2021 иень якшамковонь 1-це чистэ авань капиталстонть саевиця эрьва ковонь пандоматнень покшолмаст полавтовсь. Мордовия Республикасо сеть тетятнень-аватнень туртов, кить пшкадить пандоманть коряс тедеде, ковозонзо сынст покшолмаст лиси 9 тёжат 796 целковойть.
Сеть семиятнень туртов жо, конат те пандоманть получасть 2020 иестэ ды кармить получамо тедедеяк, сон кадови а полавтовикс – 9 тёжат 442 целковойть.
Авань капиталонь ярмактнестэ эрьва ковонь пандомась явови сеть семиятненень, косо 2018 иень якшамковонь 1-це чистэнть саезь чачсь эли саезь семияс омбоце эйкакш ды бути семиянь эрьва ломаненть доходозо а лиси регионсонть кемекстазь эрямонь минимумонть кавтонь покшолмасо.
2021 иестэ Мордовиясо семиянь эрьва ломаненть доходозо улезэ 20158 целковойде аволь седе ламо.
Семиянь вейсэнь ярмактнень ловомсто ванновить зарплататне, премиятне, пенсиятне, социальной пособиятне, стипендиятне, эрьва кодамо компенсациятне, алименттнэ ды седе тов. Весе неть пандоматне кемекставольть эрявикс документсэ, сеть пандоматнеде башка, конат ютыть ПФР-нть пельде. Максоматне пурнавить 12 ковонь коряс, ванновить жо меельце кото ковтне.
Эрьва ковонь пандоматнень лангс яволявтоманть мереви каямс куш кона шкастонть колмо иень перть эйкакшонть чачомадо мейле. Бути яволявтоманть марто пшкадема эйкакшонтень кото ковтнень топодемадонть икеле, пандомась кемекстави чачома чистэнть саезь. Бути кото ковтнеде мейле, пандомась кемекстави яволявтоманть каямо шкасто.
2021 иестэ яволявтомань ваннома шкатне полавтовсть. Ней Пенсионной фондонтень тень лангс максовить важодемань кемень чить, эштё вете чить максовить ярмактнень пандоманть лангс. Теке марто шкась кувалгавтови комсь чис, бути арась каршо вал межведомственной вешематнень лангс.
Ледстясынек, кезовонть марто сюлмавозь мелявкстнэнь коряс пандоматнень шкась кувалгавтови яволявтомавтомо. Семиятненень, конат получить авань капиталонь ярмактнестэ эрьва ковонь пандоматнень ды конатнень шкаст лиси 2021 иень эйзюрковонь 1-це чистэ, а эряви пшкадемс Пенсионной фондс эсь доходтнэнь кемекстамга ды пандоматнень поладомга. Те весе тееви автоматически сертификатонь азоронть мереманзо коряс.
Мордовия Республикасо авань (семиянь) капиталонь ярмактнестэ эрьва ковонь пандоматнень получицякс лововить 686 семият.
Юлия Еремина.
Авань капиталонь ярмактнестэ эрьва ковонь пандомась явови сеть семиятненень, косо 2018 иень якшамковонь 1-це чистэнть саезь чачсь эли саезь семияс омбоце эйкакш ды бути семиянь эрьва ломаненть доходозо а лиси регионсонть кемекстазь эрямонь минимумонть кавтонь покшолмасо.
2021 иестэ Мордовиясо семиянь эрьва ломаненть доходозо улезэ 20158 целковойде аволь седе ламо.
Семиянь вейсэнь ярмактнень ловомсто ванновить зарплататне, премиятне, пенсиятне, социальной пособиятне, стипендиятне, эрьва кодамо компенсациятне, алименттнэ ды седе тов. Весе неть пандоматне кемекставольть эрявикс документсэ, сеть пандоматнеде башка, конат ютыть ПФР-нть пельде. Максоматне пурнавить 12 ковонь коряс, ванновить жо меельце кото ковтне.
Эрьва ковонь пандоматнень лангс яволявтоманть мереви каямс куш кона шкастонть колмо иень перть эйкакшонть чачомадо мейле. Бути яволявтоманть марто пшкадема эйкакшонтень кото ковтнень топодемадонть икеле, пандомась кемекстави чачома чистэнть саезь. Бути кото ковтнеде мейле, пандомась кемекстави яволявтоманть каямо шкасто.
2021 иестэ яволявтомань ваннома шкатне полавтовсть. Ней Пенсионной фондонтень тень лангс максовить важодемань кемень чить, эштё вете чить максовить ярмактнень пандоманть лангс. Теке марто шкась кувалгавтови комсь чис, бути арась каршо вал межведомственной вешематнень лангс.
Ледстясынек, кезовонть марто сюлмавозь мелявкстнэнь коряс пандоматнень шкась кувалгавтови яволявтомавтомо. Семиятненень, конат получить авань капиталонь ярмактнестэ эрьва ковонь пандоматнень ды конатнень шкаст лиси 2021 иень эйзюрковонь 1-це чистэ, а эряви пшкадемс Пенсионной фондс эсь доходтнэнь кемекстамга ды пандоматнень поладомга. Те весе тееви автоматически сертификатонь азоронть мереманзо коряс.
Мордовия Республикасо авань (семиянь) капиталонь ярмактнестэ эрьва ковонь пандоматнень получицякс лововить 686 семият.
Юлия Еремина.