«Краевед» клубось, кона теезь А. С. Пушкин лемсэ библиотекасо, топавты тевть, конат сюлмавозь раськень культурань сюпавчитнень ванстомаст ды весе ломантненень содавтомаст марто.
Тов совицятне сеедьстэ пурнавкшныть эсест промксов, ютавтнить вастовомат, косо ветить кортамот литературасо од изнявкстнэде, весе седе, кода молить тевтне эрзянь, мокшонь раськетнень кезэрень коест-кирдаст ванстоманть коряс.
Пек лезэв кортамо мольсь вастовомасонть, кона ульнесь мартонь 18-це чистэ. Эйзэнзэ сакшность республикань музыкальной школасо тонавтыцят, фольклоронь ансамблянь прявтт, моронь вечкицят. Раськень моротнень коряс мастер-класс ютавтсь МР-нь культурань заслуженной важодицясь, Лямбирень эйкакшонь искусствань школасо тонавтыцясь М. С. Громова. Мария Семёновна ёвтнесь, кода эряви ветямс эрзянь ды мокшонь кезэрень моротнень ламо вайгельсэ морамонть. Эряви меремс, те авась пек парсте содасы эсь тевензэ ды машты тенень тонавтомс лиятненьгак. А стяко вастовомас сазтненень шождасто «изнязель» эрзянь «Позяра», «Селей пандалга», мокшонь «Ватта панихть» моротнень ламо вайгельсэ гайгемань лувось.
Седе, кода эри Лямбирень буень Александровка велень клубонь коллективесь, кодат стакачить тосонь коллективтне печтить раськень моротнень тонавтнемстэ, ёвтнесь сонзэ прявтось Л. А. Милаева. Любовь Александровна эзь сёпо: икелеяк ульнесь аволь шожда, ков ие седеяк стака эрси муемс истят морыцят, кить маштовольть морамо тиринь кельсэ. Тень кувалма раськень моротне кармасть стувтовомо, сынь чуросто зярдо гайгить концерттнэсэ.
Раськень моротнень ванстомаст ды сы шкань эрицятнень туртов кандомаст коряс ламо теить «Ламзурь» ансамблясо морыцятне. Сынь 25 иеде ламо топавтыть те тевенть, вешнить ды таргсить од морот, тонавтнить эйсэст ды морсить эрьва косо. Ней те коллективенть репертуарсо малав сядо морот. Ламотне эйстэст сюлмавозь кезэрень койтнень марто, конатнень коряс «Ламзурень» аватне анокстыть театрализациянь налксемат ды невтнить эйсэст эйдень кужов якицятнень, школасо тонавтницятнень икеле, культурань эрьва кодамо учреждениянь сцена лангсо ды се-тона покш чинть молемстэ.
Вастовомас сазтне кадовсть паро мельсэ, тердизь лия коллективтненьгак сакшномс вейсэнь промксов, невтемс, мейсэ ёроковт сынст морыцятне.
Раиса ЩАНКИНА
Пек лезэв кортамо мольсь вастовомасонть, кона ульнесь мартонь 18-це чистэ. Эйзэнзэ сакшность республикань музыкальной школасо тонавтыцят, фольклоронь ансамблянь прявтт, моронь вечкицят. Раськень моротнень коряс мастер-класс ютавтсь МР-нь культурань заслуженной важодицясь, Лямбирень эйкакшонь искусствань школасо тонавтыцясь М. С. Громова. Мария Семёновна ёвтнесь, кода эряви ветямс эрзянь ды мокшонь кезэрень моротнень ламо вайгельсэ морамонть. Эряви меремс, те авась пек парсте содасы эсь тевензэ ды машты тенень тонавтомс лиятненьгак. А стяко вастовомас сазтненень шождасто «изнязель» эрзянь «Позяра», «Селей пандалга», мокшонь «Ватта панихть» моротнень ламо вайгельсэ гайгемань лувось.
Седе, кода эри Лямбирень буень Александровка велень клубонь коллективесь, кодат стакачить тосонь коллективтне печтить раськень моротнень тонавтнемстэ, ёвтнесь сонзэ прявтось Л. А. Милаева. Любовь Александровна эзь сёпо: икелеяк ульнесь аволь шожда, ков ие седеяк стака эрси муемс истят морыцят, кить маштовольть морамо тиринь кельсэ. Тень кувалма раськень моротне кармасть стувтовомо, сынь чуросто зярдо гайгить концерттнэсэ.
Раськень моротнень ванстомаст ды сы шкань эрицятнень туртов кандомаст коряс ламо теить «Ламзурь» ансамблясо морыцятне. Сынь 25 иеде ламо топавтыть те тевенть, вешнить ды таргсить од морот, тонавтнить эйсэст ды морсить эрьва косо. Ней те коллективенть репертуарсо малав сядо морот. Ламотне эйстэст сюлмавозь кезэрень койтнень марто, конатнень коряс «Ламзурень» аватне анокстыть театрализациянь налксемат ды невтнить эйсэст эйдень кужов якицятнень, школасо тонавтницятнень икеле, культурань эрьва кодамо учреждениянь сцена лангсо ды се-тона покш чинть молемстэ.
Вастовомас сазтне кадовсть паро мельсэ, тердизь лия коллективтненьгак сакшномс вейсэнь промксов, невтемс, мейсэ ёроковт сынст морыцятне.
Раиса ЩАНКИНА