Instagram-со эсензэ лопасонзо сермадсь: "Госуслугатнесэ приминь участия сермадстомасонть - шожда, курок. Телефонсто сермадсты эсь прянть ды семиянть. Кевкстеманть лангс, кодамо раськентень кандован мон ды эйкакшон, сермадын: эрзят.
Ламот кевкстнесть, мезекс эряви эрицятнень сермадстомась. Демографиянь структуранть содазь, карматано видестэ кемекстамо региононь бюджетэнть, явомо лезкс эрицятненень, примамо участия федеральной программатнесэ. Карматано строямо спортонь площадкат, медицинань, социальной учрежденият тосо, косо сынь пек эрявить.
Порталсонть мереви ютамс сермадстоманть сундерьковонь 8-це чинть видьс. Сундерьковонь 14-це чинть видьс кулятнень кармить пурнамо сермадстыцятне".