- Подробности
- Категория: Домашнее хозяйство
Татьяна Фёдоровна Толайкинанень, кона эри Дубенка велесэ, фамилиязо пек лади. Алкукскак, кода кортыть эрзятне, тол-авась: эряза, ве минутаяк тевтеме а ашти. Казизе те фамилиянть тензэ мирдезэ Александр Иванович, зярдо 42 иеде икеле Енгалычева велень рузонь тейтересь венчась прясто пильгс эрзянь цёрантень. Понгсь од урьвась эрзянь семияс, косо ульнесть кеметь койтне-кирдатне, ававтось ве валгак рузкс а ёвтыль, секскак тейтересь куроксто тонавтнизе эрзянь келенть ды ней корты эрзятнедеяк парсте.
- Подробности
- Категория: Домашнее хозяйство
Сень лангс апак вано, неень шкане магазинэнь лавсятне пешксеть эрьва кодамо товардо, муемс алкуксонь ды шумбрачинтень зыянонь акандыцят – тевесь а шожда. А эдь ярсамопельтне улест оштё лезэвтькак. Теке тевесь ашти меденть коряскак. Ютавтовить ламодояк ламо медень ярмункат ды выставкат, ламо эрьва кодат микшневить магазинсэ. Те продуктась аволь дефицитэнь, ансяк вана муемс алкуксонь медь – а шожда. Медесь – истямо продукта, конань тейнить аволь алкуксонь седе сеедьстэ.