Мордовия Республикань Прявтонь тевтнень топавтыцянть Артём Здуновонь кармавтоманзо коряс МР-нь Правительствань Председателень тевтнень топавтыцясь Владимир Сидоров ютавтсь промкс, конась алтазель Россиянь ды Мальтань од ломанень сборнойтнень ютксо футболонь матчонтень анокстамонтень ды ютавтомантень.
Налксемась карми молеме Саранскойсэ, «Мордовия Аренасо», сентябрянь 7-це чистэ.
Промкссонть толковавсть гостиницатнень, стадиононть, тренировкань площадкатнень, сэтьмечинь топавтоманть, общественной транспортонь важодеманть ды матчонь ютавтомань читнестэ волонтёронь анокстамонь коряс кевкстематне. Истя жо промкссонть кортасть Саранскоень площадкатнесэ ды стадионсонть болельщиктнень туртов мельстуиця мероприятиятнень ютавтомадо.
Кевкстемась, зяро ваныцят нолдавить стадиононтень, зярс кадови панжадокс. Те кевкстеманть топавтомсто мельс саеви коронавирусонь инфекциянть коряс эпидемиологиянь лувось.