Саранскоень 1941-1945 иетнень войнань ды трудонь подвигень мемориальной музеесь аволь умок ютавтсь акция, конанть лувсо республикань организациятнестэ важодицятне кодасть алтымат, кекшемань оршамот, пряс путомат минек цератнень туртов, конатне тусть спецоперацияв.
Саранск ошонь 33-це № школань тонавтыцятне ды Александровка велень эйдень кужонь воспитательтне эзть юта те акциянть вакска ды явизь чист те эрявикс тевентень.
Истя жо те чистэнть кекшемань алтымат, халатт, пряс путомкат СВО-нь участниктненень кодасть Орданьбуень «сиянь» волонтёртнэ ды райононь ветеранонь советэнь представительтне. Кода мерсь тенек группань прявтось Людмила Ерошкина, те сынст 111-це сетест! Аватне оймсемань апак сода, виень апак вансто, чиде-чис лездыть минек цератненень. Эрьва кодавксось ознови, чантяви ды эйзэст путови истямо вий, конась алкукс лезды!