Пятница, февраля 07, 2025
Важное

Лембе оршамопельть, ярсамопельть ды весе эрявиксэнть Мордовиянь эрицятне пурнызь тиринь ёнксонь ванстыцятнень туртов. Курской областев гуманитарной лезксэнть кучомга лездасть СВО-нь ветерантнэяк.

 «Мордовия Республикань Прявтонть Артём Здуновонь кармавтоманзо коряс кучозельть стройматериалт, кекшемань алтымат, ярсамо- ды лембе оршамопельть. Весемесь пурназель Мордовиянь эрицятнень ёндо седейлембень путозь. Гуманитарной лезкс марто вейке машинанть килангов анокстызе МР-нь Специальной военной операциянь ветеранонь ассоциациясь. Эряви меремс, вейке покш сталмонь автомобиленть руль экшсэ карми СВО-нь действующей участникесь. Килангов туемадо икеле машинатнень светинзе Саранской епархиянь протоиереесь Владимир Самарин», – тешкстызе «Российский фонд мира» Мордовской республиканской отделениянь правлениянь председателесь Ольга Филёткина.
 

«Течи минь кучинек 10 тоннат гуманитарной лезкс Курской областев. Лембе, паро валт ёвтама Мордовиянь Прявтонтень Артём Здуновнень, республикань весе эрицятненень, общественной ды волонтёронь организациятненень, МР-ва Внутренней тевень коряс министерствань ды МЧС-нь прявттнэнень. Весенень – покш сюкпря лезксэнть кис!» – мерсь МР-нь Специальной военной операциянь ветеранонь ассоциациянь Координационной советэнь председателесь, «Эрзя» позывной марто боевой действиянь ветеранось, «Барс» отрядонь доброволецэсь Юрий Полобичев.

 

Курской областев гуманитарной лезкс марто машинатнень ильтинзе СВО-нь ветеранось, МР-нь Специальной военной операциянь ветеранонь ассоциациянь участникесь Сергей Пронькин.
«Тиринь ёнксонь, тылэнь лезксэсь пек эряви боецтнэнь туртов. Зярдо монсь ульнинь передовойсэ ды зярдо ялган марто вастылинек Мордовиясто гуманитарной лезкс марто эрьва машинанть, сестэ свал марилинек седейлембенть ды мелявксонть минек земляктнень, малавиксэнек ёндо. Сеть шкатнестэ, прок мерят, ульнинек теке тиринь кудосо», – тешкстызе Сергей Пронькин.

О ГАЗЕТЕ "ЭРЗЯНЬ ПРАВДА"

Газета Эрзянь правда в настоящее время издается один раз в неделю на 16 страницах, четыре из них в цвете. Газета широко отражает вопросы общественно-политической, социально-экономической, культурной и духовной жизни республики, публикует международную информацию. «Эрзянь правда» распространяется в Оренбургской, Пензенской, Самарской, Ульяновской, Нижегородской областях, в республиках Татарстан, Чувашия, Башкортостан. Вместе с тем, для эрзян России вот уже не один год успешно функционирует электронная версия газеты, которую можно в настоящее время читать в Интернете. В этом большая заслуга всего редакционного коллектива газеты «Эрзянь правда».