Пятница, марта 29, 2024
Важное

КУРОК МИНЕК МОДАМАСТОРОСЬ КАРМИ КЕЛЕЙСТЭ ТЕШКСТАМО ИНЕ ИЗНЯМОНЬ 75 ИЕТНЕНЬ ТОПОДЕМАНТЬ. ПЕК АЛАМО КАДОВСТЬ ЛОМАНТНЕДЕ, КОНАТ УЛЬНЕСТЬ ЛАМО ЗЫЯНОНЬ ДЫ ГОРЯНЬ КАНДЫЦЯ ВОЙНАСОНТЬ, КОНАТ ВАЖОДСТЬ ТЫЛСЭ – КАПШАВТСТЬ ИЗНЯМОНТЬ. СЫНЬ ТУСТЬ ЮТКСТОНОК «АКУЛЫЦЯ ПОЛКОНТЕНЬ» («БЕССМЕРТНЫЙ ПОЛК»).
НЕЙ СЫНСТ ЧАМАСТ ВАНЫТЬ ЛАНГОЗОНОК МУЗЕЕНЬ ЭКСПОЗИЦИЯТНЕСТЭ, ФОТОАЛЬБОМС ПУРНАЗЬ СЕХТЕ ПИТНЕЙ КАРТОЧКАТНЕСТЭ. ВОЙНАСЬ ЮТАСЬ ВЕСЕ КУДОРАСЬКЕТНЕВА-СЕМИЯТНЕВА, КАНДСЬ МИНЕК МАСТОРОНЬ ЛОМАНТНЕНЕНЬ АСТУВТОВИКС АПАРО ДЫ КАЖО.

Мекс-бути войнадо мейле минек тетянок, лелянок, покштянок эзть ёвтне тенек мезеяк эсест эйстэ. Паряк, тень теемс сыненст ульнесь пек стака? Ки соды… Паряк, мерезель тенст а ёвтнемс… Монь кудораськень малавиксэнь, конат ульнесть войнасо, кулость се шкастонть, зярдо эштё эзть путне тенст стякодо «Защитникам Отечества» кевень плитат, эзть максне квартират, эзть пандо кодаткак ярмаконь казнеть… Те весемесь кармась улеме седе мейле.

Кодамо паро тев теезь минек районсо войнань ды тылэнь участниктнень мельсэ кирдеманть ванстомга! Панжозь «СТЕНА ПАМЯТИ» галереясь, конанть лангсо невтезь минек малавиксэнек портреттнэ. Иеде иес сынь яла ламолгадыть. Ваныть сынь лангозонок стенанть лангсто, молить мартонок Бессмертной полконь колоннатнесэ… ды, теке кортыть: путодо питне, ломанть, войнавтомо эрямонтень, ванстодо мирэнть, конань кис минь максынек виенек, веренек, эрямонок! Илядо стувтне эйсэнек!
Кодамо покш тев тейсь Макаров Николай Иванович – музеенек пурныцясь-ванстыцясь! Модас сюконямо тензэ важодеманзо кис! Сонзэ пурнавт войнань ветерантнэнь ташто фототне невтевить Интернетсэяк.
Ней, зярдо панжовсть ламо архивть ды, бути мелеть ули, муевить весе конёвтне, конат тосо ванстовить ды конат икеле ульнесть кекшезь. Кода мон кецнинь, зярдо Алексей цёрам таргинзе «ПОДВИГ НАРОДА» сайтстэнть тетянь, Володя лелянь ды атявтонь Казнень максома лопатнень (Наградной лист)! Минь карминек содамо малавикс ломаненек подвигтест, мезень кис сынь казезельть покш орденсэ ды медальсэ.

Минек семиясто войнасо ульнесть авань ёндо Яков, Володя, Лексей лелян, тетянь ёндо – тетям ды Вася лелям.
Тетям, Бочкарёв Дмитрий Мокеевич, войнав саезель 1942 иестэ, зярдо топодсть тензэ кемгавксово иеть. Служась Куншкатаркань (Центральный), 2-це Украинской ды Белорусской фронттнэсэ. Званиязо ульнесь гвардиянь красноармеец. Частьсэнть, конасонть служась, сон ульнесь васолксчинь онкстницякс (дальномерщик). Вана мезе сёрмадозь тетядонок Казнень максомань лопасонть. Путсынь тостонь сёрмадовкстнэнь рузкс, кода сёрмадозь:


«Гвардии красноармеец Бочкарёв в боях с немецкими захватчиками на территории Польши и Германии проявил умение и мужество. Точно и смело он подавал знаки своему взводу, безошибочно определяя дальность до цели. Только 30.01.45 в районе Диков, по поданной им дальности, уничтожено два самолёта противника, в том числе специальный самолёт связи Физлер «Шторх» 156, на борту которого находилась секретная почта 9 армии, адресованная в Генеральный штаб Германии. Достоин правительственной награды Ордена «Красная Звезда».

Вася лелядон пек парсте сёрмадокшнось «Восход» газетас С.И.Ванькина. Ванстовсь сондензэ истя жо ташто газетасто Н.Кургановонь заметкась. Вана тосто пелькске: «За смелость, отвагу, находчивость Василий Мокеевич был награжден орденом Отечественной войны второй степени. Эта высокая награда нашла его на госпитальной койке в Казани (при выполнении боевого задания он был ранен и обморозил ноги. Р.Ж.).

В Красноярске, тоже в госпитале, ему вручили медаль «За отвагу». В 1945 году, уже в Большом Игнатове, райвоенком приколол ему на грудь медаль «За победу над фашистской Германией».
Авань ёндо кудораськестэнек войнасо ульнесть лелян Яков, Лексей, Володя Поняевтне. Яков Анисимович войнасо ульнесь шофёрокс, понгонесь пленс, мейлеяк важодсь машинасо, чавовсь войнадо мейле. Сондензэ сёрмадовкст эзинек муе.

Лексей лелям – Александр Анисимович Поняев, войнасо ульнесь танкистэкс. Сон казезь 2 степенень Отечественной войнань орденсэ ды ламо медальсэ. Сонзэ подвигтензэ содатано аволь пек ламо, вешнетяно сведеният.

Владимир Анисимович лелянок ульнесь гвардиянь старшей лейтенант, батальононь командир. Сондензэ архивтнесэ ламо путовкст. Ули казнень максомань конёв, зярдо тензэ максозельть «Красное Знамя» ды «Красная Звезда» ордентнэ. Невтьса муезь путовкстнэнь ютксто меельценть:
«В боях с немецкими оккупантами 17.01.45 года в районе дер. Глинник миномётная батарея под командованием гвардии старшего лейтенанта Поняева ворвалась в деревню, где находились немцы. Не успев установить пулемёты, личному составу батареи пришлось вступить в рукопашный бой с противником. Следуя личному примеру тов. Поняева, бойцы храбро дрались до тех пор, пока противник не был окончательно опрокинут. В этом бою тов. Поняев лично уничтожил 9 немецких солдат. Выполняя боевую задачу, он пал смертью храбрых на поле боя. Посмертно представляется к награде – ордену Отечественной войны 1 степени. За мужество и отвагу, проявленные в борьбе с немецкими захватчиками, тов. Поняев достоин награждения орденом Отечественной войны 1 степени».

Минек Игнатвелень музейсэнть ванстови Володя лелянь пельде меельце сёрмась, конасонть сон мелявтозь сёрмады весе семиянзо ды малавиксэнзэ туртов Роштовадо икеле чокшнестэнть. Сёрмасонть улить колмо валрисьметь эрзякскак: «Ярсамось пока аволь вадря, но те эрси эрьва кодамо причинань кувалт. Куроксто туйдянок турме таркав. Кодамо тосо жеребей пры, содамо кундатадо седи меле». Жеребеесь прась тензэ пек берянь: кода содатано – Володя лелям чавовсь…
Андрей лелям ульнесь тылсэ, важодсь войнань шкастонть аэродромсо – анокстась ливтнеме боевой самолёттнэнь ды витнесь эйсэст. Сон пек парсте содылизе те тевенть ды тензэ максозель бронь.

Пек кенярдовтызь цёран сёрмадовкстнэ, конат муевсть омбоце покштянзо эйстэ, монь атявтодон: «Гвардии рядовой Жегалин Пётр Артемьевич – участник войны с Германией 1943-45 гг., находясь на 1 Украинском фронте, действовал в составе 52 Гвардейской Танковой Бригады 5 корпуса 3 танковой армии – проявил смелость, отвагу и мужество советского воина.

29 сентября 1943 года, при форсировании Днепра бригада, в которой находился тов. Жегалин, после упорных боёв пробилась на западный берег реки Днепр. Немцы не хотели мириться с потерей и бросались в яростные контратаки, но танковая бригада отбивала контратаки противника и заставила их отступить с большими потерями. В этом бою тов. Жегалин уничтожил своим танком до 20 немецких солдат.
7 октября 1943 года тов. Жегалин доставил в штаб подозрительного человека, который выдавал себя за местного жителя, а впоследствии выяснилось, что он шпион, разведывавший наши силы и обороноспособность.

12 октября 1943 года при расширении плацдарма на правом берегу р. Днепр, тов. Жегалин был тяжело ранен и отправлен на излечение в госпиталь, где и находится до настоящего времени.
Учитывая боевые подвиги перед Родиной, гвардии рядового Жегалина представляю к правительственной награде – ордену Славы 3-й степени. 20 февраля 1946 года».

Кода а улемс каштанчисэ сынст кувалма?!
Минек малавиксэнек, конат ульнесть войнасо, эзть арсе славадонть – эсест тевест сынь тейсть парсте, мелень путозь. Сынь идесть чачома масторост, малавиксэст эйсэ.
Вадрясто эсест тевтнень тейсть войнадо мейлеяк, нужачистэ масторонок кепедемасонть. Лиякс сынь а маштыльть. Тетям важодсь колхозонь прявтокс, велень советэнь прявтокс, ламо иеть ульнесь колхозсо бригадирэкс. Сонзэ туртов роботась, вейсэнь тевтне свал ульнесть васенце таркасо. Истямокс улемс сон тонавтсь минекак.
Ней сась шка минек нуцьканок туртов содамс покштяст тетятнеде (прадеды) ды Ине войнасонть сынст подвигтнеде. Кирилл нуцькам вейке пелькстамос анокстакшнось стенгазета: «Мои прадедушки – наша гордость», конасонть, фотографиядо ды артовксто башка, путозельть Наградной конёвтнень копиятне ды сонсензэ цёрыненть стихотворениязо.

МОИ ПРАДЕДУШКИ
Мой прадед Пётр танкистом был,
В войну он Родине служил.
Врагов дед очень смело бил.
И орден Славы получил.
Был сильно ранен он в бою,
Лечился долго. Вновь в строю.
Когда вернулся дед домой,
Для всех родных он был герой!
Дед Дмитрий был артиллерист,
Он – дальномерщик-специалист.
Умело цели наводил,
Их взвод по ним фашистов бил.
Прошли прадедушки войну,
Спасли они свою страну.
Благодаря им, мы живём.
Их славим. Песни им поём.
Эряви ёвтамс, те стенгазетанть кис Волоколамской райононь эйкакшонь пелькстамосонть Кириллнэнь максозель 1-це тарка.
75 иеть! Яла седе васов поты минек эйстэ Ине Изнямонь шкась, покш кенярксчись. Ней од ломантнеяк вешнить сёрмадовкст, фотографият, реликвият эсест кудораськень малавикс ломантнеде. Арсян, зярс минь карматано кирдеме мельсэнек-превсэнек Ине Изнямос покштояк покш путовксонть, конань теизь минек идицянок – минек малавиксэнек, сынь свал кармить ютксонок «АКУЛЫЦЯ ПОЛКСОНТЬ».

Римма ЖЕГАЛИНА
 

О ГАЗЕТЕ "ЭРЗЯНЬ ПРАВДА"

Газета Эрзянь правда в настоящее время издается один раз в неделю на 16 страницах, четыре из них в цвете. Газета широко отражает вопросы общественно-политической, социально-экономической, культурной и духовной жизни республики, публикует международную информацию. «Эрзянь правда» распространяется в Оренбургской, Пензенской, Самарской, Ульяновской, Нижегородской областях, в республиках Татарстан, Чувашия, Башкортостан. Вместе с тем, для эрзян России вот уже не один год успешно функционирует электронная версия газеты, которую можно в настоящее время читать в Интернете. В этом большая заслуга всего редакционного коллектива газеты «Эрзянь правда».