Декабрянь 21-22-це читнестэ Москов ошсо ютась тиринь келень тонавтыцятнень (рузонь келеньгак) Весероссиянь XV-це мастер-класс. Пелькстамонь заочной этапсо пряст невтизь Россиянь 46 регионсто 519 тонавтыцят. Финалс тердезельть 32 ёнкссто 40 тонавтыцят.
Пелькстыцятне анокстасть презентацият, невтсть уроконь пелькст ды невтизь раськень оршамопельтнень. Тонавтыцятне пурнасть выставкат, ёвтнесть важодемасо салавачитнеде ды од ёнкстнэде. Истя жо ульнесь «Территория дискуссий: этнокультурная направленность в школьном образовании» научной кортамо.
Изницякс те покш пелькстамосонть лиссь Саранскоень 26 № лицеень эрзянь келень тонавтыцясь Александр Данильчев! Сон саизе Гран-принть. Сиянь толгинесь таго сась Мордовияв (эряви меремс, 2017 иестэ мастер-классонть Гран-принть изнякшнызе А. А. Учеваткин).
Минь пек кенярдтано Александр Алексеевичень кисэ, арсетяно тензэ кеме шумбрачи, икелев молема, тонавтомань тевсэ – паро ды покш тевть!