Четверг, декабря 08, 2022
Важное

Ютазь оймсема чистэ Вирь Тавласо ютавтовсь «Тавлань лишме» чувтосто керсицянь регионъютконь фестивалесь. Зярыя чинь перть Владимир Ромашкин лемсэ «Этно-кудо» музеенть вакссо важодсть эсенек республикань ды лия регионсто сазь чувтосто керсицятне. Сынст прявт теевксэсь – чувтонь лишмесь, конань сэрезэ колмо метрат ды вете метрат кувалмозо. Весе сон мазылгавтозь финнэнь-угрань раськетнень тешкссэ.


Кода тешкстызь фестивалень арсицятне-ютавтыцятне, те теевксэнть лангс ютасть сисем покш пичеть. Рамазельть жо сынь Культурань инициативань Президентэнь фондонь грантонь ярмактнень лангс.
Од скульптуранть лангсо, конась ней мазылгавты Этно-кудонь парконть, важодсть чувтосто кемень керсицят: лелят-ялакст Пётр ды Александр Рябовтне, сынст сазорост цёразо Максим ды Вирь Тавлань эштё вейке кедьчелькевесь Василий Ширманкин; Ульяновской областьстэ сакшность: Александр Артемьев, Владислав Тогаев ды Минибулат Абдурахманов; Удмуртиясто артыцятне: Юрий Конюхов ды Николай Тарасов; Николай Аношкин Нижегородской областень Лукояновасто.

Кода тешкстызе фестивалень инжесь – Россиянь Федерациянь Советэнь сенаторось Пётр Тултаев, теевть лишменть ёвтама Гиннессэнь рекордтнэнь книгас совицятнень юткс. Нама, покшолмань коряс сон аволь сехте покш, ансяк чувтосто истят теевкст икеле кияк косояк эзь тейне.

Теке марто, ояксчинь лишмеденть башка, кедьчелькевтне кенерсть керсеме лия теевксткак. Кие тейсь эсензэ лишмине, кие ритуальной чамакс, кие мазыйка-башкирка этнической оршамосо раськень ярсамопель марто… Весе сынь истя жо мазылгавтсызь музеенть перька касыця парконь комплексэнть.

Чувтосто керсицятнень регионъютконь фестивалень казнекс ульнесь «Торамась терди» эрзянь кезэрень моронь гала-концертэсь. Сонзэ участникекс кармасть Вирь Тавлань «Тол ава» ансамблясь, Кочкуровань «Вастома», «Сударушка», «Гайги вайгель», «Раздолье» музыкальной коллективтне, «Мерема» фольклорной студиянь артисттнэ ды Владимир Ромашкин лемсэ «Торама» ансамблясь.

Анокстызе Юлия Еремина
 

О ГАЗЕТЕ "ЭРЗЯНЬ ПРАВДА"

Газета Эрзянь правда в настоящее время издается один раз в неделю на 16 страницах, четыре из них в цвете. Газета широко отражает вопросы общественно-политической, социально-экономической, культурной и духовной жизни республики, публикует международную информацию. «Эрзянь правда» распространяется в Оренбургской, Пензенской, Самарской, Ульяновской, Нижегородской областях, в республиках Татарстан, Чувашия, Башкортостан. Вместе с тем, для эрзян России вот уже не один год успешно функционирует электронная версия газеты, которую можно в настоящее время читать в Интернете. В этом большая заслуга всего редакционного коллектива газеты «Эрзянь правда».