Владимир Васильевич тешкстызе, Кочкамотнес сась вадря ёжо марто, кода минек республикань лия эрицятнеяк.
- Течи омбоце чи минек масторсо молить Россиянь Президентэнь Кочкамотне. Мордовиянь эрицятне, статистикань максоматнень коряс, невтить пряст ёроковсто. Весе минь кочкатано государствань прявтонть, кинь марто маласо кото иетнень перть карматано молеме вейсэ ды тееме покш тевть. Арсевить ламо од проектт экономикань весе ёнкстнэсэ, социальной эрямосонть. Ламо кемекстазь теемс наукань, образованиянь, здравоохранениянь, демографиянь ёнкстнэсэ: эйдень од кужотнень ды школатнень теемась, минек оштнесэ ды велетнесэ вадря эрямонь ладямось. Те пек эрявикс важодема. Прявт кевкстемась - топавтомс минек масторонь национальной безопасностень тевтнень. Мон кеман, общественной ды политической вийтнень вейсэндямось лезды молемс ансяк икелев, штобу Россиясь улевель виев, киньгак эйстэ а аштиця державакс, - тешкстызе Владимир Чибиркин.
