Саранскоень Аэропортось аволь покштнень эйстэ, теке марто важодемась тесэ ветяви, эряви меремс, кода лиятнесэяк – кемекстазь вешематнень ды аравтлувтнень коряс. Башка мель явови сэтьме важодемантень ды ливтицятнень вейке таркасто лияв зыянтомо пачтямонтень. Тень мельга Аэропортсонть домкасто ваны авиационной транспортной безопасностень службась. Минь содавттадызь те службань прявт важодицятнень марто.
Неть – инспекторось-кинологось Юрий Алексеевич Гришунин ды служебно-розыскной кискась – лабрадорось-ретриверэсь Баффи.
Вейсэ Баффи марто инспекторось-кинологось ванныть самолёттнэнь, аэропортонь помещениятнень, ливтицятнень курмост-кармост. Те весемесь тееви авиационной зыянтомочинть топавтомга.
– Баффи аэропортонь истямо жо сотрудник, кода лиятнеяк, – кемексты Юрий Гришунин. – Сон вешни-реди зыянонь кандыця предметтнэнь – леднема- ды сезевемапельть, боеприпаст ды ламо лия мезе. Минь мартонзо васня весементь ванносынек, мейле сёрмадан актт. Сындест тешкставить зярыя. Ливтицятнень багажост ванномга вейке акт, самолётонь ванкшномань – лия. Актсонть тешкстави весемесь. Самолётонть ванкшномсто тешкставить бортонь номерэсь, рейсэнь номерэсь, ёвтневи, кода кискась топавтызе эсь тевенть, мейстэ ушодсь, мейсэ весемесь прядовсь. Весемеденть улить документт. Минек аэропортсо истямо кискась вейкине. Нама, бути эряви, лезкс тенек максыть МР-ва Россиянь МВД-нь Кинологической центрань, транспортной полициянь специалисттнэ. Теке марто васенце таркасонть аштетяно минь.
Эряви меремс, Баффинь кирдемазо целанек Аэропортонть лангсо. Аэропортось пандынзе сонзэ рамамонть, тонавтоманть, тень туртов весе эрявиксэнть. Предприятиянть лангсо ашти сонзэ андомазо, ветеринарной клиникасо шумбрачинзэ ванномазо ды ламо лия мезесь.
– Баффи тесэ важоди 2016 иестэ саезь. Раминек сонзэ Саратовань частной питомникстэ. Минь зярдо тов молинек, мартон якась ним, ваннынек тетянть-аванть. Авась ульнесь аволь сэрей, а вана тетясь, мерят, ротвейлер – покш, виев, – корты Юрий Гришунин. – Миненек эрявсь авака киска, секс мекс сынь седе кунсолыцят, сэтьметь, а тюргадыцят. Ды кискалевкскетнень ванномсто рединек вейкенть, кирьгаванзо содозель сэнь карькске. Кевкстнян азораванть, те мень тешкс? Сон толковизе, кавксо кискалевкстнэнь ютксто, конат ульнесть, те сехте ёлманя, весень бузмолгавтсынзе, сонсь мади. Авака левкстнэде кавксотнестэ ульнесть ниле ды сынст ютксо карькскенть мартоськак. Вольерстэнть весень ливтинек ушов, штобу кочкамс. Колмотне таймазкадсть, пелезевсть эйстэнек. Тешкстазесь жо крыльця алов оргодсь. Зярдо тосто таргинек, снартнинь тензэ ёртомс оскине, панжомат, штобу ваномс тандады-арась, сон жо икельденек таго ёматотсь. Нинтень мерян, тень сайсынек. Сон минек. Мельскак сеске тусь, а пелицянь обуцянзояк невтизе.
Кискалевксэсь куроксто кочказель ды лемеськак тензэ лиссь кода-бути апак учо. Баффи лемесь весенень тусь мельс ды курок совась весень превс. Вейке пель марто иень перть кискась кастовсь, весементень тонавтовсь ды аравтовсь тевс.
Сонсь Юрий Гришунин Саранскоень Аэропортсо роботы истя жо 2016 иестэ саезь. Баффи марто ушодсть малав ве шкасто. Сон – МВД-нь пенсионер, ульнесь кинологокс.
– Полициясо важодемстэ кинологонь тевентень максынь зярыя иеть. Секскак роботанть парсте содаса ды вечкса, – ёвтни инспекторось-кинологось. – Кода карминь кинологокс? Свал вечкилинь кискат ды сынь минек свал ульнесть. Юткошкасто покш мель яван охотантень, секскак монь ульнесть эрьва кодамо породань кискан: лайкат, борзойть ды лият. Зярдо роботынь транспортной полициясо, эрявсь кинолог, кочкамс жо а кинь ульнесь. А монь кискатненень вечкемадонть содасть весе ды те тевентень аравтымизьгак. Тосо службанть ютамсто важодинь бельгийской овчарка марто, сон нейгак эсь службанть канды. Мон сонзэ кастыя, весементень тонавтыя ды туемстэ лия кинологонтень кадыя.
Нама, тевенть апак сода кинологокс важодеме а кармат. Кискатнень вечкемась – те пек паро, ансяк улест эрявикс содамочитькак. Юрий Гришунин прядызе Уфань Кинологтнень анокстыця школанть. Сонзэ ули дипломозо, конань коряс мереви анокстамс ды тонавтомс служебно-розыскной кискатнень.
Эряви тешкстамс, Юрий Алексеевич кискантень максы весе шканзо. Сынь аволь ансяк роботасо вейсэ, кудосояк. Кинологонть мельс а тукшныть вольертнэ ды кискатнень кирдема лия таркатне, секскак Баффинь сон кирди эсензэ кудосо. Те ков седе вадря.
– Баффи марто важодян ансяк мон, секс лован сонзэ эсь кискакс. Ды кияк лия сонзэ марто важодеме а кармияк. Лиянть сон а кунсолосы, кармавтоманзо а топавтсынзе. Кисканть улезэ вейке азорозо. Сестэ важодемась мартонзо карми вейсэнь тевекс, – корты Юрий Гришунин. – Служебно-розыскной кискатнень важодемань шкаст – кемень иеть. Нама, эрьва иень аттестациянть ютамсто важодемань ёнксонзо ваннозь, мереви те шканть эштё кувалгавтомс иес, мейле эштё вейкес. Ансяк те эрси аволь пек сеедьстэ, эдь кискась уш сыреди.
Баффи кадык авака киска, ансяк левксыямс тензэ а мереви. Эдь бути кармить левкскензэ, роботамо а карми. Сон карми мелявтомо тякинензэ мельга, аволь зыянонь кандыця предметтнэнь вешнеме. Эряви жо, штобу эйсэнзэ свал улевель важодемань ёжо – куш чить, куш веть.
Эряви меремс, Аэропортсо Баффинь вечксызь весе. Важодицятне кандтнить тензэ тантей ярсамопельть. Юрий Алексеевич тень кисэ а сёвны, кадык витить кисканть мелензэ.
– Аэропортсо важодеманть туртов самай истямо порода, монь койсэ, седе ладияк. Сон сэтьме. Эрявсь теть ковгак аламос совамс, сюлмик сонзэ эли кадык козояк, сон а онгозеви, а ирнэзеви, киньгак а суски. Эйкакшт пек вечки. Тонатне вадяшитькак эйсэнзэ, ластеяк лангозонзо ойсить. Сон эйсэст а токши, мекевлангт, лапанзо шумбракстнемс венстни, – тешксты кинологось.
– Баффи минек тесэ «пурьгинень» пансиця. Важодемасо эрьва мезе эдь эрси, ливтицятнеяк эрьва кодамо мельёжосот. Кисканть неезь, мизолдозевить, сэтьмелгадыть, – корты Лидия Андреевна, Саранскоень Аэропортонь Авиационной транспортной безопасностень службань режименть мельга ваномань коряс инспекторось, Юрий Алексеевичень низэ. – Сон минек прявт ды вечкевикс сотрудник. Мон икеле ламо иень перть культурасо роботынь. Мейле мирдем тезэ ветимим. Ней вана колмоненек тесэтяно, эдь Баффи минек туртов, мерят, тиринь эйкакш. Зяро иеть уш мартонок, вишкинестэ саезь трятано эйсэнзэ, весементень тонавттано, юткошканок мартонзо ютавттано. Минь свал вейсэ!
Эряви ёвтамс, Баффи тевтеме шканть а ютавтни. Сонзэ маштоматнень ды ёрокчинть седе кемекстамга инструкторось-кинологось свалшкане ютавты мартонзо тренировкат ды дрессировкань урокт. Ды весе неть маштомачитне кемекставить МР-ва Россиянь МВД-нь Кинологической службань центрасонть, косо кискась эрьва ие юты аттестациянть.
Юлия Еремина
Вейсэ Баффи марто инспекторось-кинологось ванныть самолёттнэнь, аэропортонь помещениятнень, ливтицятнень курмост-кармост. Те весемесь тееви авиационной зыянтомочинть топавтомга.
– Баффи аэропортонь истямо жо сотрудник, кода лиятнеяк, – кемексты Юрий Гришунин. – Сон вешни-реди зыянонь кандыця предметтнэнь – леднема- ды сезевемапельть, боеприпаст ды ламо лия мезе. Минь мартонзо васня весементь ванносынек, мейле сёрмадан актт. Сындест тешкставить зярыя. Ливтицятнень багажост ванномга вейке акт, самолётонь ванкшномань – лия. Актсонть тешкстави весемесь. Самолётонть ванкшномсто тешкставить бортонь номерэсь, рейсэнь номерэсь, ёвтневи, кода кискась топавтызе эсь тевенть, мейстэ ушодсь, мейсэ весемесь прядовсь. Весемеденть улить документт. Минек аэропортсо истямо кискась вейкине. Нама, бути эряви, лезкс тенек максыть МР-ва Россиянь МВД-нь Кинологической центрань, транспортной полициянь специалисттнэ. Теке марто васенце таркасонть аштетяно минь.
Эряви меремс, Баффинь кирдемазо целанек Аэропортонть лангсо. Аэропортось пандынзе сонзэ рамамонть, тонавтоманть, тень туртов весе эрявиксэнть. Предприятиянть лангсо ашти сонзэ андомазо, ветеринарной клиникасо шумбрачинзэ ванномазо ды ламо лия мезесь.
– Баффи тесэ важоди 2016 иестэ саезь. Раминек сонзэ Саратовань частной питомникстэ. Минь зярдо тов молинек, мартон якась ним, ваннынек тетянть-аванть. Авась ульнесь аволь сэрей, а вана тетясь, мерят, ротвейлер – покш, виев, – корты Юрий Гришунин. – Миненек эрявсь авака киска, секс мекс сынь седе кунсолыцят, сэтьметь, а тюргадыцят. Ды кискалевкскетнень ванномсто рединек вейкенть, кирьгаванзо содозель сэнь карькске. Кевкстнян азораванть, те мень тешкс? Сон толковизе, кавксо кискалевкстнэнь ютксто, конат ульнесть, те сехте ёлманя, весень бузмолгавтсынзе, сонсь мади. Авака левкстнэде кавксотнестэ ульнесть ниле ды сынст ютксо карькскенть мартоськак. Вольерстэнть весень ливтинек ушов, штобу кочкамс. Колмотне таймазкадсть, пелезевсть эйстэнек. Тешкстазесь жо крыльця алов оргодсь. Зярдо тосто таргинек, снартнинь тензэ ёртомс оскине, панжомат, штобу ваномс тандады-арась, сон жо икельденек таго ёматотсь. Нинтень мерян, тень сайсынек. Сон минек. Мельскак сеске тусь, а пелицянь обуцянзояк невтизе.
Кискалевксэсь куроксто кочказель ды лемеськак тензэ лиссь кода-бути апак учо. Баффи лемесь весенень тусь мельс ды курок совась весень превс. Вейке пель марто иень перть кискась кастовсь, весементень тонавтовсь ды аравтовсь тевс.
Сонсь Юрий Гришунин Саранскоень Аэропортсо роботы истя жо 2016 иестэ саезь. Баффи марто ушодсть малав ве шкасто. Сон – МВД-нь пенсионер, ульнесь кинологокс.
– Полициясо важодемстэ кинологонь тевентень максынь зярыя иеть. Секскак роботанть парсте содаса ды вечкса, – ёвтни инспекторось-кинологось. – Кода карминь кинологокс? Свал вечкилинь кискат ды сынь минек свал ульнесть. Юткошкасто покш мель яван охотантень, секскак монь ульнесть эрьва кодамо породань кискан: лайкат, борзойть ды лият. Зярдо роботынь транспортной полициясо, эрявсь кинолог, кочкамс жо а кинь ульнесь. А монь кискатненень вечкемадонть содасть весе ды те тевентень аравтымизьгак. Тосо службанть ютамсто важодинь бельгийской овчарка марто, сон нейгак эсь службанть канды. Мон сонзэ кастыя, весементень тонавтыя ды туемстэ лия кинологонтень кадыя.
Нама, тевенть апак сода кинологокс важодеме а кармат. Кискатнень вечкемась – те пек паро, ансяк улест эрявикс содамочитькак. Юрий Гришунин прядызе Уфань Кинологтнень анокстыця школанть. Сонзэ ули дипломозо, конань коряс мереви анокстамс ды тонавтомс служебно-розыскной кискатнень.
Эряви тешкстамс, Юрий Алексеевич кискантень максы весе шканзо. Сынь аволь ансяк роботасо вейсэ, кудосояк. Кинологонть мельс а тукшныть вольертнэ ды кискатнень кирдема лия таркатне, секскак Баффинь сон кирди эсензэ кудосо. Те ков седе вадря.
– Баффи марто важодян ансяк мон, секс лован сонзэ эсь кискакс. Ды кияк лия сонзэ марто важодеме а кармияк. Лиянть сон а кунсолосы, кармавтоманзо а топавтсынзе. Кисканть улезэ вейке азорозо. Сестэ важодемась мартонзо карми вейсэнь тевекс, – корты Юрий Гришунин. – Служебно-розыскной кискатнень важодемань шкаст – кемень иеть. Нама, эрьва иень аттестациянть ютамсто важодемань ёнксонзо ваннозь, мереви те шканть эштё кувалгавтомс иес, мейле эштё вейкес. Ансяк те эрси аволь пек сеедьстэ, эдь кискась уш сыреди.
Баффи кадык авака киска, ансяк левксыямс тензэ а мереви. Эдь бути кармить левкскензэ, роботамо а карми. Сон карми мелявтомо тякинензэ мельга, аволь зыянонь кандыця предметтнэнь вешнеме. Эряви жо, штобу эйсэнзэ свал улевель важодемань ёжо – куш чить, куш веть.
Эряви меремс, Аэропортсо Баффинь вечксызь весе. Важодицятне кандтнить тензэ тантей ярсамопельть. Юрий Алексеевич тень кисэ а сёвны, кадык витить кисканть мелензэ.
– Аэропортсо важодеманть туртов самай истямо порода, монь койсэ, седе ладияк. Сон сэтьме. Эрявсь теть ковгак аламос совамс, сюлмик сонзэ эли кадык козояк, сон а онгозеви, а ирнэзеви, киньгак а суски. Эйкакшт пек вечки. Тонатне вадяшитькак эйсэнзэ, ластеяк лангозонзо ойсить. Сон эйсэст а токши, мекевлангт, лапанзо шумбракстнемс венстни, – тешксты кинологось.
– Баффи минек тесэ «пурьгинень» пансиця. Важодемасо эрьва мезе эдь эрси, ливтицятнеяк эрьва кодамо мельёжосот. Кисканть неезь, мизолдозевить, сэтьмелгадыть, – корты Лидия Андреевна, Саранскоень Аэропортонь Авиационной транспортной безопасностень службань режименть мельга ваномань коряс инспекторось, Юрий Алексеевичень низэ. – Сон минек прявт ды вечкевикс сотрудник. Мон икеле ламо иень перть культурасо роботынь. Мейле мирдем тезэ ветимим. Ней вана колмоненек тесэтяно, эдь Баффи минек туртов, мерят, тиринь эйкакш. Зяро иеть уш мартонок, вишкинестэ саезь трятано эйсэнзэ, весементень тонавттано, юткошканок мартонзо ютавттано. Минь свал вейсэ!
Эряви ёвтамс, Баффи тевтеме шканть а ютавтни. Сонзэ маштоматнень ды ёрокчинть седе кемекстамга инструкторось-кинологось свалшкане ютавты мартонзо тренировкат ды дрессировкань урокт. Ды весе неть маштомачитне кемекставить МР-ва Россиянь МВД-нь Кинологической службань центрасонть, косо кискась эрьва ие юты аттестациянть.
Юлия Еремина