Вай, мекс-бути таго удомась а педи. «Те, паряк, сыречись сась!» Истя потмован пейдян эсь прям лангсо. Веньберть аудомась ков ансяк а пачтятанзат! Те вестэнть пачкодинь Вере Чукало велев, Чукалишкав, истя эсест велинест эйстэ мерить тосонь эрицятне, конась Отяжелень районсо.
Мекс-бути апаро кармась сень кувалма, те велинесь ёмамо лангсо. Кадык сон аволь тиринь велем, ансяк мон сонзэ карминь вечкеме кода тиринсенть, оймем та-кода сеске педясь эйзэнзэ. Паряк, секс, тесэ монь вастымизь пек лембестэ. Эдь мартонзо эрямом сюлмавозь уш 33 иеть.
Нейгак мельсэнь кирдян 1989 иень кизэнть, зярдо лисинь мирденень те велестэ цёра экшс. Тетязо-авазо вастымизь теке тиринь тейтерекс. Атявтом, Николай Филиппович, ды ававтом, Анна Клементьевна, ульнесть паро ломанекс, важодемань вечкицякс. Ававтом важодсь фермасо, атявтом – трактористэкс. Эсест кудоютксояк трясть пек ламо ракшат. Ламо лездасть миненек, эйкакштненень. Монень макссть пек ламо седейлембе. Тень кисэ покш сюкпря тенст ёвтан. Секс те шкас эйсэст ледстнян ансяк паро валсо. Ризксэнтень, сынь ней уш арасть ютксонок.
Велинесь а покшке, ашти мазый таркасо, чувто потсо. Тунда теке одирьва наряжи ашо оршамопельсэ, кизна – пиже парсеень, сёксня жо оршни эрьва кодамо тюсонь оршамосо: ожо, пиже, якстере... Эрьва кудонть удало покш умарьпиреть. Овсе пиретнень удалга эсь ведензэ канды Нуя леесь. Кудотне весе парт, кудовальмалкстнэ ванськавтозь, эмежпиретнеяк покшт, ванькст. Тосо кастыть эрьва кодат эмежть. Кудотнень лангс ванозь, маряви, сынь мизолдыть, кецнить эрьва ломанентень. Неяви, эрьва кудосонть эрить алкуксонь азорт.
Эрицятнеде се шкастонть тосо ульнесть 150 ламо. Ульнесть скалонь ды тувонь фермат, косо важодсть велень эрицятне, медпункт, лавка. Школав якиця эйкакшткак эштё ульнесть. Нама, сынь тонавтнеме яксесть шабра Низовкав. Эрямось те велинесэнть лаказь лакась.
Виде, те велинесэнть ульнесь ды кадовсь пек покш асатыкс, арась паро ки. Тельня самсто ванылинек менельс – илязо туе лов, кизна жо – пиземе. Бути туиль пиземе эли лов, мерть, а туеват ошов. Улема, те тувталонть кувалма велинесь чамськак.
Вана ютасть колоньгемень колмо иеть ды те велесэнть кадовсть ансяк кемгавтово эрицят. Сехте одонтень – 58 иеть, сырентень – 95. Велинесь аволь эри, типельди. Ней тосо лавкаяк арась, медпункткак. Лия инфраструктурадо жо кортамскак а мезть. Ютат велеванть ды седееть валови верьсэ. Сень лангс апак вано, кудотнень перька тикшесь весе леднезь, урядазь, кудотне жо чавот. Совак куш кона кудонтень, потмось ванькс, весе аштить таркаваст, маряви, азорось ков-бути аламошкас лиссь…
Ансяк иезэнзэ весть, Троицянь чистэ, велесь пешкеди ломанде. Те чистэнть эрьва ёндо, теке нармунть, ливтить тиринь кудозост эйкакштне. Эрьва кудостонть марявить кортамот, ракамот, морамот, гармониянь седямот. Оймесь тенень кецни, маряви, тетянок-аванокак ютксонок.
Ды, те ансяк вейке чи… Ды таго весе пурныть килангов, эсест пизэва. Кудотне жо, маряви, нуваргадыть, вальматне, мерят, теке ломанень сельмть, ваныть лангозот нусманясто, теке кортыть: «Илядо туе, илямизь кадо!» Ансяк мезеяк а теят, эрьванть эсензэ эрямозо.
А зяро истят, Чукалишкань кондят велеть ёмамо лангсо Мордовиянь келес, ды аволь ансяк Мордовиянть, Россиянь келескак, а лововить! А зяро уш ёмасть допрок?.. Тень кувалма пек нусманя!
Мария Яксяргина
Нейгак мельсэнь кирдян 1989 иень кизэнть, зярдо лисинь мирденень те велестэ цёра экшс. Тетязо-авазо вастымизь теке тиринь тейтерекс. Атявтом, Николай Филиппович, ды ававтом, Анна Клементьевна, ульнесть паро ломанекс, важодемань вечкицякс. Ававтом важодсь фермасо, атявтом – трактористэкс. Эсест кудоютксояк трясть пек ламо ракшат. Ламо лездасть миненек, эйкакштненень. Монень макссть пек ламо седейлембе. Тень кисэ покш сюкпря тенст ёвтан. Секс те шкас эйсэст ледстнян ансяк паро валсо. Ризксэнтень, сынь ней уш арасть ютксонок.
Велинесь а покшке, ашти мазый таркасо, чувто потсо. Тунда теке одирьва наряжи ашо оршамопельсэ, кизна – пиже парсеень, сёксня жо оршни эрьва кодамо тюсонь оршамосо: ожо, пиже, якстере... Эрьва кудонть удало покш умарьпиреть. Овсе пиретнень удалга эсь ведензэ канды Нуя леесь. Кудотне весе парт, кудовальмалкстнэ ванськавтозь, эмежпиретнеяк покшт, ванькст. Тосо кастыть эрьва кодат эмежть. Кудотнень лангс ванозь, маряви, сынь мизолдыть, кецнить эрьва ломанентень. Неяви, эрьва кудосонть эрить алкуксонь азорт.
Эрицятнеде се шкастонть тосо ульнесть 150 ламо. Ульнесть скалонь ды тувонь фермат, косо важодсть велень эрицятне, медпункт, лавка. Школав якиця эйкакшткак эштё ульнесть. Нама, сынь тонавтнеме яксесть шабра Низовкав. Эрямось те велинесэнть лаказь лакась.
Виде, те велинесэнть ульнесь ды кадовсь пек покш асатыкс, арась паро ки. Тельня самсто ванылинек менельс – илязо туе лов, кизна жо – пиземе. Бути туиль пиземе эли лов, мерть, а туеват ошов. Улема, те тувталонть кувалма велинесь чамськак.
Вана ютасть колоньгемень колмо иеть ды те велесэнть кадовсть ансяк кемгавтово эрицят. Сехте одонтень – 58 иеть, сырентень – 95. Велинесь аволь эри, типельди. Ней тосо лавкаяк арась, медпункткак. Лия инфраструктурадо жо кортамскак а мезть. Ютат велеванть ды седееть валови верьсэ. Сень лангс апак вано, кудотнень перька тикшесь весе леднезь, урядазь, кудотне жо чавот. Совак куш кона кудонтень, потмось ванькс, весе аштить таркаваст, маряви, азорось ков-бути аламошкас лиссь…
Ансяк иезэнзэ весть, Троицянь чистэ, велесь пешкеди ломанде. Те чистэнть эрьва ёндо, теке нармунть, ливтить тиринь кудозост эйкакштне. Эрьва кудостонть марявить кортамот, ракамот, морамот, гармониянь седямот. Оймесь тенень кецни, маряви, тетянок-аванокак ютксонок.
Ды, те ансяк вейке чи… Ды таго весе пурныть килангов, эсест пизэва. Кудотне жо, маряви, нуваргадыть, вальматне, мерят, теке ломанень сельмть, ваныть лангозот нусманясто, теке кортыть: «Илядо туе, илямизь кадо!» Ансяк мезеяк а теят, эрьванть эсензэ эрямозо.
А зяро истят, Чукалишкань кондят велеть ёмамо лангсо Мордовиянь келес, ды аволь ансяк Мордовиянть, Россиянь келескак, а лововить! А зяро уш ёмасть допрок?.. Тень кувалма пек нусманя!
Мария Яксяргина