Даволковонь 21-це чистэ, Тиринь келень раськеютконь чистэ, Санкт-Петербургонь ды Ленинградонь ёнксонь «Шумбрат» мокшэрзянь культурань виевгавтомань фондось ютавтсь вастовома. Тей сакшность эрзятне ды мокшотне, конат пек умок эзть нее вейкест-вейкест.
Кенярксчисэнть тиринь кельсэ валморот ловность Виктор Иванович Родькин, Анастасия Лакирева, истя жо поэтэсь ды прозаикесь, Россиянь Писателень союзс совицясь Екатерина Огарева.
Пурназель эрзянь ды мокшонь кельсэ лисиця газетань, журналонь, книгань выставка, невтезель мокшэрзянь койтнеде-кирдатнеде ды фольклордо литература.
Вастовомань инжетне анокстасть тантей каванявкст: капста ям, сараз ям, сывель ям; пачалксеть ды панжакайть.
Инжекс тей сакшнось Санкт-Петербургсо маринь землячествань ветицясь Ирина Смирнова. «Шумбрат» фондонтень сон казсь эрзянь ды мокшонь кельсэ книгат. Вана истя састыне пурнави литературась, сувениртнэ, конат невтевить выставкатнесэ. Весе те сюпавчись эрявикс. Ламот сайнить литературанть научной тевень сёрмадомсто, теевить содавиксэкс Мордовиянть марто.
Меельцекс весе вейсэ морызь В. Нестеровонь стихензэ лангс «Живи, Мордовия моя!» весенень вечкевикс ды содавикс моронть.
Марина РОМАНОВСКАЯ