Саранскоень Эйкакшонь республиканской клинической больницясонть панжовсь Лука святителенть лемсэ ловномань нупаль. Тесэ эйдетнень туртов улить сядодо ламо книгат. Сынст максызь Россиянь книгань союзось ды «Добрые сказки» издательствась. Книгатнень ютксо улить ёвкст, конатнень сёрмадынзе содавикс писательницась Елена Велена.
– Монь ниле эйкакшон. Сыненст пек тукшнось мельс кунсоломс ёвкстнэнь, конатнень ёвтнилинь тенст мадемадо икеле. Шкань ютазь сынь мельс – сёрмадомс сынст конёв лангс, – ёвтнесь эйкакшонь писательницась, Россиянь Писателень союзонтень совицясь Елена Велена, – теде мейле ламо иень ютазь мон нолдакшныя васенце книгам.
Тешкстама, ёвксонь сёрмадыцясь ульнесь ловномань нупалень панжомасонть.
Эйкакшонь больницянь врачтне кемевтить, книгатне кармить лездамо эйдетненень седе эрязасто изнямс орматнень. Истят нупальть панжовить лия больницятнесэяк.
Ловномань нупалень панжомань проектэсь эрямос совавтови МР-нь Прявтонть Артём Здуновонь кармавтоманзо коряс.