Августонь 5-це чистэ республикань Прявтось Артем Здунов ульнесь мероприятиятнесэ, конатне алтазельть Мордовиянь менелень ванстыцянть, иневанькс праведной воинэнть Феодор Ушаковонь канонизациянь 24-це иентень. Валске марто Кафедральной соборсонть ютавтовсь Божественной литургия, конань ветизе Саранскоень ды Мордовиянь митрополитэсь Зиновий.
Литургиясь прядовсь соборонть перька крестной ютамосонть. Апак изняво адмиралонтень кеврунгонть вакссо служавсь кенярксчинь молебен, сонзэ прядовомадо мейле путовсть цецят.
Мордовиянь Прявтось, Кафедральной соборонтень пурнавозтненень пшкадемстэ, тешкстызе, Федор Федорович Ушаков адмиралонть лемесь пингеде-пингес сермадозь минек Тиринь масторонть историяс.
Мордовиянь менелень ванстыцянть канонизациянь 24-це иентень алтазь мероприятиятне поладовить августонь 10-це чис. Кафедральной соборонть икеле важоди «На земле святого праведного воина Феодора Ушакова» регионъютконь ярмункась. Экскурсият, фильмань невтемат, культурань ды содавтомань проектт – неть ды ламо лия мероприятиятне ютавтовить неть читнестэ Мордовиянть келес.
Фототне Егор Горинэнь