ДАВОЛКОВОНЬ 14-це ЧИСЬ – ВЕСЕ ВЕЧКИЦЯТНЕНЬ ЧИСЬ. ЭЛИ КОДА ЛИЯКС ЛЕМДИТЬ ТЕ КЕНЯРКСЧИНТЬ – ИНЕВАНЬКС ВАЛЕНТИНЭНЬ ЧИСЬ. А ТЫНЬ УШ АРСИНК, МЕЙСЭ ДЫ КОДА КЕНЯРДОВТСЫНК ВЕЧКЕВИКСЭНК?
ЭДЬ ОВСЕ АРАСЬ ЯВОВОМА, ВЕНЧАЗТЯДО ТЫНЬ ВЕДЬГЕМЕНЬ ЭЛИ ВЕЙКЕ ИЕ, ПАРЯК, АНСЯК АРСЕТЯДО ТЕНЬ КОРЯС, ЭЛИ ЖО ВЕЧКЕВИКСЭНК МАРТО ВАСТОВИДЕ ОВСЕ АВОЛЬ УМОК – МЕЛЬВАНОМА, СЕДЕЙЛЕМБЕ ДЫ ВЕЧКЕМАНЬ ЧЕВТЕ ВАЛТ УЧИ ЭРЬВАСЬ. СЕДЕЯК ПЕК, НАМА, ИСТЯМО ЧИСТЭ.
МЕЗЕ ЖО ТЫНЬ СОДАТАДО ТЕ КЕНЯРКСЧИНТЬ КОРЯС? КОДАТ УЛИТЬ КОЙТЬ-КИРДАТ? МЕЙСЭ КЕНЯРДОВТОМС ЭСЬ ВЕЧКЕВИКСЭНК ДЫ КОДА ТЕШКСТАМА ТЕ ЧИНТЬ? ВЕСЕ ТЕДЕ МИНЬ ТЕРЯВТСЫНЕК ЁВТНЕМС ЭСЬ МАТЕРИАЛСОНТЬ.
Историясь
Иневанькс Валентинэнь чись тешкстави кеветее пингеде ламо шка, ансяк языческой койтнень коряс «Вечкемань» кенярксчинтень башка мель явовсь античной шкатнестэяк.
Истя, Кезэрень Римсэ эрьва ие даволковонь 15-це чистэ тешкставсь сюпавчинь кенярксчись – Луперкалии – Фавн пазонть лемс (Луперк – сонзэ травамказо), стадатнень ванстыцянть. Луперкалиянть каршо чистэнть жо тешкставсь Юнона Римень пазонть (аватнень ды венчамонь пазось) ды Пан пазонть кенярксчись.
Те чистэнть тейтертне сёрмалесть вечкемань сёрмат, конатнень каилизь покш урнас, мейле цёратне таргилизь тосто неть сёрматнень. Кона тейтеренть сёрмась понгиль цёрантень, тонантень сон явильгак мель.
Ванстовсть пачтямот, те чинть истя жо лемдильть «Нармунень свадьбакс». Лововсь, нармунтне кочкить эсь паранть иень ушодовомань омбоце ковонь омбоце недлястонть.
Иневанькс Валентинэнь чись – романтиктнень кенярксчи. Сонзэ ловить вадря шкакс эсь вечкемадонть ёвтамонть, тейтеренть мирдень экшс тердеманть туртов ды, нама, мазый вастовоманть туртов.
Койтне-кирдатне
Кода уш ёвтынек, те чись пек паро эсь вечкемадонть ёвтамонть туртов. Мереви тень пачтямс салава, кучомс «валентинканть» – вишка открыткине, кона моли седейне ёнов. Истят открыткат вейкест-вейкест туртов казить вечкицятнеяк. Коень коряс цёратне эсь вечкевиксэст туртов казнить цецят ды вишка казнеть – чевте налкшкеть, ламбамопельть, конат истя жо теезь седейнень кондямокс. Ловови, те чистэнть а эряви каземс пек питней ды покш казнеть.
Улить те чинть эсензэ тешксэнзэяк. Седе пек сынь алтавить тейтертненень. Истя, эряви лисемс ушов ды кевкстемс васенце неезь цёранть лемензэ. Истямо лемезэ карми вечкевиксэнк. Истя жо даволковонь 14-це чистэ валске марто ушов лисезь, ваннынк ютыцятнень. Бути нетядо коляска марто ава, учодо семиянь касома-раштамо. Теке марто кезэрень шкатнестэ саезь тейтертне ваныльть нармунтнень прянь ветямонть мельга. Бути те чистэнть менельстэ нетядо нармунень стая, мельганк пансиця цёратнеде учовить ламо.
«Валентинкась»
«Валентинкась» – седейнень ёнов молиця открыткинесь – кенярксчинь прявт тешкс. Казить ды кучнить сынст аволь ансяк эсь «омбоце пелькскентень», истя жо малавикстнэнень, роднятненень ды ялгатненень. Эйсэнзэ ёвтави эсь вечкемадонть ды, нама, паронь арсема лембе валт. Невтемга, эсь ялгатненень можна арсемс вечкемс ды улемс вечкевиксэкс, муемс эсь седейпелькскенть, улемс уцяскавокс.
«Валентинкатне» пек содавиксэкс ульнесть XVIII пингестэнть, седе пек Англиясо. Сынь лововсть казнекс. Вечкицятне теильть эйсэст эрьва тюсонь конёвсто ды сёрмадылизь мазый черниласо.
Шкатне полавтовсть, ды ней истят «седейнетне» кодат ансяк арасть ды мезестэ ансяк а теевить. Ней вечкицятне вейкест-вейкест туртов казить аволь ансяк конёвсто теезь «валентинкат». Седе сеедьстэ мель явови седейнень кондямокс теезь ламбамо ярсамопельтненень, тесэ торттнэ, пирожнойтне, шоколадось ды ламо лия мезе. Кода мерить, кинь мезес саты фантазиязо.
Кода тешкстыть кенярксчинть
Россиясо Валентинэнь чинть седе пек тешкстыть од ломантне. Седе сыретне аволь пек ловить сонзэ кенярксчикс. Школатнесэ ды тонавтнемань лия заведениятнесэ важоди «романтической почта» – тозо мереви каямс «валентинка» ды сонзэ пачтясызь адресатонтень. Вечкиця паратне бажить те чинть вастомс вейсэ, кенярдовтыть вейкень вейкень казнесэ.
Америкасо ули кой вечкевикс ломантненень кучнемс ашо-якстере тюсонь конфеткат. Ашось ёвтни арсематнень ваньксчиде, якстересь – вечкемань вийденть.
Япониясо те кенярксчинть тешкстыть кавксть: даволковонь 14-це чистэ эсь вечкевикстнэнень поздоровт ёвтыть тейтертне, ковонь ютазь текень жо теить цёратне. Коень коряс казевить ламбамо ярсамопельть.
Англиясо весень андыть эсь кедьсэ панезь печениядо, конат молить седейне ёнов, ды казить а покшке открыткат.
Франциясь те чистэнть пешксе эрьва кодамо покшолмань «валентинкадо». Бути тейтересь учи мирденень тердема, те чистэнть те тевесь удалы.
Германиясо вейке вейкенень явшить казнеть. Цёратне рамсить цецят.
Анокстызе Юлия ЕРЕМИНА
МЕЗЕ ЖО ТЫНЬ СОДАТАДО ТЕ КЕНЯРКСЧИНТЬ КОРЯС? КОДАТ УЛИТЬ КОЙТЬ-КИРДАТ? МЕЙСЭ КЕНЯРДОВТОМС ЭСЬ ВЕЧКЕВИКСЭНК ДЫ КОДА ТЕШКСТАМА ТЕ ЧИНТЬ? ВЕСЕ ТЕДЕ МИНЬ ТЕРЯВТСЫНЕК ЁВТНЕМС ЭСЬ МАТЕРИАЛСОНТЬ.
ИсториясьИневанькс Валентинэнь чись тешкстави кеветее пингеде ламо шка, ансяк языческой койтнень коряс «Вечкемань» кенярксчинтень башка мель явовсь античной шкатнестэяк.
Истя, Кезэрень Римсэ эрьва ие даволковонь 15-це чистэ тешкставсь сюпавчинь кенярксчись – Луперкалии – Фавн пазонть лемс (Луперк – сонзэ травамказо), стадатнень ванстыцянть. Луперкалиянть каршо чистэнть жо тешкставсь Юнона Римень пазонть (аватнень ды венчамонь пазось) ды Пан пазонть кенярксчись.
Те чистэнть тейтертне сёрмалесть вечкемань сёрмат, конатнень каилизь покш урнас, мейле цёратне таргилизь тосто неть сёрматнень. Кона тейтеренть сёрмась понгиль цёрантень, тонантень сон явильгак мель.
Ванстовсть пачтямот, те чинть истя жо лемдильть «Нармунень свадьбакс». Лововсь, нармунтне кочкить эсь паранть иень ушодовомань омбоце ковонь омбоце недлястонть.
Иневанькс Валентинэнь чись – романтиктнень кенярксчи. Сонзэ ловить вадря шкакс эсь вечкемадонть ёвтамонть, тейтеренть мирдень экшс тердеманть туртов ды, нама, мазый вастовоманть туртов.
Койтне-кирдатнеКода уш ёвтынек, те чись пек паро эсь вечкемадонть ёвтамонть туртов. Мереви тень пачтямс салава, кучомс «валентинканть» – вишка открыткине, кона моли седейне ёнов. Истят открыткат вейкест-вейкест туртов казить вечкицятнеяк. Коень коряс цёратне эсь вечкевиксэст туртов казнить цецят ды вишка казнеть – чевте налкшкеть, ламбамопельть, конат истя жо теезь седейнень кондямокс. Ловови, те чистэнть а эряви каземс пек питней ды покш казнеть.
Улить те чинть эсензэ тешксэнзэяк. Седе пек сынь алтавить тейтертненень. Истя, эряви лисемс ушов ды кевкстемс васенце неезь цёранть лемензэ. Истямо лемезэ карми вечкевиксэнк. Истя жо даволковонь 14-це чистэ валске марто ушов лисезь, ваннынк ютыцятнень. Бути нетядо коляска марто ава, учодо семиянь касома-раштамо. Теке марто кезэрень шкатнестэ саезь тейтертне ваныльть нармунтнень прянь ветямонть мельга. Бути те чистэнть менельстэ нетядо нармунень стая, мельганк пансиця цёратнеде учовить ламо.
«Валентинкась»«Валентинкась» – седейнень ёнов молиця открыткинесь – кенярксчинь прявт тешкс. Казить ды кучнить сынст аволь ансяк эсь «омбоце пелькскентень», истя жо малавикстнэнень, роднятненень ды ялгатненень. Эйсэнзэ ёвтави эсь вечкемадонть ды, нама, паронь арсема лембе валт. Невтемга, эсь ялгатненень можна арсемс вечкемс ды улемс вечкевиксэкс, муемс эсь седейпелькскенть, улемс уцяскавокс.
«Валентинкатне» пек содавиксэкс ульнесть XVIII пингестэнть, седе пек Англиясо. Сынь лововсть казнекс. Вечкицятне теильть эйсэст эрьва тюсонь конёвсто ды сёрмадылизь мазый черниласо.
Шкатне полавтовсть, ды ней истят «седейнетне» кодат ансяк арасть ды мезестэ ансяк а теевить. Ней вечкицятне вейкест-вейкест туртов казить аволь ансяк конёвсто теезь «валентинкат». Седе сеедьстэ мель явови седейнень кондямокс теезь ламбамо ярсамопельтненень, тесэ торттнэ, пирожнойтне, шоколадось ды ламо лия мезе. Кода мерить, кинь мезес саты фантазиязо.
Кода тешкстыть кенярксчинтьРоссиясо Валентинэнь чинть седе пек тешкстыть од ломантне. Седе сыретне аволь пек ловить сонзэ кенярксчикс. Школатнесэ ды тонавтнемань лия заведениятнесэ важоди «романтической почта» – тозо мереви каямс «валентинка» ды сонзэ пачтясызь адресатонтень. Вечкиця паратне бажить те чинть вастомс вейсэ, кенярдовтыть вейкень вейкень казнесэ.
Америкасо ули кой вечкевикс ломантненень кучнемс ашо-якстере тюсонь конфеткат. Ашось ёвтни арсематнень ваньксчиде, якстересь – вечкемань вийденть.
Япониясо те кенярксчинть тешкстыть кавксть: даволковонь 14-це чистэ эсь вечкевикстнэнень поздоровт ёвтыть тейтертне, ковонь ютазь текень жо теить цёратне. Коень коряс казевить ламбамо ярсамопельть.
Англиясо весень андыть эсь кедьсэ панезь печениядо, конат молить седейне ёнов, ды казить а покшке открыткат.
Франциясь те чистэнть пешксе эрьва кодамо покшолмань «валентинкадо». Бути тейтересь учи мирденень тердема, те чистэнть те тевесь удалы.
Германиясо вейке вейкенень явшить казнеть. Цёратне рамсить цецят.
Анокстызе Юлия ЕРЕМИНА