Августонь 10-це чистэ Н. П. Огарёв лемсэ МГУ-нь Культурань кудосо ульнесь Доброволецэнь форумонь панжомась. Неень шкасто волонтёронь тевесь кармась пек келейстэ нолдавомо тевс весе масторсонок.
Минек республикасо истямо Форумось юты васенцеде. Сонзэ прявт мелезэ – тонадомс инжетнень пельде се паро тевтнес, конат кемекстазь лия регионсо, келейгавтомс кевкстематнень, конат вешевить неень шкасто, кемекстамс ды ладямс вейке омбоценть марто важодеманть.
Мордовияв сакшность 400 ломанть Уральской ды Поволжской федеральной округтнестэ. Весемезэ комсь регионтнэстэ. Форумось мольсь августонь 13-це чис. Те шкань перть волонтёртнэ невтнизь эсь проектэст, конатнень эйстэ кочкизь сех виевтнень ды эрявикстнэнь. Теке шкане инжетненень анокстазельть зярыя мельстуиця программат: культурной, образовательной ды экскурсионной.
Волонтёртнэнь важодемась совась минек региононь историяскак. Те, васняяк, 2018 иестэ футболонь коряс мирэнь чемпионатонть ютавтомазо. Аволь умок, 2022 иестэ, панжозь «Мы вместе» региональной муниципальной штаб, косо максови лезкс военнослужащейтненень ды сынст семияст туртов. Истя жо сынь максыть юридической ды психологической консультацият «пси» телефонга (горячая линия). Интернетэнть вельде нолдыть видеот ды эрьва кодамо лезэв сёрмат, конат куш аламодо витить ёжонть ды лездыть печтямс стакачитнень.
Окружной добровольческой форумонь панжома шкастонть ёвтазельть ламо сюкпрянь валт паро тевень теицятненень, конат весе седейсэ бажить лезксэнь максомо сетненень, кинень сон сехте пек эряви. Саемга, ансяк Мордовиясо волонтёронь тевтнесэ теить 24 тёжадо ламо од ломанть. Неень шкасто паро тевтнень эрявиксчидест кортась МР-нь Правительствань Председателень васенце полавтыцясь Галина Алексеевна Лотванова: «…Минь пек мельспаросотано, мекс весенцекс ютавттано те фестиваленть, конась пек эряви неень шкасто. Течинь чинь вешематнень коряс улемс седеймариця ломанекс – пек эрявикс тев. Минь пек вечксынек республиканок, путтано вийть сонзэ касомантень ды виевгавтомантень. Ансяк тень теемстэ эрявить седейстэ молиця паро тевть, сынтемест арась кодамояк икелев молема. Эрьванть эйстэденк, кона сась те Форумонтень, ули эсензэ паро тевень историязо. Течи минек покш масторсонок тееви пек ламо, штобу эрьва од ломанесь муевлизе эсь кинзэ…»
Алкукскак, мейсэ ансяк а лездыть волонтёртнэ неень шкасто! Сынь стявтыть кудот кудовтомотненень, пек сеедьстэ лездыть сыре ломантненень, капшить толонь мадстемстэ, пертьпельксэнь ванстомсто, важодить больницясо сетнень марто, кие а стякшнови таркастонзо, лездыть трямс тетятненень-аватненень аволь шумбра эйкакшт. Меельцетнень марто важоди Самара ёнксонь ёроков авась Елена Александровна Маркелова. Эсензэ регионсо сон изнясь «Мы вместе» сессиясонть. Елена сась проект марто, конань лемезэ «Победим вместе! Безграничные возможности для особенных детей». Сон алтазь интеллектуальной колавкс марто эйкакштненень. Сыненст ютавтовить адаптивной гимнастикань башка занятият, косо эйкакштне налксить вейкест-вейкест марто, мейсэ чопавтить социальной адаптациянтень, лиякс меремс, тонавтнить вейке-вейкень марто ладямо, налксеме, вейке-вейкеде а пелеме. Те проектэсь Самарасо важоди 2020 иестэ саезь, аволь весть лиснесь Президентэнь грантонь изницякс, ды ней сась шка явшемс таштавикс опытэнть Россиянь лия регионгаяк. Неень шкасто Самара ошсо истямо эйкакш марто важодиця тренертнэде пурнавить малав 30 ломанть.
Мордовиясо Елена васенцеде, Саранскоесь пек тусь мелезэнзэ, пек лембестэ вастызь, ды мезесь дивавтызе, сон тесэ вастынзе лия региононь умонь ялганзо. Те весе неке ёроков ломантне, конат теить эрьва кодамо паро тев минек масторсо. Зярдо кевкстинек Еленань, мезе истямось паро тевень теемась, сеске макссь каршо вал: «Те зярдо тон теят эрявикс тев ломантненень, конатненень эряви тонь лезксэть, ды теке шкасто эсеть теветь айгат удалов. Чарькодеви, мелявкстнэ свал улить эрьва ломаненть, ансяк лиятнень тевест путат васенце таркас, мейле уш эсетсетнень. Саемга, неть интеллектуальной колавкс марто эйкакштненень свал карми эрявомо лезкс, сынь зярдояк а кармить эсь пряст трямо, сындест кортыть «свалшкань эйкакшт». Теде башка, седейстэ молиця тевесь сюпалгавты ойме ды, паряк, тонь седеймарямодо те масторлангсонть шождалгады киньгак эрямозо».
Форумонть пекстамось ютась недлячистэ И. М. Яушев лемсэ Оперань ды балетэнь театрасо.
Марина Агафонова
Мордовияв сакшность 400 ломанть Уральской ды Поволжской федеральной округтнестэ. Весемезэ комсь регионтнэстэ. Форумось мольсь августонь 13-це чис. Те шкань перть волонтёртнэ невтнизь эсь проектэст, конатнень эйстэ кочкизь сех виевтнень ды эрявикстнэнь. Теке шкане инжетненень анокстазельть зярыя мельстуиця программат: культурной, образовательной ды экскурсионной.
Волонтёртнэнь важодемась совась минек региононь историяскак. Те, васняяк, 2018 иестэ футболонь коряс мирэнь чемпионатонть ютавтомазо. Аволь умок, 2022 иестэ, панжозь «Мы вместе» региональной муниципальной штаб, косо максови лезкс военнослужащейтненень ды сынст семияст туртов. Истя жо сынь максыть юридической ды психологической консультацият «пси» телефонга (горячая линия). Интернетэнть вельде нолдыть видеот ды эрьва кодамо лезэв сёрмат, конат куш аламодо витить ёжонть ды лездыть печтямс стакачитнень.
Окружной добровольческой форумонь панжома шкастонть ёвтазельть ламо сюкпрянь валт паро тевень теицятненень, конат весе седейсэ бажить лезксэнь максомо сетненень, кинень сон сехте пек эряви. Саемга, ансяк Мордовиясо волонтёронь тевтнесэ теить 24 тёжадо ламо од ломанть. Неень шкасто паро тевтнень эрявиксчидест кортась МР-нь Правительствань Председателень васенце полавтыцясь Галина Алексеевна Лотванова: «…Минь пек мельспаросотано, мекс весенцекс ютавттано те фестиваленть, конась пек эряви неень шкасто. Течинь чинь вешематнень коряс улемс седеймариця ломанекс – пек эрявикс тев. Минь пек вечксынек республиканок, путтано вийть сонзэ касомантень ды виевгавтомантень. Ансяк тень теемстэ эрявить седейстэ молиця паро тевть, сынтемест арась кодамояк икелев молема. Эрьванть эйстэденк, кона сась те Форумонтень, ули эсензэ паро тевень историязо. Течи минек покш масторсонок тееви пек ламо, штобу эрьва од ломанесь муевлизе эсь кинзэ…»
Алкукскак, мейсэ ансяк а лездыть волонтёртнэ неень шкасто! Сынь стявтыть кудот кудовтомотненень, пек сеедьстэ лездыть сыре ломантненень, капшить толонь мадстемстэ, пертьпельксэнь ванстомсто, важодить больницясо сетнень марто, кие а стякшнови таркастонзо, лездыть трямс тетятненень-аватненень аволь шумбра эйкакшт. Меельцетнень марто важоди Самара ёнксонь ёроков авась Елена Александровна Маркелова. Эсензэ регионсо сон изнясь «Мы вместе» сессиясонть. Елена сась проект марто, конань лемезэ «Победим вместе! Безграничные возможности для особенных детей». Сон алтазь интеллектуальной колавкс марто эйкакштненень. Сыненст ютавтовить адаптивной гимнастикань башка занятият, косо эйкакштне налксить вейкест-вейкест марто, мейсэ чопавтить социальной адаптациянтень, лиякс меремс, тонавтнить вейке-вейкень марто ладямо, налксеме, вейке-вейкеде а пелеме. Те проектэсь Самарасо важоди 2020 иестэ саезь, аволь весть лиснесь Президентэнь грантонь изницякс, ды ней сась шка явшемс таштавикс опытэнть Россиянь лия регионгаяк. Неень шкасто Самара ошсо истямо эйкакш марто важодиця тренертнэде пурнавить малав 30 ломанть.
Мордовиясо Елена васенцеде, Саранскоесь пек тусь мелезэнзэ, пек лембестэ вастызь, ды мезесь дивавтызе, сон тесэ вастынзе лия региононь умонь ялганзо. Те весе неке ёроков ломантне, конат теить эрьва кодамо паро тев минек масторсо. Зярдо кевкстинек Еленань, мезе истямось паро тевень теемась, сеске макссь каршо вал: «Те зярдо тон теят эрявикс тев ломантненень, конатненень эряви тонь лезксэть, ды теке шкасто эсеть теветь айгат удалов. Чарькодеви, мелявкстнэ свал улить эрьва ломаненть, ансяк лиятнень тевест путат васенце таркас, мейле уш эсетсетнень. Саемга, неть интеллектуальной колавкс марто эйкакштненень свал карми эрявомо лезкс, сынь зярдояк а кармить эсь пряст трямо, сындест кортыть «свалшкань эйкакшт». Теде башка, седейстэ молиця тевесь сюпалгавты ойме ды, паряк, тонь седеймарямодо те масторлангсонть шождалгады киньгак эрямозо».
Форумонть пекстамось ютась недлячистэ И. М. Яушев лемсэ Оперань ды балетэнь театрасо.
Марина Агафонова