Совинек Саранск ошонь зярыя лавкатнес. Ушодынек Ленинэнь проспектсэ «Норов» лавкастонть. Тосо микшнемань лавсятнесэ ульнесь эрьва мезе, рамак мелеть коряс.
Ломантне совасть вейке-омбоце мельга ды апак капша сайсть эрявиксэнть. Невтемакс, чиньжарамонь оенть, кшинть, ловсонть ды сывеленть лангс питнетне эзть кастово.
Светотехстроень эрямонь райононь Миронов лемсэ курованть ютамсто совинек «Магнит» сетевой лавкантень. Тосо питнетне ульнесть ков седе покшт икелень коряс, товарось жо сатышка. Сайть сень, мезе мелеть, ансяк улест ярмакот. Истямо жо мазысь ульнесь те куросонть аштиця «Эверест» лавкасонть. Рамицятнеде аволь пек ламо, ломантне тележкат эзть пештя. Эрьванть кедьсэ ульнесть кавто-колмо товардо а седе ламо. Паряк, ламот чарькодсть, икелепелев рамазь лапшатне-ямкстнэ кувать а ванстовить, ялатеке сави молемс ды рамамс од ярсамопель. Бути минь аволинек каяво седе ламонть рамамо, паряк, питнетнеяк бу авольть кастово… Кодамо питнесэ кармить микшнеме тенек ярсамопеленть ванды, невтьсы шкась.
Виде, меельце шкастонть республикань, кода мастороньгак, весе эрицятнень талновты сахаронть питниямозо ды лавкатнесэ сонзэ улемадо кевкстемась. Паряк, те мелявксось стяконь?! Мордовиясо ютазь иень ламбамо якстерькаень урожаенть эйстэ теезь малав 100 тоннат сахар. Специалисттнэнь пачтямост коряс, бути весе сонзэ кадомс Мордовияс, аволь ансяк минек эрицятненень, истя жо Мордовиянь пищевой промышленностентень ды общепитэнтень саты зярыя иес. Саранскоень Робочей куросонть аштиця оптовой лавканть икеле ломантнеде ульнесть аволь аламо, весе сынь эзть кельге микшнемань таркантень, секс рамицятнестэ ламот аштесть ушосо. Очередьсэ аштицятнень марто кортамсто, кияк эзь муе истят валт, мезень кисэ арси таштамс те ламбамо ярсамопеленть. Ансяк вейке сыре ломанесь тенек мерсь, келя, эрямонь перть эрьва кодат стакачить савсь тензэ цидярдомс. Ледстинзе войнадо мейлень вачо иетнень, секс телевизоронь ваномадо мейле, сайсь мель таштамс седе ламо ярсамопель. Теке шкасто сон мерсь, сахардо ды салдо башка кодаткак лия продуктатне кувать а ванстовить.
Тоско, лавканть эйстэ аволь пек васоло, аштесь бакалейной покш складось, конань икеле ульнесть зярыя покш автомобильть тыц пешксе сахаронь ды почтонь кескавдо.
– Сахаронь дефицит, кода весе бакалеянть коряс, мезде пелить эрицятне, минек течи арась, – корты Мордовиянь оптовой 25 лавкань прявтось, башка предпринимателесь Олег Красноперов.
Сонзэ валонзо коряс, Ромодановасто сахарось апак лотксе ильтяви Саранскоень ды районтнэнь лавкатнева. Недлязонзо микшнемань таркатнес пачтязь малав 200 тоннат, куш икеле зняро ламбамо продуктась сатокшнось кавто-колмо ковс.
Сахаронть лангс питнень коряс ванкшноматне невтить, сон Мордовиясо сехте алкине Равчирень федеральной округсо. Невтемакс, Пензань ды лия шабра республикатнесэ вейке килограмманть кисэ пандови 70 целковойде седе ламо.
Лавкатнева ютамсто ледстявсь 2020 иесь, кода сась минек республикас ковидэнь ормась. Сестэ эрицятне истя жо бажасть рамамс седе ламо ярсамопель икелепелев. Нама, эштё эзь стувтово сеяк, кода апак сэве продукциянть лиссь тевс нолдамонь шказо. Ансяк бу аволь лисе истя, зярдо ярсамопеленть мейле саволь ёртомс шукшс…
Валентина ЮДИНА
Светотехстроень эрямонь райононь Миронов лемсэ курованть ютамсто совинек «Магнит» сетевой лавкантень. Тосо питнетне ульнесть ков седе покшт икелень коряс, товарось жо сатышка. Сайть сень, мезе мелеть, ансяк улест ярмакот. Истямо жо мазысь ульнесь те куросонть аштиця «Эверест» лавкасонть. Рамицятнеде аволь пек ламо, ломантне тележкат эзть пештя. Эрьванть кедьсэ ульнесть кавто-колмо товардо а седе ламо. Паряк, ламот чарькодсть, икелепелев рамазь лапшатне-ямкстнэ кувать а ванстовить, ялатеке сави молемс ды рамамс од ярсамопель. Бути минь аволинек каяво седе ламонть рамамо, паряк, питнетнеяк бу авольть кастово… Кодамо питнесэ кармить микшнеме тенек ярсамопеленть ванды, невтьсы шкась.
Виде, меельце шкастонть республикань, кода мастороньгак, весе эрицятнень талновты сахаронть питниямозо ды лавкатнесэ сонзэ улемадо кевкстемась. Паряк, те мелявксось стяконь?! Мордовиясо ютазь иень ламбамо якстерькаень урожаенть эйстэ теезь малав 100 тоннат сахар. Специалисттнэнь пачтямост коряс, бути весе сонзэ кадомс Мордовияс, аволь ансяк минек эрицятненень, истя жо Мордовиянь пищевой промышленностентень ды общепитэнтень саты зярыя иес. Саранскоень Робочей куросонть аштиця оптовой лавканть икеле ломантнеде ульнесть аволь аламо, весе сынь эзть кельге микшнемань таркантень, секс рамицятнестэ ламот аштесть ушосо. Очередьсэ аштицятнень марто кортамсто, кияк эзь муе истят валт, мезень кисэ арси таштамс те ламбамо ярсамопеленть. Ансяк вейке сыре ломанесь тенек мерсь, келя, эрямонь перть эрьва кодат стакачить савсь тензэ цидярдомс. Ледстинзе войнадо мейлень вачо иетнень, секс телевизоронь ваномадо мейле, сайсь мель таштамс седе ламо ярсамопель. Теке шкасто сон мерсь, сахардо ды салдо башка кодаткак лия продуктатне кувать а ванстовить.
Тоско, лавканть эйстэ аволь пек васоло, аштесь бакалейной покш складось, конань икеле ульнесть зярыя покш автомобильть тыц пешксе сахаронь ды почтонь кескавдо.
– Сахаронь дефицит, кода весе бакалеянть коряс, мезде пелить эрицятне, минек течи арась, – корты Мордовиянь оптовой 25 лавкань прявтось, башка предпринимателесь Олег Красноперов.
Сонзэ валонзо коряс, Ромодановасто сахарось апак лотксе ильтяви Саранскоень ды районтнэнь лавкатнева. Недлязонзо микшнемань таркатнес пачтязь малав 200 тоннат, куш икеле зняро ламбамо продуктась сатокшнось кавто-колмо ковс.
Сахаронть лангс питнень коряс ванкшноматне невтить, сон Мордовиясо сехте алкине Равчирень федеральной округсо. Невтемакс, Пензань ды лия шабра республикатнесэ вейке килограмманть кисэ пандови 70 целковойде седе ламо.
Лавкатнева ютамсто ледстявсь 2020 иесь, кода сась минек республикас ковидэнь ормась. Сестэ эрицятне истя жо бажасть рамамс седе ламо ярсамопель икелепелев. Нама, эштё эзь стувтово сеяк, кода апак сэве продукциянть лиссь тевс нолдамонь шказо. Ансяк бу аволь лисе истя, зярдо ярсамопеленть мейле саволь ёртомс шукшс…
Валентина ЮДИНА