«Солнечная Мордовия» эйкакшонь лагерьсэнть ютась мельстуиця вастовома: эйкакштнень марто кортась специальной военной операциянь ветеранось Роман Барсуков. Мероприятиясь ютавтовсь МР-ва «Защитники Отечества» государственной фондонь филиалонть лезксэнзэ вельде.

Роман Барсуков – офицер. Лавтовонзо удало 18 иеть служба Мордовиянь МВД-нь уголовной розысксэ, ниле командировкат Северной Кавказов ды полициянь майор званиясь. Васенцеде СВО-нь таркатнес командировкав сон якась 2022 иестэ, 2023 иень сентябрясто фронтов тусь эсь олясо. Воинской долгонть топавтсь сехте зыянов таркатнесэ – Бахмутовской енкссонть, ульнесь парашютно-десантной взводонь командирэкс. 2024 иень июнень 7-це чистэ Барсуков гвардиянь старшей лейтенантось стакасто ранязель. Эсь подвигенть кис казезь Суворовонь ды «Участнику СВО» медальтнесэ.
«Эрявикстэнть кортамотнень» шкасто офицерэсь евтнесь эйкакштненень Россиянь боецтнэнь апелемачиденть ды башка тешкстызе, кода эрявикст солдаттнэнь туртов эйкакштнень сермаст. «Тынк лембе пачтямонк боецтнэ путыльть походной кескавтнес ды кандыльть весе фронтканть. Тынк кирдеманть пек покш смустезэ: тынь – минек вишка геройтне! Сермадодо седе сеедьстэ!» – мерсь ветеранось.
Эйкакштне кевкстнесть ульнесь-арась пелема, стакачитнеде, подвигтнеде. «Эрьва чистэ фронтсо эрьва боецэсь теи подвиг. Тюрематне – те пек стака важодема. Ансяк тосо те робота. Ды подвигтнень кияк а лови», – мерсь Роман Барсуков.
Фотось «Защитники Отечества» фондонть.