Россиясь ды народной музыкась – чарькодематне малавикст. Россиясь – те музыка, морот, конатнесэ эрьвасонть – рузонь ойменть пелькскезэ. Ды народной музыкантень вечкемась эри эрьва ломаненть седейсэ, иетнень ды профессиянть лангс апак вано. Сон эри семс, зярс эри Россиясь ды тесэнь ломантне.
Ды овсе а дивавты, что колмоце тысячелетиястонть, эстрадань музыканть виевгадома шкастонть, Россиясо те шкас эрить раськень инструменттнэнь ансамблят ды оркестрат, сынст марто свалшкасто ютавтневить фестивальть ды кенярксчить.
Народной инструменттнэнь ансамбля ули Отяжелесэяк. Сон важоди Раськень культурань центранть юрсо. Неень шкане ансамблясь вадрясто содавикс аволь ансяк Мордовиясо, сонзэ томбалеяк. Сон – регионъютконь ды республикань ламот пелькстамотнень лауреат. Ансамблянть прявтсо ламо иетнень перть ашти ёроков музыкантось Виктор Иванович Макридин. Сон минек содавтымизь ансамблянть марто ды ёвтнесь музыкантень эсь вечкемадонть.
Виктор Макридин чачсь Чаунзань райононь Люля велесэ. 1966 иестэ Макридинтнэнь семиясь тусь эрямо Отяжелень райононь Тетюши велев. Те шкастонть саезь Виктор Ивановичень весе эрямозо сюлмавозь те райононть марто.
– Самай неть иетнестэ (1964) Отяжелесэ панжозель эйкакшонь музыкальной школась. Ды мон сонзэ васенце прядыцятнень ютксан. 2-це № ало монень максозель музыкальной школанть прядомадо свидетельствась, – корты Виктор Макридин. – А сёпса, васень шкасто музыкась монь туртов ульнесь мелень кепедемань тевекс. Школасо жо седе покш мель явилинь физикантень ды математикантень. Неть предметтнэнь пек вечкилинь. Бажинь школанть прядомадо мейлеяк кочкамс те ёнксонть. Ансяк ве шкасто тень весементь кадыя ды молинь тонавтнеме Орданьбуень культпросветучилищав. Тонавтнинь тосо 1970 иестэ саезь 1973 иес, ульнинь отличникекс. Училищанть прядомадо мейле карминь важодеме Отяжелень Культурань кудосо.
Мейле Виктор Макридиннэнь макссть направления Казанень Культурань институтов. Тосо тонавтнесь «Дирижер оркестра народных инструментов» специальностенть коряс. 1999 иестэ саезь сон аламос роботась Отяжелень Культурань кудосо ды комсь иеть музыкальной школасо. Мейле, пенсиянь иетнень топодемс, важодсь Отяжелень средней школасо, ульнесь музыкань тонавтыцякс. Ней Виктор Иванович топавты седеень коряс сехте вечкевикс тевензэ. Сон – райононь Раськень культурань центрань народной инструменттнэнь ансамблянь прявт.
– Народной инструменттнэнь ансамблянь васенце коллективенек пурназель косо-бути 80-це иетнестэ. Тосо налксесть врачт, тонавтыцят ды лия профессиянь ломанть. Алкуксонь музыкантт ютксост арасельть, ульнесть музыкань вечкицят, – ёвтни Виктор Иванович. – Мейле вешематне кармасть лият, налксемась седе вадрялгавтовсь. Састь од ломанть. Мон монсь зярыяксть тукшнынь ды мекев сакшнынь ансамблянтень. Лиясто семиясо тевтнень кувалма тукшнынь, лиясто истямо тувталгак ульнесь – налксемс а кинь мартоль. Оймесь бажи налксемс, а вана налксемс а ки марто. А вана кода лисинь пенсияс, одс велявтынь тей. Ды коллективенть пурныя малав одс. Те ульнесь 2012 иестэ. Ней минек коллективесь кеме. Нама, музыкальной образования ули аволь весень. Седе ламотне сынсь тонадсть. Оркестрасонть налксить кавксо ломанть, ульнесть кемгавтово, балалаечникень группась каладсь. Балалайкасо ней минек кияк а налкси, те пек берянь. Эдь балалайкась – рузонь прявт инструмент, те истямо колорит!
Сонсь Виктор Макридин ансамблясонть ламо шкань перть налксесь домрасо, ней баянист. Истя жо машты налксеме гитарасо, духовой инструменттнэсэ – баритонсо, клавишнойсэ.
Ансамблясонть музыканттнэ налксить зярыя седямопельсэ. Васенце домрасонть налкси Ольга Ивашкина, омбоцесэнть – Юлия Абрамова. Альтсо налксицятне – Мария Ланкова ды Валентин Потапов, гитарасо – Владимир Тюгаев, клавишнойтнесэ – Жанна Барсукова, барабантнэсэ – Алексей Леньков. Солистэкс ансамблясонть морсить Анжела Ивашкина, Владимир Титяпкин, Владимир Тюгаев, Александр Наумов. Теке марто народной инструменттнэнь ансамблясь анокстакшны вейсэнь концертт Отяжелень Раськень культурань центрань «Валскень зоря» ансамблянть марто.
– Минек репертуарсонть 50-60 произведеният. Ламо налксетяно народной музыка. Меельце шкастонть карминек налксеме неень шкань музыкантькак, конань минсь теинек народнойкс. Тедедень «Шумбрат, Мордовия!» республикань фестивальсэнть налксинек «Любэ» группань моротнень попурринть. Мон тозонь васняяк совавтынь вете морот, ансяк зярдо режиссёрось кунсолызе, мерсь пек кувака, цела 9 минутат. Истя, минь кадынек «От Волги до Енисея», «Святая Русь», ды меельцекс барабанщикенек налксизе храмонь баягатнень гайгеманть – те невти Пазнэнь кемеманть, – корты Виктор Иванович. – Репертуарсонок улить эрзянь ды мокшонь композитортнэнь Л. И. Воиновонь, Л.П. Кирюковонь ды лиятнень произведенияст.
Неень шкане Отяжелень народной инструменттнэнь ансамблясь – райононь, республикань ды весероссиянь ламот фестивальтнень ды мероприятиятнень свалшкань участник. Сынст уш парсте содасызь, секскак эйсэст учить ды вастыть покш мельсэ. Пек покш мельсэ эрьва ие ардтнить Народной инструментэнь оркестратнень весероссиянь фестивалев, конась ютавтовкшны Темников ошсо. Кода тешксты Виктор Макридин, тосо ули мезе ваномс ды мезес тонавтнемс. Ды самай истят фестивальтнесэ парсте неявить эсеть докачитне.
Виктор Макридин нейгак седейлембе марто ледстни Анатолий Иванович Шутиковонь, Казанень Культурань институтонь тонавтыцянзо. Те алкуксонь музыкант, конась эсь студенттнэнень макссь вадрядояк вадря содамочить.
– Сон минек тонавтсь оркестрань музыкантень. Се студенческой оркестрасонть минек ульнесть 70 ломанть, занятиятне ютавтовильть недлязонзо ветексть. Сынь мольсть валскень 8.00 чассто саезь 9.10 часос. Тень лангс апак вано, Анатолий Иванович сыль 7 чассто пекстылизе концертной залонть ды ушодыль уроконть. Бути кавтошкаксть менстить занятиятнень, тон уш а тонавтниця. Эряви меремс, самай те оркестрасонть мон тонадыньгак домрасо налксемантень. Концерт марто минек студентэнь оркестрась зярыяксть ульнесь Московсо, сестэнь Ленинградсо, ардтнинек Равчирень весе регионтнэнь, пачкодекшнинек Сибиревгак. Вейкеяк преподаватель эзь максо истянь зняро содамочить, кода Анатолий Шутиков.
Виктор Иванович истя жо тешкстызе, вузсо саезь содамочитне сонензэ пек лездыть эсь ансамблянть туртов музыканть сёрмадомасояк.
– Интернетэсь течи, нама, сюпав куш мезень коряс. Ансяк вана партитурат Сетьсэ а максовить. Те весе авторской, – тешксты Виктор Макридин. – Секскак савкшны пилетнес путомс наушникть, кармавтомс компьютерэнть ды эрявикс программатнень вельде сёрмадомс музыканть. Штобу ладявольть бастнэяк, ритмаськак ды весемесь кирдевель баянонть ды домранть налксемасо. Истя чачи од произведения. Вадря партитуранть лангс туить 3-4 чить. Те а шожда. Ансяк монь туртов музыкась – те весе эрямом. Ды мезеяк лия тень а эряви.
Гитаристэсь Владимир Николаевич Тюгаев ансамблясонть 2008 иестэ саезь. Музыканть марто цёранть сюлмавозь весе эрямозо, кадык эрявикс образованиязо арась.
– Эйкакш шкасто саезь пек вечкилинь гитарасо налксеманть. Ды аламонь-аламонь те тевентень тонавтнинь. Истя жо маштан трубасо налксеме, – корты Владимир Тюгаев. – Важодема таркав сакшнан покш мельсэ, кода кортыть, теке кенярксчис. Виктор Иванович – пек вадря руководитель, пек вадря ломань ды специалист. Неень шкане истят специалистт пек аламо аволь ансяк минек районсо, весе республикасонть. Кадык важоди седе кувать.
Юлия Еремина
Народной инструменттнэнь ансамбля ули Отяжелесэяк. Сон важоди Раськень культурань центранть юрсо. Неень шкане ансамблясь вадрясто содавикс аволь ансяк Мордовиясо, сонзэ томбалеяк. Сон – регионъютконь ды республикань ламот пелькстамотнень лауреат. Ансамблянть прявтсо ламо иетнень перть ашти ёроков музыкантось Виктор Иванович Макридин. Сон минек содавтымизь ансамблянть марто ды ёвтнесь музыкантень эсь вечкемадонть.
Виктор Макридин чачсь Чаунзань райононь Люля велесэ. 1966 иестэ Макридинтнэнь семиясь тусь эрямо Отяжелень райононь Тетюши велев. Те шкастонть саезь Виктор Ивановичень весе эрямозо сюлмавозь те райононть марто.
– Самай неть иетнестэ (1964) Отяжелесэ панжозель эйкакшонь музыкальной школась. Ды мон сонзэ васенце прядыцятнень ютксан. 2-це № ало монень максозель музыкальной школанть прядомадо свидетельствась, – корты Виктор Макридин. – А сёпса, васень шкасто музыкась монь туртов ульнесь мелень кепедемань тевекс. Школасо жо седе покш мель явилинь физикантень ды математикантень. Неть предметтнэнь пек вечкилинь. Бажинь школанть прядомадо мейлеяк кочкамс те ёнксонть. Ансяк ве шкасто тень весементь кадыя ды молинь тонавтнеме Орданьбуень культпросветучилищав. Тонавтнинь тосо 1970 иестэ саезь 1973 иес, ульнинь отличникекс. Училищанть прядомадо мейле карминь важодеме Отяжелень Культурань кудосо.
Мейле Виктор Макридиннэнь макссть направления Казанень Культурань институтов. Тосо тонавтнесь «Дирижер оркестра народных инструментов» специальностенть коряс. 1999 иестэ саезь сон аламос роботась Отяжелень Культурань кудосо ды комсь иеть музыкальной школасо. Мейле, пенсиянь иетнень топодемс, важодсь Отяжелень средней школасо, ульнесь музыкань тонавтыцякс. Ней Виктор Иванович топавты седеень коряс сехте вечкевикс тевензэ. Сон – райононь Раськень культурань центрань народной инструменттнэнь ансамблянь прявт.
– Народной инструменттнэнь ансамблянь васенце коллективенек пурназель косо-бути 80-це иетнестэ. Тосо налксесть врачт, тонавтыцят ды лия профессиянь ломанть. Алкуксонь музыкантт ютксост арасельть, ульнесть музыкань вечкицят, – ёвтни Виктор Иванович. – Мейле вешематне кармасть лият, налксемась седе вадрялгавтовсь. Састь од ломанть. Мон монсь зярыяксть тукшнынь ды мекев сакшнынь ансамблянтень. Лиясто семиясо тевтнень кувалма тукшнынь, лиясто истямо тувталгак ульнесь – налксемс а кинь мартоль. Оймесь бажи налксемс, а вана налксемс а ки марто. А вана кода лисинь пенсияс, одс велявтынь тей. Ды коллективенть пурныя малав одс. Те ульнесь 2012 иестэ. Ней минек коллективесь кеме. Нама, музыкальной образования ули аволь весень. Седе ламотне сынсь тонадсть. Оркестрасонть налксить кавксо ломанть, ульнесть кемгавтово, балалаечникень группась каладсь. Балалайкасо ней минек кияк а налкси, те пек берянь. Эдь балалайкась – рузонь прявт инструмент, те истямо колорит!
Сонсь Виктор Макридин ансамблясонть ламо шкань перть налксесь домрасо, ней баянист. Истя жо машты налксеме гитарасо, духовой инструменттнэсэ – баритонсо, клавишнойсэ.
Ансамблясонть музыканттнэ налксить зярыя седямопельсэ. Васенце домрасонть налкси Ольга Ивашкина, омбоцесэнть – Юлия Абрамова. Альтсо налксицятне – Мария Ланкова ды Валентин Потапов, гитарасо – Владимир Тюгаев, клавишнойтнесэ – Жанна Барсукова, барабантнэсэ – Алексей Леньков. Солистэкс ансамблясонть морсить Анжела Ивашкина, Владимир Титяпкин, Владимир Тюгаев, Александр Наумов. Теке марто народной инструменттнэнь ансамблясь анокстакшны вейсэнь концертт Отяжелень Раськень культурань центрань «Валскень зоря» ансамблянть марто.
– Минек репертуарсонть 50-60 произведеният. Ламо налксетяно народной музыка. Меельце шкастонть карминек налксеме неень шкань музыкантькак, конань минсь теинек народнойкс. Тедедень «Шумбрат, Мордовия!» республикань фестивальсэнть налксинек «Любэ» группань моротнень попурринть. Мон тозонь васняяк совавтынь вете морот, ансяк зярдо режиссёрось кунсолызе, мерсь пек кувака, цела 9 минутат. Истя, минь кадынек «От Волги до Енисея», «Святая Русь», ды меельцекс барабанщикенек налксизе храмонь баягатнень гайгеманть – те невти Пазнэнь кемеманть, – корты Виктор Иванович. – Репертуарсонок улить эрзянь ды мокшонь композитортнэнь Л. И. Воиновонь, Л.П. Кирюковонь ды лиятнень произведенияст.
Неень шкане Отяжелень народной инструменттнэнь ансамблясь – райононь, республикань ды весероссиянь ламот фестивальтнень ды мероприятиятнень свалшкань участник. Сынст уш парсте содасызь, секскак эйсэст учить ды вастыть покш мельсэ. Пек покш мельсэ эрьва ие ардтнить Народной инструментэнь оркестратнень весероссиянь фестивалев, конась ютавтовкшны Темников ошсо. Кода тешксты Виктор Макридин, тосо ули мезе ваномс ды мезес тонавтнемс. Ды самай истят фестивальтнесэ парсте неявить эсеть докачитне.
Виктор Макридин нейгак седейлембе марто ледстни Анатолий Иванович Шутиковонь, Казанень Культурань институтонь тонавтыцянзо. Те алкуксонь музыкант, конась эсь студенттнэнень макссь вадрядояк вадря содамочить.
– Сон минек тонавтсь оркестрань музыкантень. Се студенческой оркестрасонть минек ульнесть 70 ломанть, занятиятне ютавтовильть недлязонзо ветексть. Сынь мольсть валскень 8.00 чассто саезь 9.10 часос. Тень лангс апак вано, Анатолий Иванович сыль 7 чассто пекстылизе концертной залонть ды ушодыль уроконть. Бути кавтошкаксть менстить занятиятнень, тон уш а тонавтниця. Эряви меремс, самай те оркестрасонть мон тонадыньгак домрасо налксемантень. Концерт марто минек студентэнь оркестрась зярыяксть ульнесь Московсо, сестэнь Ленинградсо, ардтнинек Равчирень весе регионтнэнь, пачкодекшнинек Сибиревгак. Вейкеяк преподаватель эзь максо истянь зняро содамочить, кода Анатолий Шутиков.
Виктор Иванович истя жо тешкстызе, вузсо саезь содамочитне сонензэ пек лездыть эсь ансамблянть туртов музыканть сёрмадомасояк.
– Интернетэсь течи, нама, сюпав куш мезень коряс. Ансяк вана партитурат Сетьсэ а максовить. Те весе авторской, – тешксты Виктор Макридин. – Секскак савкшны пилетнес путомс наушникть, кармавтомс компьютерэнть ды эрявикс программатнень вельде сёрмадомс музыканть. Штобу ладявольть бастнэяк, ритмаськак ды весемесь кирдевель баянонть ды домранть налксемасо. Истя чачи од произведения. Вадря партитуранть лангс туить 3-4 чить. Те а шожда. Ансяк монь туртов музыкась – те весе эрямом. Ды мезеяк лия тень а эряви.
Гитаристэсь Владимир Николаевич Тюгаев ансамблясонть 2008 иестэ саезь. Музыканть марто цёранть сюлмавозь весе эрямозо, кадык эрявикс образованиязо арась.
– Эйкакш шкасто саезь пек вечкилинь гитарасо налксеманть. Ды аламонь-аламонь те тевентень тонавтнинь. Истя жо маштан трубасо налксеме, – корты Владимир Тюгаев. – Важодема таркав сакшнан покш мельсэ, кода кортыть, теке кенярксчис. Виктор Иванович – пек вадря руководитель, пек вадря ломань ды специалист. Неень шкане истят специалистт пек аламо аволь ансяк минек районсо, весе республикасонть. Кадык важоди седе кувать.
Юлия Еремина