень эрямост кувалгавтомась, сынст шумбрачист ванстомась, ломанень капиталонть ламолгавтомась, кода масторонь ды минек республикань сюпавчинть, – мерсь Олег Валентинович.
Истя жо сон пачтясь национальной проекттнэнь коряс мероприятиятнень ютавтомадо, ков совавтовсть здравоохранениянь первичной звенанть одкстомтомась, седеень-санонь орматнень а нолдамонь программанть топавтомась, медицинань организациятнес сатышка кадратнень анокстамось ды истя седе тов.
Олег Маркин эсь докладсонзо башка мель явсь коронавирусонь инфекциянть коряс кевкстематненень. Тешкстась, неень шкане, зярдо ормась аламодо потась, мерсь седе покш мель явома профосмотратненень ды диспансеризациянтень. Истя жо кармавтсь эрицятнень теемс вакцинациянть ды ревакцинациянть.
Меельцекс МР-нь Госсобраниянь Председателесь Владимир Чибиркин макссь казнеть республикань муниципальной районтнэсэ госпрограмманть эрямос совавтомсто парсте важодицятненень ды программань семиятненень-участниктненень, кинь истя жо тердекшнизь те промксонтень.
* * *
МР-нь Координационной Советэнь промксос тердезельть сеть ломантне, кить свалшкань эрямо таркакс кочкизь минек республиканть. Течи сынь ёвтыть мелест-арсемаст Мордовиянть коряс.
Джохонгир Раджабов:
– 2013-2019 иетнестэ монень прась уцяска тонавтнемс Мордовиянь Н. П. Огарёв лемсэ государственной университетэнь медицинской факультетсэ. Тонавтнеманть прядомадо мейле васня туекшнинь важодеме тиринь Таджикистанов, аламо шкань ютазь велявтынь одов Мордовияв. Тесэ вастымизь мельспаросо, тев тень муевсь нурька шкас.
Ней важодян участковой врачокс Зубова-Полянань Явас посёлкань поликлиникасо. Мелезэнь пек тусть тосонь эрицятне, ламотне чевте седейть, паронь арсицят, эрьва тевсэ лездыцят.
Арасть стакачить эрямо таркань коряскак, сеске макссть тень служебной квартира, маласо шкасто арсян ускомс Мордовияв ним ды эйкакшом. Вейсэ карматано путомо од кудо. Мордовия Республикась монь туртов теевсь омбоце тиринь таркакс.
Руслан Джаббаров:
– Мордовияв васенцеде сынь 2012 иестэ. Вейсэ ялгань марто важодинек стройкасо, самай сестэ тесэ ульнесть покш ды ламо строительной объектт, конат эрявсть прядомс покш кенярксчинтень, эрзя-мокшонь раськенть рузонь государстванть марто вейсэндявомань 1000 иетнень тешкстамонтень. Нать, а стяко эрямо китне пачтимизь Мордовияв, эдь тестэ ушодовить монь ундокстнэ. Авань ёндо покштям-бабам ульнесть Саранскоень эрицят.
Шкань ютазь Узбекистансто тей сась семиям. Тешкстаса, ним важоди эйдень кужосо воспитателень лездыцякс, тов эрьва чистэ ветнетяно цёрыненек. Тейтерьканок тонавтни школасо. Мелезэнек пек тукшны Мордовиясо эрямось. Маласо шкасто ушодтано тееме эстенек од кудо. Ёвтатано покш сюкпря республикань прявттнэнень миненек лезксэнь максоманть кисэ. Паро, ули Госпрограмма, конань коряс шождалгавтови ве ёндо сыцятнень уцяскаст.
Валентина ЮДИНА.
Фототне:
Эдуард РЕТУНСКИЙ
Башка мель явовсь кодат важодема таркат учить минек республикав эрямо сыцятнень кевкстемантень. Кода мерсь промксонть ушодовомсто Владимир Чибиркин, васень тевесь – ламолгавтомс республикасонок эрицятнень. Сень ловозь, Координационной советэсь аволь умок одкстомтовсь, весень пельде учови виев важодема.
«Оказание содействия добровольному переселению в Республику Мордовия соотечественников, проживающих за рубежом» государственной программанть топавтомань итогтнень теемстэ Игорь Васильевич Князьков пачтясь: «Сонзэ участникекс минек регионсо теевсть 2628 ломанть.
Те Госпрограммантень мель явсть Узбекистанонь, Таджикистанонь, Киргизиянь, Украинань, Казахстанонь, Армениянь, Азербайджанонь, Туркменистанонь республикатнесэ эрицятне. Мордовияв сыцятненень максозель государственной лезкс. 2021 иестэ важодицянь эрьва кодамо специальность максозель 313 соотечественниктненень. Весемезэ мелят тенек састь 362 ломанть, юткстост 90 % важодеме маштовицят. Сынь анокт кандомс лезэ минек региононь социально-экономиканть виевгавтомантень».
Эрямо ды важодема тарка тенст муезь Саранскойсэ ды республикань районтнэсэ, косо улить малав весе эрявикс условиятне. Кода мерсь МР-нь Промышленностень ды предпринимательтнень союзонь исполнительной директорось Алексей Захаров, тевень максыцятне свал анокт лездамс тенек сыцятненень важодема таркань муемасо.
Мордовиясо миграциянь тевтнеде пурнавозтненень пачтясь МР-ва МВД-нь Миграциянь кевкстематнень коряс управлениянь прявтонь тевтнень нурька шкас топавтыцясь Борис Мандрус.
Мордовия Республикань муниципальной весе районтнэсэ ды Саранск ошонь округсо теезь межведомственной комиссият, косо ванкшновить «Оказание содействия добровольному переселению в Республику Мордовия соотечественников, проживающих за рубежом» госпрограммань участниктнень яволявтомаст.
Кода сынь важодить, Чаунза ёнксонь примерэнть вельде, пачтясь Чамзинкань муниципальной райононь прявтонь полавтыцясь, велень хозяйствань управлениянь прявтось Александр Лямзин.
Промкссонть истя жо ванкшнозельть демографиянь кевкстематне. Сынст коряс толковамот макссь МР-нь Здравоохранениянь министрась Олег Маркин.
– Здравоохранениянть важодеманть прявт тевесь – васняяк ломантнень эрямост кувалгавтомась, сынст шумбрачист ванстомась, ломанень капиталонть ламолгавтомась, кода масторонь ды минек республикань сюпавчинть, – мерсь Олег Валентинович.
Истя жо сон пачтясь национальной проекттнэнь коряс мероприятиятнень ютавтомадо, ков совавтовсть здравоохранениянь первичной звенанть одкстомтомась, седеень-санонь орматнень а нолдамонь программанть топавтомась, медицинань организациятнес сатышка кадратнень анокстамось ды истя седе тов.
Олег Маркин эсь докладсонзо башка мель явсь коронавирусонь инфекциянть коряс кевкстематненень. Тешкстась, неень шкане, зярдо ормась аламодо потась, мерсь седе покш мель явома профосмотратненень ды диспансеризациянтень. Истя жо кармавтсь эрицятнень теемс вакцинациянть ды ревакцинациянть.
Меельцекс МР-нь Госсобраниянь Председателесь Владимир Чибиркин макссь казнеть республикань муниципальной районтнэсэ госпрограмманть эрямос совавтомсто парсте важодицятненень ды программань семиятненень-участниктненень, кинь истя жо тердекшнизь те промксонтень.
* * *
МР-нь Координационной Советэнь промксос тердезельть сеть ломантне, кить свалшкань эрямо таркакс кочкизь минек республиканть. Течи сынь ёвтыть мелест-арсемаст Мордовиянть коряс.
Джохонгир Раджабов:
– 2013-2019 иетнестэ монень прась уцяска тонавтнемс Мордовиянь Н. П. Огарёв лемсэ государственной университетэнь медицинской факультетсэ. Тонавтнеманть прядомадо мейле васня туекшнинь важодеме тиринь Таджикистанов, аламо шкань ютазь велявтынь одов Мордовияв. Тесэ вастымизь мельспаросо, тев тень муевсь нурька шкас.
Ней важодян участковой врачокс Зубова-Полянань Явас посёлкань поликлиникасо. Мелезэнь пек тусть тосонь эрицятне, ламотне чевте седейть, паронь арсицят, эрьва тевсэ лездыцят.
Арасть стакачить эрямо таркань коряскак, сеске макссть тень служебной квартира, маласо шкасто арсян ускомс Мордовияв ним ды эйкакшом. Вейсэ карматано путомо од кудо. Мордовия Республикась монь туртов теевсь омбоце тиринь таркакс.
Руслан Джаббаров:
– Мордовияв васенцеде сынь 2012 иестэ. Вейсэ ялгань марто важодинек стройкасо, самай сестэ тесэ ульнесть покш ды ламо строительной объектт, конат эрявсть прядомс покш кенярксчинтень, эрзя-мокшонь раськенть рузонь государстванть марто вейсэндявомань 1000 иетнень тешкстамонтень. Нать, а стяко эрямо китне пачтимизь Мордовияв, эдь тестэ ушодовить монь ундокстнэ. Авань ёндо покштям-бабам ульнесть Саранскоень эрицят.
Шкань ютазь Узбекистансто тей сась семиям. Тешкстаса, ним важоди эйдень кужосо воспитателень лездыцякс, тов эрьва чистэ ветнетяно цёрыненек. Тейтерьканок тонавтни школасо. Мелезэнек пек тукшны Мордовиясо эрямось. Маласо шкасто ушодтано тееме эстенек од кудо. Ёвтатано покш сюкпря республикань прявттнэнень миненек лезксэнь максоманть кисэ. Паро, ули Госпрограмма, конань коряс шождалгавтови ве ёндо сыцятнень уцяскаст.
Валентина ЮДИНА.
Фототне:
Эдуард РЕТУНСКИЙ