Московсо эриця эрзятне ды мокшотне, истя жо тосонь землячествась ютавтсть «России важен каждый мордвин» теманть коряс лембе вастовома. Тесэ яволявтозельть «Фото-челлендж я мордвин/мордовка» акциянь цётамотне. Сертификатсо ды казнесэ казевсть кемень изницят.
Лембе вал марто инжетненень пшкадсть РФ-нь Президентэнть юрсо Мордовия Республикань Полномочной представителесь Светлана Федонина, Эрзянь ды мокшонь раськень регионъютконь общественной вейсэндявксонь прявтось Юрий Мишанин. Активисттнэнь туртов сынь явшесть дипломт ды казнеть. Истя жо тесэ ульнесть РФ-нь Президентэнть юрсо МР-нь Постпредствань культурань секторонь ветицясь Л. В. Круглова, «Московонь областень эрзянь ды мокшонь национально-культурной автономия» общественной вейсэндявксонь прявтось Д. И. Макайкин.
Мельстуиця концерт невтсть Мордовиянь землячествань фольклорной коллективтне, Юлия Михальчик, «Садко» группась.
Ламо ломанть тей эзть тердевкшне, ансяк кить сакшность, кадовсть мельспаросо. Сынь седейшкава кортнесть вейкест-вейкест марто ды вейсэ морасть.