Неть читнестэ специальной военной операциянь участникесь Инсаронь 2 № школасо тонавтницятненень ёвтнесь апелемачиде. 9-це классо тонавтниця од ломантненень инжекс сакшнось ветеранось Анатолий Самоварнов. Вастовоманть ютавтомс лездась «Защитники Отечества» фондонь Мордовиянь филиалось.
Неень шкань героесь тонавтницятненень ёвтнесь спецоперациянть эрявиксчиде, бойтнесэ тевтнеде, тиринь масторонтень ды эрицятненень вечкемадо, мартонзо служицятнень героизмадо.
Пурнавозтне макснесть тензэ ламо кевкстемат – фронтсо эрямодост, минек солдаттнэнь вооружениядо, вейке-вейкенень лездамодо…
Инжесь покш сюкпря ёвтась фронтонтень лезксэнть кис ды мерсь, келя, эйкакштнень пельде кучозь сёрматнень ды панжаткетнень сынь ванстыть седеест маласо ды талнозь секе тев ловныть эйсэст. «Минек ёнкссо чачозтнень пельде эрьва кучовксось эжди седей. Сёрманк ловнозь, минь теке ульнинек кудосо. Сынст минь вансттано кода талисмант», – мерсь Анатолий Самоварнов.