Воскресенье, февраля 23, 2020
Важное

 

Мордовиянь Прявтось Владимир Волков субутасто, даволковонь 8-це чистэ, ульнесь Саранскойсэ «Мира» эйкакштнень ды од ломантнень ёрокчист ды шкинемаст редямонь ды виевгавтоманть туртов Региононь куншкакуросонть.

Мордовиянь прявт ошсо сон панжозь «Образование» раськень проектэнь «Успех каждого ребенка» Федеральной проектэнть лувсо. Сонзэ теемс явозь 215 млн. целковойть, тесэ эйкакштненень максовить содамочить «Искусство», «Наука» ды «Спорт» ёнкстнэнь коряс.

Од куншкакуросонть ведьгемень таркат, теезь столовой, спортивной зал, планетарий, ламо лабораторият, истя жо важодить кавто студият – литературань ды театрань шкинемань, раськень культурань. Ули шахматонь зона, ЗОЖ-нь лаборатория, панжадо стадион ды тренажёронь площадка, греко-римской бороцямонь ды самбонь коряс занятиятнень туртов тарка.

Куншкакуросонть тонавтыть Мордовиянь образовательной организациятнень ды ВУЗ-нь сехте вадря преподавательтне, тренертнэ ды спортсментнэ, культурасо важодицятне, сехте вадря психологт, социальной педагогт. Весемезэ иенть перть арсеви ютавтомс кемень сменат, тонавтовить 500 ламо ломанть.

Мордовиянь Прявтось кавто часто ламо кортась тонавтыцятнень марто.

Кортавсть истят пшти кевкстематне, кода неень шкань тонавтницятнень сверхцифровизациясь. Региононь Прявтось тень коряс мерсь: «Арсян, тонавтомань процессэнтень инновациятнень совавтоманть эряви теемс парсте арсезь. Эйкакштне иляст туе виртуальной мирэнтень. Тонавтыцятнень эйкакштнень марто кортамонть а полавтсы кодамояк искусственной интеллект!»

Вастовоманть прядовомга республикань Прявтонть лемс сюкпрянь валт ёвтасть вейке тонавтницянть тетязо-авазо: «Минь Рузаевкасто ды аштетяно мельспаросо, минек эйкакшось ды республикань ёроков весе эйдетне тонавтнить неень шкань, мазый, вадря куншкакуросонть, муить тесэ вемельсэ арсицят, тонавтнить эсь тевсэ сехте вадрятнень пельде!»

Вастовомасонть ульнесть МР-нь Правительствань Председателень полавтыцясь Галина Лотванова, МР-нь Образованиянь министрась Галина Явкина, истя жо Иван Утешев, МФТИ-нь 4-це курсонь студентэсь, астрофизикань коряс Россиянь сборноень тренерэсь.

О ГАЗЕТЕ "ЭРЗЯНЬ ПРАВДА"

Газета Эрзянь правда в настоящее время издается один раз в неделю на 16 страницах, четыре из них в цвете. Газета широко отражает вопросы общественно-политической, социально-экономической, культурной и духовной жизни республики, публикует международную информацию. «Эрзянь правда» распространяется в Оренбургской, Пензенской, Самарской, Ульяновской, Нижегородской областях, в республиках Татарстан, Чувашия, Башкортостан. Вместе с тем, для эрзян России вот уже не один год успешно функционирует электронная версия газеты, которую можно в настоящее время читать в Интернете. В этом большая заслуга всего редакционного коллектива газеты «Эрзянь правда».