Мордовиянь Прявтось Артем Здунов ютавтсь «Герои среди СВОих» республикань программань Общественной советэнь промкс.      Ледстясынек, программантень ушодксось максозель февралень 10-це чистэ – Мордовиясь кармась вете регионтнэнь ютксто вейкекс, косо ули «Время Героев» Президентэнь программань региононь пельксэсь.

РАНХиГС-нть марто вейсэ анокстазь тонавтомань башка программа, конась лезды анокстамс специальной военной операциянь ветерантнэнь ды участниктнень властень органтнэсэ, государственной секторонь компаниятнесэ, покш предприятиятнесэ, общественной ды политической организациятнесэ важодеманть туртов.

Мордовия Республикань Прявтонь ды Мордовия Республикань Правительствань Администрациянь Руководителень полавтыцясь Елена Семелева евтнесь кочкамонь эште вейке пелькстэнть – личной собеседованиянь ютамонь цетавкстнэде. Сон ютась очна ды видеоконференциянь лувсо. Истя жо претенденттнэнь туртов ютавтозель бизнес-налксема. Питнень максомань прявт енкстнэ – опытэсь, истя жо управленческой, саезь цетавкстнэ ды потенциалось.

Собеседованиянь невтевкстнэнь коряс кочказь программань финалисттнэ. Июнень 20-це чистэ эйстэст эрьвантень максови куля эсь статусонть коряс личной кабинетсэнть. Тень пингстэ тешкстазель, сетненень, кить а ютыть программань лия пельксэнтень, истя жо мереви тонавтнемс эли молемс важодеме.

Общественной советэнь промксонть лувсо истя жо толковавсь наставниктнень спискась, конатне кармить важодеме  «Герои среди СВОих» программань участниктнень марто. Наставникесь кемекстави эрьва претендентэнтень тонавтнемань весе шканть перть.

Артем Здунов тешкстызе, сон истя жо карми улеме проектсэнть наставникекс.