Ицялонь райононь Кемля посёлкасо ютазь иестэ ушодовсть витнемань-вадрялгавтомань тевть Советской площадьсэнть. Весе роботатне явозь кавто пельксэс. 2023 иестэ вадрялгавтозь кочказь территориянь вейке пельксэсь – Больничной переулкастонть саезь Рождественно-Богородичной храмонть видьс.

Тесэ ладявсть эземть, аравтовсть валдомтомапельть. Площадень куншкасо теевсь нурямо марто оймсема тарка. Истя жо, кинть чирева озавтовсть чувтот, куракшт, эрьва кодат касовкст.
Одкстомтозь площадесь кармась седе вадрякс ды теевсь вишкинетнень ды покштнень туртов юткошкань ютавтома таркакс.
«Формирование комфортной городской среды» проектэнть лувсо Ицялсо истя жо одкстомтовсь паркось-скверэсь. Ней сехте вишкинетнень туртов тесэ ули налксемань туртов вадря площадка. Неень вешематнень коряс теевсь кизэнь эстрадаськак.
Райцентрань эрицятнень ды инжетнень туртов ладявсть озамо таркат, ютамо китнень кувалт жо стявтовсть светильникть.

Эряви меремс, Ицялсо проектэнть коряс важодемась поладови 2024 иестэяк. Истя, Кривошеевень куросонть арсеви теемс оймсемань ды налксемань туртов вадря тарка эйкакштнень туртов. Сон карми явозь колмо пельксэс. Эйкакштнень туртов ладить налксемань комплекс кирякстнемань пандынетнень, карусельтнень ды нурямотнень, артомань туртов лазнэтнень марто. Спортонь пелькссэнть арсевить турникть, шведской стенка, бороцямонь кедьёнкст. Тесэ жо карми велопарковка.

Анокстызе Юлия ЕРЕМИНА