Четверг, марта 28, 2024
Важное
Цивтёрдыця, валдо янтарень тюсонь ягоданзо ве ёндо «пицить» ломанень сельмть. Кода ютамс вакска, а варштамс ды а кецямс те сырнень тюсонь ягодатнень марто чувтонть лангс, кода а варчамс сонзэ сёксень кенерезь ягодатнень.

Минек Россиясо облепихань ягодатнень ламот вечксызь. Эрьва сёксня эйсэст кочкить, теленень теить компотт, пидить вареният. Кортыть, облепихань ягодатнень покш лезэст шумбрачинть витемасонть.
Италиясо жо ломантне облепихань чиненть ды танстенть а вечксызь. Теньсэ сынь пек манявить, эдь облепихань ягодатне пек лезэвть ламо ормадо.

Вана кода ёвтни облепиханть лезэвчидензэ врачось-терапевтэсь Тамара Вершинина: «Облепихась – пек лезэв ломантнень туртов ягода, сонзэ эйсэ сехте ламо С витаминдэнть, кона кемексты иммунитетэнть, вити ды виевгавты шумбрачинть.

Истя жо те ризаня-ламбамо ягодасонть улить Е ды В группань витаминт, конатне кандыть лезэ седеенть туртов, эштё эйсэнзэ улить магний, калий, фосфор, кальций. Облепихась лезды кемекстамс, виевгавтомс верень сантнэнь, сонзэ эйсэ улить антиоксидантонь ды ламо противовоспалительной ёнкст. Облепихасто теезь оесь парсте лезды пицевемадо ды сыявкстнэнь пичксевтемстэ. Ярсадо те сырнень тюсонь лезэв ягодатнеде, сынь ансяк седеяк паролгавтсызь ды витьсызь шумбрачинк!»

Нама, а стяко Россиясо ламот вечксызь облепиханть, теить эйстэнзэ тантей симемапельть, морст, компотт, облепихань ой, пидить эрьва кодат вареният ды кельмевтить морозильной камерасо. Алкукскак, кода вечкеви, зярдо телень якшамо ды даволов читнестэ таргасынек те ожо тюсонь варениянть ды карматано чайде симеме – паролгавтомо ды витеме эсенек шумбрачинек.

Мила Богатова
 

О ГАЗЕТЕ "ЭРЗЯНЬ ПРАВДА"

Газета Эрзянь правда в настоящее время издается один раз в неделю на 16 страницах, четыре из них в цвете. Газета широко отражает вопросы общественно-политической, социально-экономической, культурной и духовной жизни республики, публикует международную информацию. «Эрзянь правда» распространяется в Оренбургской, Пензенской, Самарской, Ульяновской, Нижегородской областях, в республиках Татарстан, Чувашия, Башкортостан. Вместе с тем, для эрзян России вот уже не один год успешно функционирует электронная версия газеты, которую можно в настоящее время читать в Интернете. В этом большая заслуга всего редакционного коллектива газеты «Эрзянь правда».