Тундонь-кизэнь шкастонть ламолгалить кирвазематне. Мордовиява Россиянь ГУ-нь МЧС-сь карды ломантнень коське тикшень пултамодонть. Тень коряс неть читнестэ МР-нь Пресс-центрасо ютавтозель пресс-конференция, конась ушодозель МР-ва Россиянь МЧС-нь Главной управлениянь прявтонть Сергей Репинэнь кортамосонть.
Сон тешкстась: «Ризксэнтень, неень шкантень кассть паломатне, конатне сюлмавозь коське тикшень кирвазтематнень марто. Иенть ушодовомсто саезь уш ульнесть 92 истят зыянов тевть, конатнестэ нилетнесэ толось ютакшнось строявкстнэс».
Мордовия Республикань Гражданской оборонань ды апак учне лисиця зыянов тевтнень коряс государственной комитетэнь председателесь Андрей Наумов ёвтнесь мезе тееви эрицятнень ды территориятнень кирваземадонть ванстоманть коряс: «Кува эряви, сокавсь модась, ванськавтовсть шукштнэнь пурнавома таркатне, анокставсь техникась». Зыянтнэнь а нолдамга неень шкасто надзорной органтнэнь сотрудниктне яксить велетнева, кортнить ломантнень марто, явшить памяткат, содавтыть кирвазематнень а нолдамонь вешематнень марто.
Прявт управлениянь начальникень полавтыцясь – тевтееманть мельга ваномань ды зыянов тевтнень а нолдамонь коряс управлениянь прявтось Александр Болталин кортась кирвазематнень а нолдамост коряс вешематнеде ды сынст коламост кис ответственносттенть, конатне тешкстазь РФ-нь законодательствасонть.
МР-нь Вирень, охотямонь хозяйствань ды природопользованиянь министерстванть Кармавтоманзо коряс маласо шкасто Мордовиясо яволявтови пожароопасной шка. 2022 иенть коряс тедеде сон ушодовсь седе икеле.
Тешкстама, васенцеде кирвазтеманть кис ломантне ансяк валсо чумондовить. Омбоцеде вешематнень коламонть кис путови 2-3 тёжат целковоень покшолмасо штраф. Паломатнень ламолгадома шкастонть те покшолмась кастови ниле тёжат целковойс.
Бути редиде вирьсэ кирвазема, шкань апак таргсе гайневтеде Региональной диспетчерской пунктов 8(8342) 23-41-50 телефононь номерэнть коряс эли Вейкине дежурно-диспетчерской службав: 112 номерганть.
Мордовия Республикань Гражданской оборонань ды апак учне лисиця зыянов тевтнень коряс государственной комитетэнь председателесь Андрей Наумов ёвтнесь мезе тееви эрицятнень ды территориятнень кирваземадонть ванстоманть коряс: «Кува эряви, сокавсь модась, ванськавтовсть шукштнэнь пурнавома таркатне, анокставсь техникась». Зыянтнэнь а нолдамга неень шкасто надзорной органтнэнь сотрудниктне яксить велетнева, кортнить ломантнень марто, явшить памяткат, содавтыть кирвазематнень а нолдамонь вешематнень марто.
Прявт управлениянь начальникень полавтыцясь – тевтееманть мельга ваномань ды зыянов тевтнень а нолдамонь коряс управлениянь прявтось Александр Болталин кортась кирвазематнень а нолдамост коряс вешематнеде ды сынст коламост кис ответственносттенть, конатне тешкстазь РФ-нь законодательствасонть.
МР-нь Вирень, охотямонь хозяйствань ды природопользованиянь министерстванть Кармавтоманзо коряс маласо шкасто Мордовиясо яволявтови пожароопасной шка. 2022 иенть коряс тедеде сон ушодовсь седе икеле.
Тешкстама, васенцеде кирвазтеманть кис ломантне ансяк валсо чумондовить. Омбоцеде вешематнень коламонть кис путови 2-3 тёжат целковоень покшолмасо штраф. Паломатнень ламолгадома шкастонть те покшолмась кастови ниле тёжат целковойс.
Бути редиде вирьсэ кирвазема, шкань апак таргсе гайневтеде Региональной диспетчерской пунктов 8(8342) 23-41-50 телефононь номерэнть коряс эли Вейкине дежурно-диспетчерской службав: 112 номерганть.