Неень шкане ламот юткстонок содыть, минек шумбрачись эсенек кедьсэ. Кувака пингесь, васняяк, ашти седе, кодамо эрямо лувсо ютыть ковтне, иетне.
Виде, сеедьстэ рунгонь шумбралгавтоманть кадтано меельце тевекс. Арсетяно – кенертяно эштё, ансяк эрямось юты пек куроксто. Пенсияв лисемадо мейле ламот сыре ломантне теевить ушов а лисницякс, седе ламо шканть ютавтыть кудосо. Ансяк неть валтнэ тунь а ладить Мордовия Республикасо сыре ломанень «Клуб активного долголетия» Ассоциацияс совицятненень.
Ледстясынек, те вейсэндявксось республикасонок теезель кемень иеде икеле. Сынст программасонть улить: лексемань гимнастика, эзнень гимнастика, шумбралгавтомань чийнемат, бассейнасо укшномат, столь лангсо ды покш тенниссэ налксемат.
Кавто иеде икеле Елена ды Геннадий Тимченко лемсэ благотворительной фондонть лезксэнзэ вельде «ЗОЖ» Ассоциациясь лиссь изницякс «Активное поколение – 2019» пелькстамосонть.
Самай се шкастонть саезь эрямонь шумбра лувонтень кундасть Кочкуровань муниципальной райононь эрицятне.
Неть читнестэ минь кортынек эрямонь шумбра лувдонть «Кочкуровская СОШ» МБОУ-нь физкультурань коряс предметэнь ветицянть, Ассоциацияс совицятнень марто важодицянть Олег Трясоумов марто. Олег Александрович занятиятнень вети Мордовия Республикань сыре ломанень «Клуб активного долголетия» Ассоциациянь Президентэнь грантонь «Кладовая здоровья» специальной пелькстамонть коряс.
Сонзэ вановтонзо коряс, те проектэнть васень тевезэ – физической культуранть, спортонть, шумбра лувонть эрямос совавтомась, сыре ломантнень, сехте пек велесэ эрицятнень ютксо, шумбрачист кемекстамось ды эрямост кувалгавтомась.
– Видьстэ меремс, васень шкастонть миненек састь ниле ломанть, ковонь ютазь группантень пурнавсть кемгавтово, а ней уш эйстэденек ведьгеменде ламо. Тейтерь-аватнеде – 27. Сынь седе покш мельсэ сакшныть занятиятнес, – ёвтни Олег Александрович.
Кода уш вере ледстинек, занятиятне ютавтовить эзнень гимнастикань, волейболонь, настольной теннисэнь коряс.
Чарькодеви, велесэ тевтнеде певтеме, ялатеке эряви бажамс муемс шка эсеть шумбрачинть ванстомантень. Теде башка, ломантне тосо вастыть од ялгат, вейсэ лезэвстэ ютавтыть шканть ды а ёмавтыть эрямонтень вечкеманть. Эдь пенсияв лисемадо мейле, бути ломанесь допрок весе шканзо явсы кудоютконь тевтненень, тень вельде мелезэ пек а кепедеви.
Виде, самоизоляциянь шкастонть Кочкурбуесэ занятиятне эзть ютавтово. Вана ней сынь таго поладовить эрьва чистэ, оймсема читнеде башка, валскень 9-10 частнэстэ сакшныть «Юность» стадионс зарядкань тееме ды скандинавиянь лувсо якамо. Теде башка, занятиятне ютавтовить райононь куншкакуросо аштиця Культурань кудосонть, мезень кисэ покш сюкпря ёвтыть ДК-нь прявтонтень Юрий Ваньковнень ды школань прявтонтень Василий Пяткиннэнь. Эдь неть ломантне сынст нолдызь эсь залтнэс питневтеме.
Апрелень васенце читнестэ кармить сакшномо Саранскоень спортивной залтнэс укшномань занятиятнес.
Олег Александровичень валонзо коряс, сынст ули покш мелест неть занятиятнень ютавтомс райононь лия велетнесэяк. Невтемакс, ули арсемаст пурнамс группат Семилей ды Красномайской велетнесэ.
Те ёнксонь эрицятне вейсэ занятиятнень ветицяст марто ёвтыть сюкпрянь валт Ассоциациянь президентэнть Галина Мареськинань ды прявтонть Елена Лезинань лемс. Эдь весе те важодемась ютавтови грантонь ярмактнень лангс.
Текенень поладсынек, те вейсэндявксонтень якицятнень ютксто малав 70 % тейсть эстест неень шкань стака ормадонть ливкст. Васенцетнень ютксольть Олег Трясоумов ды Вера Храмова. Ледстясынек, Вера Михайловнанень аволь умок топодсть 70 иеть! Сон бажи а нолдамс вейкеяк занятия. Аволь ансяк сонсь, ялгатненьгак кирвазти эрямонь уцяскав толсо. Вана кинь лангсто саема пример ды седе курок кундама спортонтень.
Валентина Юдина.
Фототнень кучинзе Елена Лезина
Ледстясынек, те вейсэндявксось республикасонок теезель кемень иеде икеле. Сынст программасонть улить: лексемань гимнастика, эзнень гимнастика, шумбралгавтомань чийнемат, бассейнасо укшномат, столь лангсо ды покш тенниссэ налксемат.
Кавто иеде икеле Елена ды Геннадий Тимченко лемсэ благотворительной фондонть лезксэнзэ вельде «ЗОЖ» Ассоциациясь лиссь изницякс «Активное поколение – 2019» пелькстамосонть.
Самай се шкастонть саезь эрямонь шумбра лувонтень кундасть Кочкуровань муниципальной райононь эрицятне.
Неть читнестэ минь кортынек эрямонь шумбра лувдонть «Кочкуровская СОШ» МБОУ-нь физкультурань коряс предметэнь ветицянть, Ассоциацияс совицятнень марто важодицянть Олег Трясоумов марто. Олег Александрович занятиятнень вети Мордовия Республикань сыре ломанень «Клуб активного долголетия» Ассоциациянь Президентэнь грантонь «Кладовая здоровья» специальной пелькстамонть коряс.
Сонзэ вановтонзо коряс, те проектэнть васень тевезэ – физической культуранть, спортонть, шумбра лувонть эрямос совавтомась, сыре ломантнень, сехте пек велесэ эрицятнень ютксо, шумбрачист кемекстамось ды эрямост кувалгавтомась.
– Видьстэ меремс, васень шкастонть миненек састь ниле ломанть, ковонь ютазь группантень пурнавсть кемгавтово, а ней уш эйстэденек ведьгеменде ламо. Тейтерь-аватнеде – 27. Сынь седе покш мельсэ сакшныть занятиятнес, – ёвтни Олег Александрович.
Кода уш вере ледстинек, занятиятне ютавтовить эзнень гимнастикань, волейболонь, настольной теннисэнь коряс.
Чарькодеви, велесэ тевтнеде певтеме, ялатеке эряви бажамс муемс шка эсеть шумбрачинть ванстомантень. Теде башка, ломантне тосо вастыть од ялгат, вейсэ лезэвстэ ютавтыть шканть ды а ёмавтыть эрямонтень вечкеманть. Эдь пенсияв лисемадо мейле, бути ломанесь допрок весе шканзо явсы кудоютконь тевтненень, тень вельде мелезэ пек а кепедеви.
Виде, самоизоляциянь шкастонть Кочкурбуесэ занятиятне эзть ютавтово. Вана ней сынь таго поладовить эрьва чистэ, оймсема читнеде башка, валскень 9-10 частнэстэ сакшныть «Юность» стадионс зарядкань тееме ды скандинавиянь лувсо якамо. Теде башка, занятиятне ютавтовить райононь куншкакуросо аштиця Культурань кудосонть, мезень кисэ покш сюкпря ёвтыть ДК-нь прявтонтень Юрий Ваньковнень ды школань прявтонтень Василий Пяткиннэнь. Эдь неть ломантне сынст нолдызь эсь залтнэс питневтеме.
Апрелень васенце читнестэ кармить сакшномо Саранскоень спортивной залтнэс укшномань занятиятнес.
Олег Александровичень валонзо коряс, сынст ули покш мелест неть занятиятнень ютавтомс райононь лия велетнесэяк. Невтемакс, ули арсемаст пурнамс группат Семилей ды Красномайской велетнесэ.
Те ёнксонь эрицятне вейсэ занятиятнень ветицяст марто ёвтыть сюкпрянь валт Ассоциациянь президентэнть Галина Мареськинань ды прявтонть Елена Лезинань лемс. Эдь весе те важодемась ютавтови грантонь ярмактнень лангс.
Текенень поладсынек, те вейсэндявксонтень якицятнень ютксто малав 70 % тейсть эстест неень шкань стака ормадонть ливкст. Васенцетнень ютксольть Олег Трясоумов ды Вера Храмова. Ледстясынек, Вера Михайловнанень аволь умок топодсть 70 иеть! Сон бажи а нолдамс вейкеяк занятия. Аволь ансяк сонсь, ялгатненьгак кирвазти эрямонь уцяскав толсо. Вана кинь лангсто саема пример ды седе курок кундама спортонтень.
Валентина Юдина.
Фототнень кучинзе Елена Лезина