Аволь умок минек республикась вейсэндявсь «Утиная территория» акциянтень. Сон ютавтовсь Кочкуровань районсо. Эйсэнзэ примасть участия сядодо ламо ломанть.
Сынст юткс совасть Мордовия Республикань Вирень, охотямонь ды природопользованиянь министерствань, Кочкуровань муниципальной райононь администрациянь представительтне, «Саранское территориальное лесничество» МР-нь ГУК-нь, Кочкуровань участковой лесничествань важодицятне, экологиянь организациятнес совицятне, ламо эйкакшонь триця ды специальной военной операциянь семиятнестэ эйкакштне.
Акциянть ушодовомсто пурнавозтненень пшкадсь МР-нь вирень, охотямонь хозяйствань ды природопользованиянь министрась Адель Галиуллин.
– Течинь паро тевесь лезды нармунтнень ванстомантень, ракшань мирэнть сюпалгавтомантень, – мерсь сон.
Те чистэнть Кочкуровань райононь Глухое эрькентень нолдазельть 200 вишкине яксяргинеть. Республикань лия эрькетнес эштё 100 яксяргот. Весе нармунтне тонавтозь ськамост эрямо, эсь пряст трямо. Тей сынст аволь умок пачтизь Тамбов ошонь питомникстэ.
Кочкуровань райононь «Сабаевская СОШ» МБОУ-нтень совиця «Сосёнки» школьной лесничествань прявтонть Валентина Нуштайкинань пачтямонзо коряс, сынь «Саранское территориальное лесничество» МР-нь ГКУ-нь Кочкуровань участковой лесничествань лесничеенть Василий Русяйкин марто те акциянть ютавтомадо икеле ветясть вейсэнь важодема эйкакштнень марто. Васняяк, «Сосёнки» школань лесничествантень совиця эйкакштненень ёвтнесть, кодашка лезэ те акциясь максы пертьпельксэнтень ды весе эрицятненень.
Те чистэнть «Утиная территория» акциянть ютавтомсто Кочкуровань райононь Глухое эрькентень якасть вере ледстязь школань сехте эрязатне. Неть 11-це классонь тонавтницятне Артём Куприянов ды Дмитрий Пищин, 8-це классто – Егор Кожеваткин, Иван Итяйкин, Олег Квартальнов, Арина Филатова, Александра Костяева. Сехте вишкинесь – Софья Кожеваткина – те иестэ карми тонавтнеме 4-це классо.
Тешкстасынек, «Сосёнки» школань лесничествань Сурвелень средней школань тонавтницятне сеедьстэ лиснить изницякс эрьва кодат пелькстамотнесэ, конат алтавить пертьпельксэнь ванстомантень, идем ракшатнень ды нармунтнень ламолгавтомантень.
Вана нейгак «Сосёнки» школьной лесничествантень максозель диплом Мордовия Республикань биологической ресурстнэнь ламолгавтоманть кисэ. Эйкакштнень казинзе вирень, охотямонь хозяйствань ды природопользованиянь министрась Адель Галиуллин.
Неть эйкакштнень, пертьпельксэнь вечкицятнень, тевест а маштнить сёксень, тундонь ды кизэнь каникулатнестэяк. Кода тенек пачтясь Валентина Никитична, кизэнь шкасто сеедьстэ сыненст вейсэндявкшныть сеть эйкакштне, кить сыть ошсто велев каникуласт ютавтомо.
Неень шкасто велень школасо тонавтницятнень аламолгадомаст лангс апак вано, «Сосёнки» лесничествас совить 25–30 эйкакшт. Неть 7–11-це класстнэсэ тонавтницятне. Ламот юткстост эрямост арсить сюлмамс экологиянь коряс кевкстематнень марто.
Школасо ютавтовиця экологиянь коряс мероприятиятнес тердевить весе, кинь ули мелезэ невтемс ёрокчинзэ. Кемеви, истят эйкакштне, кить школасо тонавтнемстэ явить покш мель экологиянь кевкстематненень, касозьгак, а кармить кандомо зыян пертьпельксэнтень. Сынь эштё вишкинестэ тонадыть идем ракшатнень ды нармунтнень ванстомо, чуросто вастневиця тикшетнень-цецятнень мельга якамо.
Валентина ЮДИНА
Акциянть ушодовомсто пурнавозтненень пшкадсь МР-нь вирень, охотямонь хозяйствань ды природопользованиянь министрась Адель Галиуллин.
– Течинь паро тевесь лезды нармунтнень ванстомантень, ракшань мирэнть сюпалгавтомантень, – мерсь сон.
Те чистэнть Кочкуровань райононь Глухое эрькентень нолдазельть 200 вишкине яксяргинеть. Республикань лия эрькетнес эштё 100 яксяргот. Весе нармунтне тонавтозь ськамост эрямо, эсь пряст трямо. Тей сынст аволь умок пачтизь Тамбов ошонь питомникстэ.
Кочкуровань райононь «Сабаевская СОШ» МБОУ-нтень совиця «Сосёнки» школьной лесничествань прявтонть Валентина Нуштайкинань пачтямонзо коряс, сынь «Саранское территориальное лесничество» МР-нь ГКУ-нь Кочкуровань участковой лесничествань лесничеенть Василий Русяйкин марто те акциянть ютавтомадо икеле ветясть вейсэнь важодема эйкакштнень марто. Васняяк, «Сосёнки» школань лесничествантень совиця эйкакштненень ёвтнесть, кодашка лезэ те акциясь максы пертьпельксэнтень ды весе эрицятненень.
Те чистэнть «Утиная территория» акциянть ютавтомсто Кочкуровань райононь Глухое эрькентень якасть вере ледстязь школань сехте эрязатне. Неть 11-це классонь тонавтницятне Артём Куприянов ды Дмитрий Пищин, 8-це классто – Егор Кожеваткин, Иван Итяйкин, Олег Квартальнов, Арина Филатова, Александра Костяева. Сехте вишкинесь – Софья Кожеваткина – те иестэ карми тонавтнеме 4-це классо.
Тешкстасынек, «Сосёнки» школань лесничествань Сурвелень средней школань тонавтницятне сеедьстэ лиснить изницякс эрьва кодат пелькстамотнесэ, конат алтавить пертьпельксэнь ванстомантень, идем ракшатнень ды нармунтнень ламолгавтомантень.
Вана нейгак «Сосёнки» школьной лесничествантень максозель диплом Мордовия Республикань биологической ресурстнэнь ламолгавтоманть кисэ. Эйкакштнень казинзе вирень, охотямонь хозяйствань ды природопользованиянь министрась Адель Галиуллин.
Неть эйкакштнень, пертьпельксэнь вечкицятнень, тевест а маштнить сёксень, тундонь ды кизэнь каникулатнестэяк. Кода тенек пачтясь Валентина Никитична, кизэнь шкасто сеедьстэ сыненст вейсэндявкшныть сеть эйкакштне, кить сыть ошсто велев каникуласт ютавтомо.
Неень шкасто велень школасо тонавтницятнень аламолгадомаст лангс апак вано, «Сосёнки» лесничествас совить 25–30 эйкакшт. Неть 7–11-це класстнэсэ тонавтницятне. Ламот юткстост эрямост арсить сюлмамс экологиянь коряс кевкстематнень марто.
Школасо ютавтовиця экологиянь коряс мероприятиятнес тердевить весе, кинь ули мелезэ невтемс ёрокчинзэ. Кемеви, истят эйкакштне, кить школасо тонавтнемстэ явить покш мель экологиянь кевкстематненень, касозьгак, а кармить кандомо зыян пертьпельксэнтень. Сынь эштё вишкинестэ тонадыть идем ракшатнень ды нармунтнень ванстомо, чуросто вастневиця тикшетнень-цецятнень мельга якамо.
Валентина ЮДИНА