Понедельник, апреля 19, 2021
Важное

Неть читнестэ Мордовиянь Пресс-центрасо пурназель вастовома, кона алтавсь Мордовиянь М.Е. Евсевьев лемсэ государственной педагогической университетс 2021 иестэнть примамонь кампаниянь кевкстематненень.



Вастовомасонть ульнесть М.Е. Евсевьев лемсэ МГПУ-нь ректорось Марина Антонова, научной тевень коряс проректорось Татьяна Шукшина, тонавтнемань тевень коряс проректорось Светлана Мумряева, ресурстнэнь ветямонь коряс проректорось Дмитрий Таракин, примамонь комиссиянь ответственной секретаресь Ольга Терешкина.
Мероприятиянть юрсо тешкстазель, примамонь кампаниясь ушодови аштемковонь 19-це чистэ. Арсеви, абитуриенттнэнень эсь документтнэнь мереви кандомс эстест, кучомс почтанть вельде ды истя жо вузонь электронной систематнень ды Госуслугань порталонть вельде.

Те иестэнть явовить 900 таркат (575 бюджетэнь) бакалавриатонь ёнксонь тонавтницятненень, 196 таркат – магистратурань, 155 таркат – средней профессиональной тонавтнемань программатнень лангс. Теде башка, вузсонть ветяви примамо коммерческой ёнксонть коряскак, саевить весе, кинь ули мелезэ тонавтнемс. СПО-нть юрсо панжозь од специальность – дополнительной тонавтнемань педагогика.
Кода тешкстызе Марина Антонова, вузось панжи од специальность, штобу эрявикс специалистсэ топавтомс тонавтнемань од ёнкстнэнь, истятнэнь, кода «Точка роста», «Кванториумт», эйкакштнень цифровой тонавтнемань курот («IT-куб») ды лият, косо эрявить тевень содыця педагогт.

Теде башка, поладови роботась школатнень, седе пек веленсетнень, педагогической кадрасо топавтоманть коряс. Тень туртов вузсонть ветяви важодема целевой тонавтнеманть коряс. Сы шкань тонавтыцятне весе практикатнень ютасызь се школасонть, косо седе тов кармить роботамо.

Юлия Еремина

О ГАЗЕТЕ "ЭРЗЯНЬ ПРАВДА"

Газета Эрзянь правда в настоящее время издается один раз в неделю на 16 страницах, четыре из них в цвете. Газета широко отражает вопросы общественно-политической, социально-экономической, культурной и духовной жизни республики, публикует международную информацию. «Эрзянь правда» распространяется в Оренбургской, Пензенской, Самарской, Ульяновской, Нижегородской областях, в республиках Татарстан, Чувашия, Башкортостан. Вместе с тем, для эрзян России вот уже не один год успешно функционирует электронная версия газеты, которую можно в настоящее время читать в Интернете. В этом большая заслуга всего редакционного коллектива газеты «Эрзянь правда».