Эрьва иень декабрянь 9-це чистэ минек масторсо тешкстави Тиринь масторонь Геройтнень чись. Те чистэнть минь ледстнетяно масторонть олячинзэ кис маштовозтнень, неень шкань виевтнень ды апелицятнень подвигест.
Истя, неть читнестэ «Средняя школа № 32» МОУ-со панжсть мемориальной лаз те школань прядыцянть Алексей Викторович Завьялкинэнь лемс, конась маштовсь Донбассо специальной военной операциясонть.
Торжественной пельксэнть панжомсто гайгсь масторонь гимнась ды ливтезельть школань флагтне. Тесэнь тонавтницятне ёвтнесть ды морасть патриотизмань теманть коряс стихть ды морот. Митингсэнть ульнесть сонзэ малавиксэнзэ: авазо – Наталья Григорьевна, низэ – Мария Александровна, цёразо – Никита, сазорозо – Елена Викторовна, истя жо государственной органтнэнь, общественной ды ветеранонь вейсэндявкстнэнь представительть.
Митингсэнть весе кортыцятне тешкстасть, геройтне од ломантненень невтить кемечинь ды апелемачинь пример, сынст подвигтне аштить патриотизмань ды оймеёжонь невтицякс, максыть эсь вийтнес кемема. Меельцекс путозельть цецят школань мемориалонтень. Сон алтави те школань прядыцятненень, конатне маштовсть воинэнь долгонть топавтомань шкасто ды казевсть Мужествань орденсэ.