Пятница, августа 14, 2020
Важное

 

Николай Андреевич Кручинкин, «1941-1945 иетнень  войнань ды трудоньподвигень мемориальной музеень МУК-нь прявтось, «Поиск» патриотической вейсэндявксонь прявтось:

– Курок юты РФ-нь Конституцияс полавтоматнень совавтомаст коряс вайгелень максомась. Эрьвась юткстонок яволявтсы эсензэ мелензэ. Кавтолдоматнень таркас, койсэнь, эряви молемс ды максомс вайгелесь. Ледстяса, неень шкань основной документэсь кемекстазь умок. Сестэ шкась ульнесь лия, тевтнеяк ютасть а истя, кода ней. Сеть условиятнень пингстэ сон вадря ульнесь, ансяк эрямозонок совавтовсть ламо полавтомат.

 Основной закононтень ламо полавтоматне, койсэнь, видеть. Куш саемс зарплатанть покшолгавтоманть, надбавкатнень максоманть. Неень шкане, бути ярмакт лишнойть арасть, ули ки сонзэ а кастомс. Бути те кевкстемась кемекстави РФ-нь Конституциясо – сонзэ топавтома.

Течи масторлангонь эрицятнень пек талновты пертьпельксэнть ваньксчизэ, экологиянь кевкстематне. Невтемакс, кода эйкакштненень лезксэнь максомась ды сынст марто сюлмазь лия тевтненень мелень явомась   – течи минек васень тевенек. Теньсэ сехте эрявиксэсь – кемекстамотне тенек эрявить аволь ансяк течи, истя жо ламо кементь иеть. Васняяк минек эйкакштненень, нуцькатненень.

Конституциянтень совавтозь полавтоматне токить эрямонь малав весе ёнкстнэнь, штобу сон улевель кеме, домка ды сатоволь ламо иес. Кемекстазесь совавтоволь эрямос.

Эште ули мелем ёвтамс РФ-нь Президентэнь кочкамонь шканть (сроконть) коряс, сонзэ перька течи ламо эрьва кодат мельть марятано.

Тень коряс арсян истя, саемс кодамояк покш предприятия эли министерства, косо важодицятнеде пек ламо. Прявтось канды покш ответственность весень кисэ. Сонензэ эрявить домка содамочить, весень марто важодеме маштомачи. Неть ды лия обуцянь ёнкстнэнь пурнамга, эряви ламо шка, штобу те эли тона ломанесь улевель анок топавтомс истямо покш тевенть. Текенень поладан, масторонь прявтонть аволь ладямо кармить, сонзэ минь карматано кочкамо вайгелень максозь. Аволь вейке кандидатонь лем  ёвтави ды минек эйстэ ашти, кинь кисэ макссынек вайгеленек. Невтемакс, дивизиянь прявтонть анокстамс эрявить 8-10 иеть, а кода кортамось юты масторонь прявтонть коряс, сестэ ков седе ламо шка эряви. Вийсэ кияк а кармавтови те эли тона тевенть топавтомо, эрьванть эсензэ олязо, эсензэ мелезэ.

О ГАЗЕТЕ "ЭРЗЯНЬ ПРАВДА"

Газета Эрзянь правда в настоящее время издается один раз в неделю на 16 страницах, четыре из них в цвете. Газета широко отражает вопросы общественно-политической, социально-экономической, культурной и духовной жизни республики, публикует международную информацию. «Эрзянь правда» распространяется в Оренбургской, Пензенской, Самарской, Ульяновской, Нижегородской областях, в республиках Татарстан, Чувашия, Башкортостан. Вместе с тем, для эрзян России вот уже не один год успешно функционирует электронная версия газеты, которую можно в настоящее время читать в Интернете. В этом большая заслуга всего редакционного коллектива газеты «Эрзянь правда».