Шканть ули эсензэ ледстнема шказо – историясь. Моли шкась ды туи историяс афганонь войнась. Ломантне зярдояк а стувтсызь сеть зыянтнэнь, конат сорновтнесть моданть эрьва кодамо шкане, сынст ютксо войнатнеяк, косо чавовсть миллионт ломанть.
Минь аштетяно каштанчисэ земляконок коряс, кить армиясо служамсто невтизь ялгаксчинть, лездамонть, апелемачинть, героизманть. Афганонь войнась минек туртов – история. Сон масторонок, малавиксэнек историянь пелькс.
Мордовиясто Афганистансо служасть малав 3 тёжат ломанть. Ташто Шайговань райононь 95 призывниктне саезельть Афганистанов. Мужестванть ды героизманть кисэ ламот казевсть орденсэ ды медальсэ.
Павел Андреевич Котькин чачсь 1964 иень январень 19-це чистэ Ташто Шайговасо. Семиясь покшоль, кассть ниле цёрынеть ды колмо тейтернеть. Тетяст-аваст важодсть колхозсо, туильть валске рана, кудов сыльть позда чокшне. Покш эйкакштне вансть вишкинетнень. Весе сынь эйкакшпингстэ саезь ламо важодсть, эрьвась содылизе тарканзо аволь ансяк столь экшсэ, истя жо кудоютконь тевтнесэяк.
Павел тонавтнесь Ташто Шайговань средней школасо. Лиятнеде мейсэяк эзь явово. Школанть прядомадо мейле кармась тонавтнеме 5 № профтехучилищасо, косо тензэ макссть водителень профессия. Сась шка туемс армияв. Те ульнесь 1989 иень апрелень 20-це чи. Васенце пельиестэнть тонавтнесь сержантонь школасо. Мейле кучозель Таджикистанонь Пянджской 2066-це погранотрядов. Седе тов од ломантнень кучизь «Исмаил» мотоманевренной группав, сон аштесь Кундуз провинциясо.
Павел Андреевич служась вете ломаньс бронетранспортеронь командирэкс. Ульнесь боевой операциясояк. «Ульнесть истят тевть, конат свалшкас кадовсть мельсэ-превсэ. Ледстнян, кода минек точкасто сайсть десантно-штурмовой группань 70 ломанть ды вертолётсо валгстызь пандоюткова, косо ульнесть талибтне. Душмантнэ кармасть пулемётсо леднемест. Ушодовсь тюрема. Вертолёттнэ эзть оза, солдаттнэнень савсь кирнявтнемс тосто колмо метрань сэрьстэ. Мейле ушодсть миномётсо леднеме. Минек цёратненень ульнесь аволь шожда…» – ледстни П.А. Котькин.
Павел Андреевичень кавто ялгатне ранявсть, вертолётсо сынст сеске саизь госпиталев. Сонзэ эсензэ теке Пазось ванстызе. Демобилизациядонть икеле вейке тюремасо Павел Андреевич контузявсь гранатомётонь леднемадонть. Сестэ бронетранспортёронь колоннась лиссь бандитэнь формированиятнень яжамо. Вейке таркасо минек цёратнень кармасть леднеме боевиктне. Колоннанть ланга леднесть эрьва кодамо оружиясто. Се тюремасонть снарядось понгсь Павел Андреевичень ялганзо пряс, сон чавовсь, зярыятне ранявсть.
Весть сынь несть менельсэ, кода пры минек вертолётось. Сон эшкевсь пандос. Мейле кармасть содамо: се вертолётсонть штурманокс ульнесь Александр Новихин, Ташто Шайговань райононь Новотроицкое велень эрицясь.
Воинэнть-интернационалистэнть валонзо коряс, службанть перть ульнесть ламо апак учонь тевть ды тамашат. Эрьва чи куломась яки вакскат: зярдо ускат афганонь вачо эйкакштненень ярсамопель, зярдо неят душмантнэнь а ломанень сельмест, зярдо неят верев кузиця самолёт «груз 200» марто.
Контузиядонть сонзэ лецясть эсензэ частьсэ. Госпиталев эзь моле – куроксто пачкодемс бу кудов. Ды стувтомс те апаронть. Ансяк кода стувтомс, бути весе сэредят.
Афганистансо службанть кисэ Павел Андреевич казезь «Отличник СА», «Отличник ПВ-2ст», «Отличник ПВ-1ст», «Старший погранотряда» тешкссэ. Казнетнень ютксо ули «Воину-интернационалисту» СССР-нь Верховной Советэнь Президиумонь грамота. Весе тень лангс ваны мельтеме. Корты: «Весе воинтнэнь-интернационалисттнэнь улить истят казнест. Ансяк минь аламодо седе уцяскавт – кадовинек живстэ, лия цёратне чавовсть. Сынь ульнесть одт ды мездеяк апелицят».
Армиядо мейле ушодовсь лия эрямо. Сон ушодсь важодеме велень хозяйствань роботниктнень профсоюзонь райкомсо водителекс, мейле райпотребсоюзсо. Чарькодсь советской автомобилень весе маркатнес. Кеветее иеть важодсь водителекс. Контузиянть кувалма макссть тензэ инвалидэнь 3-це группа. Ламо аштекшнесь больницясо. Тевтеме икелень солдатось зярдояк эзь эрсе. Ней районной библиотекасо вети хозяйственной тевть.
Афганистансо интернациональной долгонзо топавтызе Ташто Шайговань райононь Од Федоровка велень эрицясь Сергей Александрович Пронин. Сон чачсь 1966 иень ноябрянь 26-це чистэ. Школасо тонавтнесь парсте. Вечксь музыканть ды спортонть. Свал аштиль вишкинетнень ды лавшотнень кисэ. 1985 иень апрельстэ Сергеень саизь армияв ды кучизь служамо Афганистанов. Тосо сон ульнесь 1985 иень октябрясто саезь 1987 иень майс. Служась связень отделениянь командирэкс. Тюрсь Лашкаргах, Кандар, Чара, Диларам, Шинданд оштнень кисэ. Военной службадо мейле сась тиринь ёнксов сержантонь званиясо. Казезь «Гвардия», «Отличник СА» тешкссэ. Сон тусь эрямосто 1998 иень февралень 7-це чистэ.
Афганонь войнасо ульнесь Иван Фёдорович Савельевгак. Сон чачсь 1962 иень ноябрянь 21-це чистэ Ташто Шайговань райононь Од Александровка велесэ. 1981 иестэ прядызе школанзо, мейле саизь армияв. Кучизь служамо Афганистанов. Те ульнесь апак учонь тевекс. «Мезе теемс? Эряви топавтомс гражданской долгонть», – ледстни Иван Фёдорович.
«Афганов ардынек мездеяк апак пеле. Васняяк минь тосто неинек ламо боевой самолётт ды вертолётт, пандот, конатнень тёкшост венстязь менельс. Те весе пек дивавтсь. Ульнесь пек пси…» – ёвтни И.Ф. Савельев. Мезе ульнесь седе тов? Автоматонь леднемат. Бомбань сезевемат. Кишлакт, конат пешксеть боевикте. Пандонь китне, косо эрьва эскелькссэ учи зыян. Ранявозь ялгань сельметне… Корты: «Теке мерят, те весе исяк ульнесь...»
Иван Фёдорович понгсь мотострелковой 181-це полков, кона аштесь Кабулсо. Сынь ветясть колоннатнень, конат мольсть пакистанонь ды советской границятнень ёнов, ветясть тюремат пандотнесэ, ванстсть китнень моджахедтнэнь эйстэ. Кода вансть сынст лангс тосонь эрицятне? «Чить советской солдаттнэнь коряс мезеяк берянь арасель, веть лангозонок леднесть. Лиясто, кишлаков совамсто, каванясть кшиде ды ведте», – ледстни Иван Фёдорович. Тюрематнеде ламольть. Веньберть боевой операцияв сыргамсто оршильть бронежилетт, кшнинь алкс марто стака берцат (сынст эйсэ седе пароль кузнемс пандова), сайнесть мартост пикст, гранатат, боеприпаст.
Службадо мейле Савельев велявтсь эсензэ Од Александровка велев, тесэ эри нейгак. Сон сэтьме, аволь покшкавтниця ломань ды бажи а ледстнемс тюремань иетнень.
Миненек а эряви стувтнемс афганонь войнань участниктнень. Ёвтнемс сындест эйкакшонок, нуцьканок туртов. Сынст лангс ванозь, чарькодемс, кода эряви вечкемс тиринь ёнксот ды тиринь масторот.
Н. Уткина, 1941-1945 иетнень войнань ды трудонь подвигень мемориальной музеень выставкань отделэнь прявт.
Фотось: Ташто Шайговань райононь поисковой отрядонь прявтонть Л.А. Гунькинань
Мордовиясто Афганистансо служасть малав 3 тёжат ломанть. Ташто Шайговань райононь 95 призывниктне саезельть Афганистанов. Мужестванть ды героизманть кисэ ламот казевсть орденсэ ды медальсэ.
Павел Андреевич Котькин чачсь 1964 иень январень 19-це чистэ Ташто Шайговасо. Семиясь покшоль, кассть ниле цёрынеть ды колмо тейтернеть. Тетяст-аваст важодсть колхозсо, туильть валске рана, кудов сыльть позда чокшне. Покш эйкакштне вансть вишкинетнень. Весе сынь эйкакшпингстэ саезь ламо важодсть, эрьвась содылизе тарканзо аволь ансяк столь экшсэ, истя жо кудоютконь тевтнесэяк.
Павел тонавтнесь Ташто Шайговань средней школасо. Лиятнеде мейсэяк эзь явово. Школанть прядомадо мейле кармась тонавтнеме 5 № профтехучилищасо, косо тензэ макссть водителень профессия. Сась шка туемс армияв. Те ульнесь 1989 иень апрелень 20-це чи. Васенце пельиестэнть тонавтнесь сержантонь школасо. Мейле кучозель Таджикистанонь Пянджской 2066-це погранотрядов. Седе тов од ломантнень кучизь «Исмаил» мотоманевренной группав, сон аштесь Кундуз провинциясо.
Павел Андреевич служась вете ломаньс бронетранспортеронь командирэкс. Ульнесь боевой операциясояк. «Ульнесть истят тевть, конат свалшкас кадовсть мельсэ-превсэ. Ледстнян, кода минек точкасто сайсть десантно-штурмовой группань 70 ломанть ды вертолётсо валгстызь пандоюткова, косо ульнесть талибтне. Душмантнэ кармасть пулемётсо леднемест. Ушодовсь тюрема. Вертолёттнэ эзть оза, солдаттнэнень савсь кирнявтнемс тосто колмо метрань сэрьстэ. Мейле ушодсть миномётсо леднеме. Минек цёратненень ульнесь аволь шожда…» – ледстни П.А. Котькин.
Павел Андреевичень кавто ялгатне ранявсть, вертолётсо сынст сеске саизь госпиталев. Сонзэ эсензэ теке Пазось ванстызе. Демобилизациядонть икеле вейке тюремасо Павел Андреевич контузявсь гранатомётонь леднемадонть. Сестэ бронетранспортёронь колоннась лиссь бандитэнь формированиятнень яжамо. Вейке таркасо минек цёратнень кармасть леднеме боевиктне. Колоннанть ланга леднесть эрьва кодамо оружиясто. Се тюремасонть снарядось понгсь Павел Андреевичень ялганзо пряс, сон чавовсь, зярыятне ранявсть.
Весть сынь несть менельсэ, кода пры минек вертолётось. Сон эшкевсь пандос. Мейле кармасть содамо: се вертолётсонть штурманокс ульнесь Александр Новихин, Ташто Шайговань райононь Новотроицкое велень эрицясь.
Воинэнть-интернационалистэнть валонзо коряс, службанть перть ульнесть ламо апак учонь тевть ды тамашат. Эрьва чи куломась яки вакскат: зярдо ускат афганонь вачо эйкакштненень ярсамопель, зярдо неят душмантнэнь а ломанень сельмест, зярдо неят верев кузиця самолёт «груз 200» марто.
Контузиядонть сонзэ лецясть эсензэ частьсэ. Госпиталев эзь моле – куроксто пачкодемс бу кудов. Ды стувтомс те апаронть. Ансяк кода стувтомс, бути весе сэредят.
Афганистансо службанть кисэ Павел Андреевич казезь «Отличник СА», «Отличник ПВ-2ст», «Отличник ПВ-1ст», «Старший погранотряда» тешкссэ. Казнетнень ютксо ули «Воину-интернационалисту» СССР-нь Верховной Советэнь Президиумонь грамота. Весе тень лангс ваны мельтеме. Корты: «Весе воинтнэнь-интернационалисттнэнь улить истят казнест. Ансяк минь аламодо седе уцяскавт – кадовинек живстэ, лия цёратне чавовсть. Сынь ульнесть одт ды мездеяк апелицят».
Армиядо мейле ушодовсь лия эрямо. Сон ушодсь важодеме велень хозяйствань роботниктнень профсоюзонь райкомсо водителекс, мейле райпотребсоюзсо. Чарькодсь советской автомобилень весе маркатнес. Кеветее иеть важодсь водителекс. Контузиянть кувалма макссть тензэ инвалидэнь 3-це группа. Ламо аштекшнесь больницясо. Тевтеме икелень солдатось зярдояк эзь эрсе. Ней районной библиотекасо вети хозяйственной тевть.
Афганистансо интернациональной долгонзо топавтызе Ташто Шайговань райононь Од Федоровка велень эрицясь Сергей Александрович Пронин. Сон чачсь 1966 иень ноябрянь 26-це чистэ. Школасо тонавтнесь парсте. Вечксь музыканть ды спортонть. Свал аштиль вишкинетнень ды лавшотнень кисэ. 1985 иень апрельстэ Сергеень саизь армияв ды кучизь служамо Афганистанов. Тосо сон ульнесь 1985 иень октябрясто саезь 1987 иень майс. Служась связень отделениянь командирэкс. Тюрсь Лашкаргах, Кандар, Чара, Диларам, Шинданд оштнень кисэ. Военной службадо мейле сась тиринь ёнксов сержантонь званиясо. Казезь «Гвардия», «Отличник СА» тешкссэ. Сон тусь эрямосто 1998 иень февралень 7-це чистэ.
Афганонь войнасо ульнесь Иван Фёдорович Савельевгак. Сон чачсь 1962 иень ноябрянь 21-це чистэ Ташто Шайговань райононь Од Александровка велесэ. 1981 иестэ прядызе школанзо, мейле саизь армияв. Кучизь служамо Афганистанов. Те ульнесь апак учонь тевекс. «Мезе теемс? Эряви топавтомс гражданской долгонть», – ледстни Иван Фёдорович.
«Афганов ардынек мездеяк апак пеле. Васняяк минь тосто неинек ламо боевой самолётт ды вертолётт, пандот, конатнень тёкшост венстязь менельс. Те весе пек дивавтсь. Ульнесь пек пси…» – ёвтни И.Ф. Савельев. Мезе ульнесь седе тов? Автоматонь леднемат. Бомбань сезевемат. Кишлакт, конат пешксеть боевикте. Пандонь китне, косо эрьва эскелькссэ учи зыян. Ранявозь ялгань сельметне… Корты: «Теке мерят, те весе исяк ульнесь...»
Иван Фёдорович понгсь мотострелковой 181-це полков, кона аштесь Кабулсо. Сынь ветясть колоннатнень, конат мольсть пакистанонь ды советской границятнень ёнов, ветясть тюремат пандотнесэ, ванстсть китнень моджахедтнэнь эйстэ. Кода вансть сынст лангс тосонь эрицятне? «Чить советской солдаттнэнь коряс мезеяк берянь арасель, веть лангозонок леднесть. Лиясто, кишлаков совамсто, каванясть кшиде ды ведте», – ледстни Иван Фёдорович. Тюрематнеде ламольть. Веньберть боевой операцияв сыргамсто оршильть бронежилетт, кшнинь алкс марто стака берцат (сынст эйсэ седе пароль кузнемс пандова), сайнесть мартост пикст, гранатат, боеприпаст.
Службадо мейле Савельев велявтсь эсензэ Од Александровка велев, тесэ эри нейгак. Сон сэтьме, аволь покшкавтниця ломань ды бажи а ледстнемс тюремань иетнень.
Миненек а эряви стувтнемс афганонь войнань участниктнень. Ёвтнемс сындест эйкакшонок, нуцьканок туртов. Сынст лангс ванозь, чарькодемс, кода эряви вечкемс тиринь ёнксот ды тиринь масторот.
Н. Уткина, 1941-1945 иетнень войнань ды трудонь подвигень мемориальной музеень выставкань отделэнь прявт.
Фотось: Ташто Шайговань райононь поисковой отрядонь прявтонть Л.А. Гунькинань