Мастумарень, эли, кода минек ёнкссо мерить, «викториянь», кенерема ды пурнамо шкась ушодовсь. Нама, мастумартне лавкатнесэ микшневить иень перть, ансяк минь учотано сетнень, конатне вечкезь путозь ды кастозь эсенек масторонь пандятнесэ.
Роспотребнадзорось содавты, кода рамамсто а манявомс. Парсте кенерезь ягодатне неявить истямо ёнксонь коряс: сынь коськеть, наксадозь таркавтомот, тюсост мазый, лепштявкстомот, цитницят, лопинетне апак пужо, эйстэст качады тантей чине. А эрявить рамамс сетнень, конатнень лангсо улить петнат ды сынь чевтеть.
Викториятнень танстест содави ягоданть лангс ванозь: бути пиже лопинетнень ды сонсензэ умарненть ютксо ули тарка, сестэ сон ламбамо. Бути лопинетне педявтозь ягодантень, седе чапамо.
Викториясь – куватьс а кирдевиця касовкс. Сонзэ ванстомга эряви ягоданть пештямс специальной кескавнес (пакетс), конасонть кельмевтевить продуктатне.
Мастумаресь – сехте тантей ды мазый ягода, ансяк а весе содыть сонзэ паро ёнкстонзо, конатне лездыть шумбрачинтень. Эйсэнзэ ламо витаминт ды минералонь веществат. Вете ягодань сэвезь, тынь пештясынк С витаминдэ рунгонк вейке чис. Фолиевой кислотадонть тосо ламоксть седе ламо инзеенть ды виноградонть коряс. Эйсэнзэ истя жо ламо йод, клетчатка, сахароза ды фруктоза. А вана калориятнеде пек аламо, весемезэ 36 ккал. Сонзэ сэвезь, а эчкелгадат, ансяк энергиясь рунгонтень понги сатышка.
Кода шлямс ягодатнень?
Ярсамодо икеле мастумаренть парсте шляма, эдь сынь сеедьстэ токазь модань пульсэ. Апак шля ягодатнеде калады пекесь ды ули пелема паразитэнь кундамодо.
Тешкстама, сынст шлямат ансяк ярсамодо икеле, бути кадсынк ярсамонть седе тов, сестэ холодильникс путынк апак шля, эдь ванькс ягоданть кирдема шкась пек киртяви. Шлямсто илинк скирдя нилькскенть. Шлинк мастумаренть дуршлагсо, ванькс кельме ведьсэ. Учодо минуташка, зярс ведесь чуди лангстост. Каинк ягодатнень конёвонь нардамопаця лангс.
Ягодатнень шлякшныть эштё уксусонь шожда растворсо, конась тееви истя: умарень эли виноградонь уксусонь столовой пенч каяви ведень вейке литрас. Ягодатнень каинк те растворонтень 3-5 минутас ды мейле ёрвалдынк ванькс вель ало. Шлямонь истямо лувось сайсынзе эйстэст чуваронть ды моданть, косо лиясто эрсить гельминтэнь алнэть, истя жо кувалгады холодильниксэ ванстомань шкасткак.
Мастумартнень куватьс кирдемс ведьсэ а эряви, сестэ сынь ведиить, полавтови танстест, чинест ды тюсост.
Кинень лезэв мастумаресь?
Викториянть лангс сеедьстэ эрси аллергия, нама, сестэ сондензэ ярсамс а мереви. А эряви сонзэ токшемс сеть ломантненень, конатнень сэредить сюлост-пекест (ули язва, гастрит) ды орматне самай сыргасть. Эйсэнзэ щавелевой ды салициловой кислотатне сэвить желудканть ды сыргавтыть гастродуоденитэнть, желудкань ды сюлонь язванть. Бути орматне эсь пряст а невтить, сестэ чизэнзэ мереви сэвемс 150-200 граммат.
Ягодась истя жо колы пейтнень ды вети сынст наксадомас. Мастумарде а эряви ярсамс вачонь пеке – ансяк парсте ярсамодо мейле. Бути жо човорясынк йогурт, велькс эли ловсо марто, сестэ сон седе туи чевтестэ.
Мастумарень ярсамонь шкась кувалгады, бути ванстомс ягодатнень кельме таркасо. Кельмевтемс сынст эряви а покш порциясо – 150-200 граммат. Тешкстама, пидезь ягодастонть ёмить пек ламо витаминт, секскак седе паро сонзэ кельмевтемс ды ярсамс телень перть.
Мекс лемезэ «виктория»?
Васенцеде мастумаренть Россияв ускизь XVIII пингестэ ды сестэ ульнесь ливтезь ансяк вейке сорт, конась лемдезель Англиянь королеванть Викториянь лемсэ.
Викториясто пидезь варения…
Саемс ягодатнеде ды сахардонть вейкень-вейкень кило, лимононь кислотадонть – вишка пенчень 1/3 пелькс. Викториятнень каямс ваканс ды почодома 500 граммат сахарсо, кадомс 2-3 часос. Мейле каямс эйзэнзэ кадовозь сахаронть. Путынк газ лангс пидеме ды лаказевемстэ саезь пидинк эштё 5 минутат. Мейле кадынк эштё вейке вес ды лакавтынк эштё весть лимонка марто.
…ды апак пиде
Зняро жо викториятнень лангс каямс сахар ды кадомс 12 часос, кадык максыть сок. Мейле эрьва чассто човорямс чинзэ перть ды меельцекс каямс 100 граммат ведь марто вишка пенч песэ лимононь кислота эли вейке лимононь сок.
Тантей пряка духовкасо
Саемс аламошка чиньжарамо ой, 500 граммат слоеной чапакс, 300 граммат викторият, 150-200 граммат сахар, 1 ал.
Теемась: формас путодо пергамент ды ваднинк ойсэ. Чапаксстонть саинк пелензэ ды явинк формаванть. Верьга путнинк ягодатнень ды почодынк малав весе сахаронть. Кадовозь чапаксонть керсинк кикскесэ ды тееде пряканть ланга кодавкс (плетёнка). Верьга ваднинк алсо ды почодынк сахарсо. Панинк духовкасо 20 минутат 200 градусонь псисэ.
Викториятнень танстест содави ягоданть лангс ванозь: бути пиже лопинетнень ды сонсензэ умарненть ютксо ули тарка, сестэ сон ламбамо. Бути лопинетне педявтозь ягодантень, седе чапамо.
Викториясь – куватьс а кирдевиця касовкс. Сонзэ ванстомга эряви ягоданть пештямс специальной кескавнес (пакетс), конасонть кельмевтевить продуктатне.
Мастумаресь – сехте тантей ды мазый ягода, ансяк а весе содыть сонзэ паро ёнкстонзо, конатне лездыть шумбрачинтень. Эйсэнзэ ламо витаминт ды минералонь веществат. Вете ягодань сэвезь, тынь пештясынк С витаминдэ рунгонк вейке чис. Фолиевой кислотадонть тосо ламоксть седе ламо инзеенть ды виноградонть коряс. Эйсэнзэ истя жо ламо йод, клетчатка, сахароза ды фруктоза. А вана калориятнеде пек аламо, весемезэ 36 ккал. Сонзэ сэвезь, а эчкелгадат, ансяк энергиясь рунгонтень понги сатышка.
Кода шлямс ягодатнень?
Ярсамодо икеле мастумаренть парсте шляма, эдь сынь сеедьстэ токазь модань пульсэ. Апак шля ягодатнеде калады пекесь ды ули пелема паразитэнь кундамодо.
Тешкстама, сынст шлямат ансяк ярсамодо икеле, бути кадсынк ярсамонть седе тов, сестэ холодильникс путынк апак шля, эдь ванькс ягоданть кирдема шкась пек киртяви. Шлямсто илинк скирдя нилькскенть. Шлинк мастумаренть дуршлагсо, ванькс кельме ведьсэ. Учодо минуташка, зярс ведесь чуди лангстост. Каинк ягодатнень конёвонь нардамопаця лангс.
Ягодатнень шлякшныть эштё уксусонь шожда растворсо, конась тееви истя: умарень эли виноградонь уксусонь столовой пенч каяви ведень вейке литрас. Ягодатнень каинк те растворонтень 3-5 минутас ды мейле ёрвалдынк ванькс вель ало. Шлямонь истямо лувось сайсынзе эйстэст чуваронть ды моданть, косо лиясто эрсить гельминтэнь алнэть, истя жо кувалгады холодильниксэ ванстомань шкасткак.
Мастумартнень куватьс кирдемс ведьсэ а эряви, сестэ сынь ведиить, полавтови танстест, чинест ды тюсост.
Кинень лезэв мастумаресь?
Викториянть лангс сеедьстэ эрси аллергия, нама, сестэ сондензэ ярсамс а мереви. А эряви сонзэ токшемс сеть ломантненень, конатнень сэредить сюлост-пекест (ули язва, гастрит) ды орматне самай сыргасть. Эйсэнзэ щавелевой ды салициловой кислотатне сэвить желудканть ды сыргавтыть гастродуоденитэнть, желудкань ды сюлонь язванть. Бути орматне эсь пряст а невтить, сестэ чизэнзэ мереви сэвемс 150-200 граммат.
Ягодась истя жо колы пейтнень ды вети сынст наксадомас. Мастумарде а эряви ярсамс вачонь пеке – ансяк парсте ярсамодо мейле. Бути жо човорясынк йогурт, велькс эли ловсо марто, сестэ сон седе туи чевтестэ.
Мастумарень ярсамонь шкась кувалгады, бути ванстомс ягодатнень кельме таркасо. Кельмевтемс сынст эряви а покш порциясо – 150-200 граммат. Тешкстама, пидезь ягодастонть ёмить пек ламо витаминт, секскак седе паро сонзэ кельмевтемс ды ярсамс телень перть.
Мекс лемезэ «виктория»?
Васенцеде мастумаренть Россияв ускизь XVIII пингестэ ды сестэ ульнесь ливтезь ансяк вейке сорт, конась лемдезель Англиянь королеванть Викториянь лемсэ.
Викториясто пидезь варения…
Саемс ягодатнеде ды сахардонть вейкень-вейкень кило, лимононь кислотадонть – вишка пенчень 1/3 пелькс. Викториятнень каямс ваканс ды почодома 500 граммат сахарсо, кадомс 2-3 часос. Мейле каямс эйзэнзэ кадовозь сахаронть. Путынк газ лангс пидеме ды лаказевемстэ саезь пидинк эштё 5 минутат. Мейле кадынк эштё вейке вес ды лакавтынк эштё весть лимонка марто.
…ды апак пиде
Зняро жо викториятнень лангс каямс сахар ды кадомс 12 часос, кадык максыть сок. Мейле эрьва чассто човорямс чинзэ перть ды меельцекс каямс 100 граммат ведь марто вишка пенч песэ лимононь кислота эли вейке лимононь сок.
Тантей пряка духовкасо
Саемс аламошка чиньжарамо ой, 500 граммат слоеной чапакс, 300 граммат викторият, 150-200 граммат сахар, 1 ал.
Теемась: формас путодо пергамент ды ваднинк ойсэ. Чапаксстонть саинк пелензэ ды явинк формаванть. Верьга путнинк ягодатнень ды почодынк малав весе сахаронть. Кадовозь чапаксонть керсинк кикскесэ ды тееде пряканть ланга кодавкс (плетёнка). Верьга ваднинк алсо ды почодынк сахарсо. Панинк духовкасо 20 минутат 200 градусонь псисэ.