ПРОЕКТЭНЬ ТОПАВТОМАНТЬ ЛУВСО 2019 ИЕСТЭ ЮТАВТОВСЬ ФУНДАМЕНТАЛЬНОЙ НАУЧНОЙ ИССЛЕДОВАНИЯТНЕНЬ СЕХТЕ ВАДРЯ ПРОЕКТТНЭНЬ ЛАНГС РФФИ-нь ПЕЛЬКСТАМО, КОНАТНЕНЬ ТОПАВТЫТЬ АСПИРАНТУРАСО ТОНАВТНИЦЯ ОД УЧЁНОЙТНЕ.
Изницятнень ютксо Н.П.Огарёв лемсэ МГУ-нь тонавтницятнень колмо проектэст. Кавто изницятне – Физикань ды химиянь институтонь аспиранттнэ: Оксана Черняева ды Иван Юрлов. Оксана Черняевань исследованиянть лемезэ – «Безметальные катализаторы электрохимического получения молекулярного водорода на основе 2,2’-бипридина и 2,2’:6,2”-терперидина и их производных». Научной ветицясь – неорганической ды аналитической химиянь кафедрань прявтось А.В.Долганов. Иван Юрловонь исследованиянь темась – «Спектроскопия и особенности широкополосного «белого» излучения наноразмерных диэлектрических оксидных и фторидных частиц, легированных редкоземельными ионами».
Колмоце изницясь – Историко-социологической институтонь аспирантось Роман Мотькин. Проектэнь темась – «Социальные аспекты развития института арбитражного управления в Российской Федерации».
Теде башка, изнясть кавто проектт, конатнень невтизь М.Е. Евсевьев лемсэ МГПИ-нь аспиранттнэ – Николай Горячев, отечественной ды зарубежной историянь ды тонавтомань методикань кафедрань аспирантось, ды Дмитрий Рыжов, педагогикань кафедрань аспирантось.
Ютавтозь научной важодемань ды инновациянь мельтнень-арсематнень республикань пелькстамот ды «Инженер года» пелькстамось.
42 студенттнэнень, конат тонавтнить сеть специальносттнень коряс, конат сюлмавозь наукань ды техникань виевгавтомань прявт ёнкстнэнь марто, 2019-2020 тонавтнемань иетнестэ пандовить МР-нь Прявтонь стипендият.
ЭРЯМО УСЛОВИЯТНЕНЬ ВАДРЯЛГАВТОМГА
«Жильё и городская среда» нацпроектэнь «Обеспечение устойчивого сокращения непригодного для проживания жилищного фонда» региононь программанть топавтомантень 2019 иестэ явозь 258,6 млн. целковойть.
Неть ярмактнень лангс рамазь 34 квартират Саранскойсэ (весемезэ арсеви рамамс 241 квартира), 20 – Покш Березникень районсо ды 4 – Кадошкинань районсо.
2019 иестэ республикасонть арсевсь калавтомс таштомозь эрямо таркань 1030 кавонзазь метрат, калавтозь – 1168,8 кавонзазь метрат.
«Формирование комфортной городской среды» региононь проектэнь топавтоманть лувсо 2019 иестэ Мордовиясо витнезь 93 кудотнень перька таркат 26 муниципальной образованиятнесэ ды 13 общественной таркат Дубёнка ёнксонь Поводелесэ, Ицяло ёнксонь Кемля велесэ, Покш Березниксэ, Атюрьевасо, Краснослободскойсэ, Ромодановасо, Торбеевасо, Инсарсо, Темниковасо (4 таркат), Саранскойсэ, Рузаевкасо. Неть тевтнес явозь 257,8 млн. целковойть.
2019 иестэ од эрямо таркат строявсть Саранскойсэяк. Истя, «Жильё» региононь проектэнть лувсо ламо квартирас кудот теезь Полежаевень, Титовонь, Коммунистической, Дальней, Лесной, Пионерской куротнесэ. Эйдень кужо строязь Саранскоень Титовонь куросонть.
Максозь эрямо таркань 348 тёжат кавонзазь метрат (аравтлувось – 338 тёжат кавонзазь метрат).
ЭКОНОМИКАНТЬ
ВИЕВГАВТОМГА
Проектэнть смустезэ: 2024 иентень 6,3% кастомс Мордовиянь экономикань аволь сырьевой отраслянь средней ды покш предприятиятнесэ важодемань производительностенть. Проектэнь топавтомантень совавтовить региононь экономикань аволь сырьевой отраслянь 66 средней ды покш предприятиятне. Аволь сырьевой прявт отраслятне: промышленность, велень хозяйства, транспорт, микшнема, строительства, жилищно-коммунальной хозяйства.
Неень шкане тешкстазь 27 соглашеният, истя жо «Саранский приборостроительный завод» ПАО-нть, «Оптиковолоконные системы» АО-нть, «Биохимик» АО-нть, «Рузаевский завод химического машиностроения» АО-нть, «Кадошкинский электротехнический завод» АО-нть ды лия предприятиятнень марто.
Предприятиянь прявттнэ ютасть тонавтома «Лидеры производительности» ды «Экспортный акселератор» программатнень коряс.
Ледстясынек, Россиянь Президентэсь Владимир Путин яволявтсь кемгавтово нацпроектт: «Демография», «Культура», «Здравоохранение», «Образование», «Жилье и городская среда», «Экология», «Безопасные и качественные автомобильные дороги», «Производительность труда и поддержка занятости», «Наука», «Цифровая экономика», «Малое и среднее предпринимательство и поддержка индивидуальной предпринимательской инициативы», «Международная кооперация и экспорт». Раськень проекттнэнь прявт тевесь – Россиянь эрьва ломаненть ды эрьва семиянть эрямосо вадря ёнов алкуксонь полавтоматне.
Мордовиясь ули федеральной 56 проекттнэсэ, конат аштить раськенсетнень пельксэкс.
Анокстызе Юлия ЕРЕМИНА