Кизэнь каникулатне ютасть. Сась тонавтнема од иесь. Те иень маней ды лембе читнестэ республикань ламот эйкакштне оймсесть ды парсте ютавтызь шкаст шумбрачинь витемань лагертнесэ.
Течи минек ловныцятненень пачтятано «Солнечная Мордовия» АНО православной семиянь лагерьсэ оймсицятнеде. Тешкстасынек, тосо ульнесь аволь ансяк оймсема, истя жо 2020-2021 иетнес Мордовия Республикасо зыянтомо эйкакшпингенть виевгавтомань коряс программанть эрямос совавтомась. Сон алтазель эрямонь стакачитнень марто вастовицятненень, сеть эйкакштненень, кинень прась уцяска лисемс изницякс лезксэнь максомань фондонть Грантонь саемасонть.
Лагерьсэнть эрьва чистэ ютавтовсть занятият сеть тетятнень-аватнень марто, кить эсь эйкакшост коряс пек казямот. Тонавтыцятне-психологтне анокстасть вейсэнь урокт, косо невтсть, кода эряви прянть ветямс те эли тона стакачинть лисемстэ. Эйкакштнень туртов анокстазельть арттерапевтической, ёвкстерапевтической занятият, кинолекторийть, тетятнень-аватнень туртов вейке-вейкень ютксо сэтьмечинть ладямодо, вечкеманть ванстомадо кортамот-лекцият.
Эйкакштнень марто ютавтовсть иппотерапевтической занятият. Иппотерапиясь – те ломаненть рунгонзо лецямо. Сон канды покш лезкс кода вишкинетненень, истя покштнененьгак. Эйкакш марто аватне неть занятиятнеде мейле допрок полавтовить: лоткить пелемадо, ютыть кежест, вейке-вейкень туртов кармить улеме ков седе малавикс ломанекс. Лишметне эсь сэтьмечисэст киртить эйкакштнень тандалемаст, паролгавтыть ёжомарямост.
Стака тевс понгиця тейтерькатне ды цёрынетне ков седе шождасто пряст марить лишмесэ ардомадо мейле, сынь ушодыть кемеме эсь вийтнес.
Те лагересь ашти иневанькс таркасо, Иоанно-Богословонь цёрань монастырьсэ. Тосо улемстэ тетятне-аватне эйкакшост марто яксесть службас, озность ярсамодо икеле ды мейле, тонавтнесть православной ломанень койтнень-кирдатнень.
Православной лагерьсэнть эйкакштне марясть лезкс аволь ансяк тетяст-аваст ёндо, истя жо священнослужительтнень пельдеяк.
Эйкакштнень ды сынст тетятнень-аватнень туртов ютавтсть экскурсия «Адмирал Федор Ушаков» венчсэнть, мезесь пек тусь весень мельс.
Православной семиянь лагересь лездась максомс духовной сюпавчить семиятненень, теемс сынст седе малавиксэкс ды вейке вейкень чарькодицякс, тетятнень-аватнень кепедемс педагогической культураст, тонавтомс сынст кудоютксо уликс стакачитнень изнямо.
Надежда Б.: Покштояк покш сюкпря ёвтан Республикань эйкакштнень ды од ломантнень туртов «Надежда» социальной приютонь важодицятненень истямо питней казненть кисэ. Башка лембе валт пачтятано психологтненень Наталья Николаевнанень ды Ольга Романовнанень. Те шкась минек туртов ульнесь пек уцяскав.
Татьяна Н.: Покш сюкпря «Надежда» приютсо важодицятненень «Солнечная Мордовия» лагерев путёвканть максоманзо кисэ. Те ульнесь апак учонь покш кеняркс цёрам ды монь туртов. Эрямонь условиятне пек парт, андсть эйсэнек тантейстэ. Монастырень священнослужительтне сеедьстэ ютавтнесть мартонок экскурсият, ламо превс путомат маринек пельдест. Иппотерапиясь пек тусь кода эйкакштнень, истя минек туртовгак. Сюкпрянь валт ёвтатано весе тонавтыцятненень, мартонок шканть ютавтыцятненень.
Наталья С.: Минек марто важодсть алкуксонь педагогт-психологт, кить ютавтсть мартонок ламо занятият, тонавтсть эйсэнек изнямс стакачитнень ды муемс кель-вал эйкакшонок марто. Сюкпря лездыцятненень-волонтёртнэнень, кить свал ульнесть вакссонок.
В. Владимирова
Лагерьсэнть эрьва чистэ ютавтовсть занятият сеть тетятнень-аватнень марто, кить эсь эйкакшост коряс пек казямот. Тонавтыцятне-психологтне анокстасть вейсэнь урокт, косо невтсть, кода эряви прянть ветямс те эли тона стакачинть лисемстэ. Эйкакштнень туртов анокстазельть арттерапевтической, ёвкстерапевтической занятият, кинолекторийть, тетятнень-аватнень туртов вейке-вейкень ютксо сэтьмечинть ладямодо, вечкеманть ванстомадо кортамот-лекцият.
Эйкакштнень марто ютавтовсть иппотерапевтической занятият. Иппотерапиясь – те ломаненть рунгонзо лецямо. Сон канды покш лезкс кода вишкинетненень, истя покштнененьгак. Эйкакш марто аватне неть занятиятнеде мейле допрок полавтовить: лоткить пелемадо, ютыть кежест, вейке-вейкень туртов кармить улеме ков седе малавикс ломанекс. Лишметне эсь сэтьмечисэст киртить эйкакштнень тандалемаст, паролгавтыть ёжомарямост.
Стака тевс понгиця тейтерькатне ды цёрынетне ков седе шождасто пряст марить лишмесэ ардомадо мейле, сынь ушодыть кемеме эсь вийтнес.
Те лагересь ашти иневанькс таркасо, Иоанно-Богословонь цёрань монастырьсэ. Тосо улемстэ тетятне-аватне эйкакшост марто яксесть службас, озность ярсамодо икеле ды мейле, тонавтнесть православной ломанень койтнень-кирдатнень.
Православной лагерьсэнть эйкакштне марясть лезкс аволь ансяк тетяст-аваст ёндо, истя жо священнослужительтнень пельдеяк.
Эйкакштнень ды сынст тетятнень-аватнень туртов ютавтсть экскурсия «Адмирал Федор Ушаков» венчсэнть, мезесь пек тусь весень мельс.
Православной семиянь лагересь лездась максомс духовной сюпавчить семиятненень, теемс сынст седе малавиксэкс ды вейке вейкень чарькодицякс, тетятнень-аватнень кепедемс педагогической культураст, тонавтомс сынст кудоютксо уликс стакачитнень изнямо.
Надежда Б.: Покштояк покш сюкпря ёвтан Республикань эйкакштнень ды од ломантнень туртов «Надежда» социальной приютонь важодицятненень истямо питней казненть кисэ. Башка лембе валт пачтятано психологтненень Наталья Николаевнанень ды Ольга Романовнанень. Те шкась минек туртов ульнесь пек уцяскав.
Татьяна Н.: Покш сюкпря «Надежда» приютсо важодицятненень «Солнечная Мордовия» лагерев путёвканть максоманзо кисэ. Те ульнесь апак учонь покш кеняркс цёрам ды монь туртов. Эрямонь условиятне пек парт, андсть эйсэнек тантейстэ. Монастырень священнослужительтне сеедьстэ ютавтнесть мартонок экскурсият, ламо превс путомат маринек пельдест. Иппотерапиясь пек тусь кода эйкакштнень, истя минек туртовгак. Сюкпрянь валт ёвтатано весе тонавтыцятненень, мартонок шканть ютавтыцятненень.
Наталья С.: Минек марто важодсть алкуксонь педагогт-психологт, кить ютавтсть мартонок ламо занятият, тонавтсть эйсэнек изнямс стакачитнень ды муемс кель-вал эйкакшонок марто. Сюкпря лездыцятненень-волонтёртнэнень, кить свал ульнесть вакссонок.
В. Владимирова