Понедельник, апреля 19, 2021
Важное

Аволь умок Н.П. Огарёв лемсэ Мордовской государственной университетэнь механикань ды энергетикань институтсо «Агроинженерия» специальностенть коряс студенттнэнь туртов панжовсь «Пегас-Агро» тонавтнемань классось.

 

Те кенярксчинть коряс тов сакшность МР-нь Правительствань Председателень тевтнень топавтыцясь – Велень хозяйствань ды продовольствиянь министрась Владимир Сидоров, Н.П. Огарёв лемсэ МГУ-нь ВО-нь ФГБОУ-нь ректоронь тевтнень топавтыцясь, научной роботань коряс проректорось Пётр Сенин, «ГК «Агротэк» ООО-нь генеральной директорось Павел Бобров, «Пегас-Агро» ООО-нь Россиясо ды СНГ-сэ микшнематнень коряс прявтось Сергей Тявин, TORCON модань точной систематнень коряс ведущей консультантось Сергей Максаков, МР-со «ГК «Агротэкс» ООО-нь филиалонь прявтось Дмитрий Цыганкин.

Тонавтнемань од таркасонть теезь мультимедийной система. Сонзэ вельде невтневить научной ды технической фильматне. Студенттнэнь туртов тосо анокстазь неень шкантень ладиця лабораторной оборудования, моданть видестэ ванкшномань система. Самай сонзэ вельде тонавтницятне теевить содавиксэкс велень хозяйствань од техниканть марто, конась течи нолдавсь тевс Россиянь ды Мордовиянь агропромышленной комплекссэ.

Минек университетэнтень максозь «Туман» минеральной удобрениянь кавто ёртнемапельть.

МР-нь Правительствань Председателень тевтнень топавтыцясь – Велень хозяйствань ды продовольствиянь министрась Владимир Сидоров тешкстызе те классонть эрявиксчинзэ аволь ансяк студенттнэнень, истя жо велень хозяйствасо весе важодицятненень.

– Минек покш меленек, штобу сы шкань аграрийтне тонавтневельть аволь ансяк макетэнь коряс ды аудиториясо, истя жо одонть тевс нолдавольть практикасо, – мерсь Владимир Николаевич. МР-нь Правительстванть ёндо сон алтась эрьва ёндонь лезкс весе одонть тевс нолдамсто.

Сюкпрянь валт ёвтась Пётр Сенин истямо казненть ды паро примерэнть невтеманзо кис. Сонзэ валонзо коряс, вузонтень а рамави велень хозяйствань истямо питней техникась, а студенттнэнь сонтемензэ стака тонавтомс.

– Минек ули ков аравтомс те техниканть. Тельня студенттнэ тонавтнема иенть перть теевить мартонзо содавиксэкс, а мейле эйсэнзэ лисить паксятнес, – мерсь Пётр Васильевич.

Классонть панжомадо мейле Н.П. Огарёв лемсэ МГУ-нть ды «ГК «Агротэк» ООО-нть ютксо кемекстазель вейсэнь важодемадо договор, конань коряс кавто ёнкстнэ кармить анокстамо кадрат, кастомо квалификацияст. Истя жо кармить ютавтомо научно-исследовательской, опытно-конструкторской ды технологической важодемат.

Меельцекс студенттнэнь марто ютавтовсть мастер-класст.

Валентина Юдина

 

О ГАЗЕТЕ "ЭРЗЯНЬ ПРАВДА"

Газета Эрзянь правда в настоящее время издается один раз в неделю на 16 страницах, четыре из них в цвете. Газета широко отражает вопросы общественно-политической, социально-экономической, культурной и духовной жизни республики, публикует международную информацию. «Эрзянь правда» распространяется в Оренбургской, Пензенской, Самарской, Ульяновской, Нижегородской областях, в республиках Татарстан, Чувашия, Башкортостан. Вместе с тем, для эрзян России вот уже не один год успешно функционирует электронная версия газеты, которую можно в настоящее время читать в Интернете. В этом большая заслуга всего редакционного коллектива газеты «Эрзянь правда».