Аштемковонь 12-це чистэ Мордовияв сась «Спутник V» коронавирусонь ормадонть вакцинань эштё вейке транш – 4,5 тёжат дозат.
«Течинь чинтень республикасонть прививкат путовтсть уш 148,6 тёжат ломанть, – ёвтни МР-нь Минздравонь аволь штатной прявт эпидемиологось Михаил Чумаков. – Эрьва чистэ ламолгадыть сеть, кить прививкат путовтсть омбоцеде: эйстэдест уш 122 тёжат ломанть. Прививкань путома мобильной пункттнэнь вельде вакцинациясь ютавтовсь аштемковонь 12-це чинь кенярксчистэнтькак. Меельце чинть перть республикасонть прививка путовтсь 551 ломань, теке марто 318 – омбоцеде. Прядозь вакцинациянь аравтлувось Мордовиясо топавтозь 31,5 %.