Умарьковонь 9-це чистэ Мордовия Республикань Прявтонь тевтнень топавтыцясь Артём Здунов якась «Оримэкс» предприятиянтень. Региононь руководителесь теевсь содавиксэкс производстванть марто ды кортась компаниянь сбытэнь политикадонть.

«Оримэкс» нолды мебель, тесэ важодить 457 ломанть, средней зарплатась 38 тёжат целковойть. Региононь Прявтонь тевтнень топавтыцянтень невтизь производствань пешксе цикланть.

Коммерческой прявтось Руслан Начаркин ёвтнесь Артём Здуновнень миеманть коряс. Мебелень фабрикась пачти продукциянть 4 мастортнэс: Азербайджанов, Беларусев, Казахстанов, Чехияв. Россиянь 150 оштнес, невтезь мебелень 362 лавкатнесэ. Тедеде панжозь мебелень миеманть коряс секцият Московонь, Казанень, Самарань, Оренбургонь ды Южно-Сахалинскоень микшнемань покш центратнесэ.

Мордовия Республикань Прявтонь тевтнень топавтыцясь тешкстызе миемань рынкатнень келейгавтомань эрявиксчинть. Республикань минпромонтень кармавтозь анокстамс предприятиянть сбытэнь стратегиянтень лездамонь енксонть.