Сырнень сёксь… Истямо шкасто седеесь терди велев, пирев, вирев. Те иестэ аволь ансяк эмежпиретнесэ, вирьсэяк ламо эрьва кодат васня ягодат ульнесть, мейле пангот кассть. Сынь кенярдовтыть кода ошонь, истя велень эрицятнень.
Вана Покш Березникень райононь Симкина велень эрицясь Татьяна Петровна Астайкина меельце шкастонть лоткась вирев якамо, эсензэ садпиресэ ламо эрьва кодат эмежть кастсь. Невтемакс, дураккуяронзо истят покшт те иестэ, вейке ломанентень сынь таркастосткак а сыргавтовить, куш выставкав саить.
Сюпав урожаенть пурнамодо мейле, Татьяна Петровна озась кудо икелев маней чинтень кенярдомо, кувака эрямодонзо ледстнеме. Самай сестэ мартонзо вастовинек вейсэ Симкина велень поселениянь прявтонть Любовь Ивановна Астайкина марто.
Те эрзянь авантень тедеде топодсть 80 иеть. Сонензэ поздоровт ёвтасть весе малавиксэнзэ ды содавиксэнзэ. Виде, ламот гайневтсть телефононь вельде, пандемиянь шкась эзь максо вейс пурнавомо, лембе кедензэ лепштямо. Вейке-вейкень жо те шкас сонензэ совсить паро валонь ёвтамо, ламо иес шумбрачинь арсеме. Неть поздоровтненень миньгак, «Эрзянь правда» газетань теицятне, эштё весть вейсэндявтано. Теде икеле мелень витемань валт ёвтынек социальной сеттнень вельде.
Татьяна Петровна Астайкинань эрямозо ушодовсь Ине Отечественной войнань васень иестэнть, сон чачсь 1941 иень сёксня. Тетянзо вестькак эзизе нее. Се шкастонть, кода саизь сонзэ фронтов, авазо, Мария Ивановна, самай эйсэнзэ пешксесэль. А ёвтавияк кода стакаль аванстэнь кавто вишка эйкакш марто кадовомс ськамонзо, эдь тетязо войнасто эзь велявто, кода ламот те эрзянь велестэ фронтов туицятнеяк. Настя патязо ансяк ниле иеде эйстэнзэ седе покшоль. Кавонест тейтерькатне вишка пингстэ содасызь стака важодеманть. Эрьва тевсэ, ков виест сатотсть, лездасть аваст туртов.
Тейтертненень, Настянень ды Танянень, савсь эстест эрямо ки ладямс, важодема тарка муемс.
Школанть прядомадо мейле Татьяна Астайкина (сестэ эштё Елисеева) лиссь важодеме «Путь к коммунизму» колхозов. Пек стака од тейтерькантень марявсь ракшань трямось, фермасо цёрань тевтнень топавтомась. Сестэ сон сайсь арсема – поладомс тонавтнеманть. Прядсь бухгалтерэнь курсат ды велявтсь важодеме тиринь велев. Ламо иень перть ульнесь тракторонь парконь бухгалтерэкс. Виде, сестэ техникадонть те велесэнть пек ламоль, ломантне тундосто саезь сёксес топавтсть паксянь тевть. Бухгалтерэсь тевензэ топавтсь парсте, штобу киньгак а коламс седеензэ, эрьва трудовой целковоенть пандомс шкастонзо ды алкукс топавтозь тевенть кисэ. Шкань ютазь, колхозонть каладомадо мейле, сон важодсь Симкина велень советсэ.
Теске, Симкинасо, муизе уцясканзо, од ды мазый тейтересь пек вечкевсь эсест велень од цёрантень Алексей Астайкиннэнь. Кода ней пеедькшнезь ледстни Татьяна Петровна, келя, мирденень лисинь вечкезь ды киньгак апак кунсоло. Виде, одтнэ ламо иень перть эрясть а покш кудосо, конань путызь атявтось Дмитрий Иванович ды Евдокия Петровна Астайкинтнэ. Ризксэнтень, кудазорось войнасто тиринь велев эзь велявто, маштовсь масторонть идемстэ, ятонть каршо тюремстэ. Истя, Алексей ды Татьяна Астайкинтнэ парсте витнизь кудонть, сонзэ покшолгавтызь ды малав колоньгемень иеть мартост эрясь аваст.
Татьяна Петровнань ледстнеманзо коряс, куш Евдокия Петровна аламодо кежеель, ялатеке урьванзо марто ладясть, ламо иень перть вейсэ эрясть вейке-вейкенень лездазь ды паронь арсезь.
Алексей ды Татьяна Астайкинтнэ трясть-кастсть кавто эйкакшт: Людмила ды Дмитрий. Ней уш сынст эсест семияст, эйкакшост улить ды нуцькаст. Эсь шкастонзо Алексей Дмитриевич ды Татьяна Петровна, кода уш вере ледстинек, васня эстест кудонть покшолгавтызь, мейле шабрацек Дмитрий цёраст туртов строясть-тейсть.
Виде, те аванть эрямосо аволь весемесь валаняль, маряви, эрямось варчнесь эйсэнзэ нардевчис.
Колоньгемень иеде икеле стака ормадо кулось урьваст, нуцькантень ульнесь ие ды 2 ковт. Самай се шкасто Татьяна Петровна сайсь эсь лангозонзо покштояк покш тев, трямс-кастомс, ловт, ансяк чачозенть. Те авась весе виензэ ды содамочинзэ путынзе цёранстэнь лездамсто, нуцьканзо кастомсто. Сынь весе вейсэ трясть-кастсть алкуксонь цёра, кие школасо тонавтнесь ансяк «ветес». Макссть тензэ образования, кеместэ стявтызь пильге лангс. Те эли аволь подвиг?! Паряк, кияк мери, эдь эсест нуцькась, кода лиякс теемс. Виде, эсест! Ансяк неень шкане тетянь-авань пингстэяк зяро эйкакшт максыть эйдень кудов, приютов. Астайкинтнэ жо истя эзть тее…
Текенень поладсынек, Людмила тейтерезэ тонавтнесь Н.П. Огарёв лемсэ Мордовской государственной университетсэ. Вейксэньгеменце иетнестэ кундась предпринимателень а шожда тевентень. Юткошкасто содавтни тиринь велензэ, вечкевикс аванзо.
Ней Татьяна Петровнань покш мельспарозо – колмо нуцьканзо ды нуцькань вейке эйкакшозо. Кемтяно, Пазось максы тензэ кувака пинге, уцяска ды ламо вийть мазыйстэ ютавтомс сыречинзэ.
Валентина Юдина
Сюпав урожаенть пурнамодо мейле, Татьяна Петровна озась кудо икелев маней чинтень кенярдомо, кувака эрямодонзо ледстнеме. Самай сестэ мартонзо вастовинек вейсэ Симкина велень поселениянь прявтонть Любовь Ивановна Астайкина марто.
Те эрзянь авантень тедеде топодсть 80 иеть. Сонензэ поздоровт ёвтасть весе малавиксэнзэ ды содавиксэнзэ. Виде, ламот гайневтсть телефононь вельде, пандемиянь шкась эзь максо вейс пурнавомо, лембе кедензэ лепштямо. Вейке-вейкень жо те шкас сонензэ совсить паро валонь ёвтамо, ламо иес шумбрачинь арсеме. Неть поздоровтненень миньгак, «Эрзянь правда» газетань теицятне, эштё весть вейсэндявтано. Теде икеле мелень витемань валт ёвтынек социальной сеттнень вельде.
Татьяна Петровна Астайкинань эрямозо ушодовсь Ине Отечественной войнань васень иестэнть, сон чачсь 1941 иень сёксня. Тетянзо вестькак эзизе нее. Се шкастонть, кода саизь сонзэ фронтов, авазо, Мария Ивановна, самай эйсэнзэ пешксесэль. А ёвтавияк кода стакаль аванстэнь кавто вишка эйкакш марто кадовомс ськамонзо, эдь тетязо войнасто эзь велявто, кода ламот те эрзянь велестэ фронтов туицятнеяк. Настя патязо ансяк ниле иеде эйстэнзэ седе покшоль. Кавонест тейтерькатне вишка пингстэ содасызь стака важодеманть. Эрьва тевсэ, ков виест сатотсть, лездасть аваст туртов.
Тейтертненень, Настянень ды Танянень, савсь эстест эрямо ки ладямс, важодема тарка муемс.
Школанть прядомадо мейле Татьяна Астайкина (сестэ эштё Елисеева) лиссь важодеме «Путь к коммунизму» колхозов. Пек стака од тейтерькантень марявсь ракшань трямось, фермасо цёрань тевтнень топавтомась. Сестэ сон сайсь арсема – поладомс тонавтнеманть. Прядсь бухгалтерэнь курсат ды велявтсь важодеме тиринь велев. Ламо иень перть ульнесь тракторонь парконь бухгалтерэкс. Виде, сестэ техникадонть те велесэнть пек ламоль, ломантне тундосто саезь сёксес топавтсть паксянь тевть. Бухгалтерэсь тевензэ топавтсь парсте, штобу киньгак а коламс седеензэ, эрьва трудовой целковоенть пандомс шкастонзо ды алкукс топавтозь тевенть кисэ. Шкань ютазь, колхозонть каладомадо мейле, сон важодсь Симкина велень советсэ.
Теске, Симкинасо, муизе уцясканзо, од ды мазый тейтересь пек вечкевсь эсест велень од цёрантень Алексей Астайкиннэнь. Кода ней пеедькшнезь ледстни Татьяна Петровна, келя, мирденень лисинь вечкезь ды киньгак апак кунсоло. Виде, одтнэ ламо иень перть эрясть а покш кудосо, конань путызь атявтось Дмитрий Иванович ды Евдокия Петровна Астайкинтнэ. Ризксэнтень, кудазорось войнасто тиринь велев эзь велявто, маштовсь масторонть идемстэ, ятонть каршо тюремстэ. Истя, Алексей ды Татьяна Астайкинтнэ парсте витнизь кудонть, сонзэ покшолгавтызь ды малав колоньгемень иеть мартост эрясь аваст.
Татьяна Петровнань ледстнеманзо коряс, куш Евдокия Петровна аламодо кежеель, ялатеке урьванзо марто ладясть, ламо иень перть вейсэ эрясть вейке-вейкенень лездазь ды паронь арсезь.
Алексей ды Татьяна Астайкинтнэ трясть-кастсть кавто эйкакшт: Людмила ды Дмитрий. Ней уш сынст эсест семияст, эйкакшост улить ды нуцькаст. Эсь шкастонзо Алексей Дмитриевич ды Татьяна Петровна, кода уш вере ледстинек, васня эстест кудонть покшолгавтызь, мейле шабрацек Дмитрий цёраст туртов строясть-тейсть.
Виде, те аванть эрямосо аволь весемесь валаняль, маряви, эрямось варчнесь эйсэнзэ нардевчис.
Колоньгемень иеде икеле стака ормадо кулось урьваст, нуцькантень ульнесь ие ды 2 ковт. Самай се шкасто Татьяна Петровна сайсь эсь лангозонзо покштояк покш тев, трямс-кастомс, ловт, ансяк чачозенть. Те авась весе виензэ ды содамочинзэ путынзе цёранстэнь лездамсто, нуцьканзо кастомсто. Сынь весе вейсэ трясть-кастсть алкуксонь цёра, кие школасо тонавтнесь ансяк «ветес». Макссть тензэ образования, кеместэ стявтызь пильге лангс. Те эли аволь подвиг?! Паряк, кияк мери, эдь эсест нуцькась, кода лиякс теемс. Виде, эсест! Ансяк неень шкане тетянь-авань пингстэяк зяро эйкакшт максыть эйдень кудов, приютов. Астайкинтнэ жо истя эзть тее…
Текенень поладсынек, Людмила тейтерезэ тонавтнесь Н.П. Огарёв лемсэ Мордовской государственной университетсэ. Вейксэньгеменце иетнестэ кундась предпринимателень а шожда тевентень. Юткошкасто содавтни тиринь велензэ, вечкевикс аванзо.
Ней Татьяна Петровнань покш мельспарозо – колмо нуцьканзо ды нуцькань вейке эйкакшозо. Кемтяно, Пазось максы тензэ кувака пинге, уцяска ды ламо вийть мазыйстэ ютавтомс сыречинзэ.
Валентина Юдина