Ицялбуень «Смольный» национальной парксо ютась «Тиринь ёнксонь гайтть» лембе вастовома, кона алтавсь музыкантонть, фольклористэнть В.И. Ромашкинэнь 70 иетненень. Владимир Иванович чачсь тесэ, Ицяло велесэ.
Вастовомадонть икеле Ицялонь средней школасо, косо тонавтнесь учёноесь-этнографось ды важодсь тонавтыцякс сонзэ авазо, панжозель ледстнемань лаз. Седе тов весе инжетне сыргасть Смольноев, тосо нацпарконь од визит-центрасо ютаськак покш чись.
Кода пачтясь Ицялбуень Культурань центрань прявтось Н.А. Буянова, Ромашкинэнь ледстнемга вастовомат эрсесть библиотекасо, школасо, культурань кудосо, ансяк течи – васенце истямо покш вастовома.
– Покш мельспаросо васттано течи инжетнень: кить важодсть В.И. Ромашкин марто, кить содылизь. Тей састь школань тонавтницят, Ицялонь педколледжень ды Саранскоень студентт. Панжинек «Раськень сюпавчи» выставка. Кода содатано, Владимир Иванович пек вечксь пертьпельксэнть, виренть, секскак саинек мель ютавтомс вастовоманть национальной парксо, – кортась Надежда Александровна.
Ромашкинэнь авадонзо, тонавтыцядонть Мария Григорьевнадо, ёвтнесь И.П. Кривошеев поэтэнть тейтерезэ О.И. Горбунова:
– Ицялсо школась сестэ ульнесь чувтонь, кавто этажсо. Тосо тонавтнесть вейксэ 10 класст! Эрьвасонть 40-45 эйкакшт. Сынст ютксо кавто класст эрзянь. Мария Григорьевна ульнесь покш хоронь ветицякс. Вадряль слухозо. Морынек тиринь ёнксонь вечкемадо морот.
Владимир Ромашкиндэ ламо ледстнесь эрзянь этнокультурной сюпавчинь фондонь прявтось Т.И. Ларина:
– Минь мартонзо содавикст умок, 1981 иестэ саезь. Сон сакшныль Н.П. Огарёв лемсэ МГУ-нь хоронь репетициятнес, сынст ветиль Н.И. Бояркин, зярдо тона а савиль, тарказонзо ветиль Ромашкин. Сон те тевентень явсь покш мель. Минь бажинек сакшномс шкастонзо, тонавтнинек валтнэнь, гайттнень. 1998 иестэ сынь важодеме «Мордовия» ГТРК-нь радиов. Сестэ «Торамась» ды В. Ромашкин ульнесть уш содавикст. Мон сеедьстэ тердтния студияв. Сонзэ моротне мазылгавтсть передачатнень. Радиосо вейсэ теинек «Од гай» проект. Тосо сон Галя ды Андрей эйкакшонзо марто ёвтнесть, кодамо масторов ардтнесть, кинь марто вастневсть. Содавтсть кунсолыцятнень лия раськень моротнень марто. Пек бажась кепедемс минек эстраданть. Самай сестэ чачсь «Од вий» эрзянь ды мокшонь эстрадань моронь проектэсь. Ламо лездась одтнэнь туртов. Те – Бакич Видяйнень, Анна Панишеванень ды лиятненень. Лездась нолдамс моронь альбомт, сёрмадсь музыка. Мельсэнзэ ульнесть ламо проектт. Сон зярдояк эзь пеняця стакачитнень ды ярмаконь арасьчинть лангс. Свал вешнесь лездыцят-спонсорт.
Татьяна Ивановна архивстэнзэ невтсь ваныцятнень туртов умонь видеот, косо Ромашкинтнэ семиянек морыть.
Тей жо сакшнось Покш Игнатбуестэ «Пизёлнэ» фольклорной ансамблясь. Паро валт ёвтась МР-нь заслуженной тонавтыцясь Р.Д. Жегалина.
Морот казсть Геннадий Дулкин ды Иван Ацапкин. Сыньгак зярдо-бути морсесть В. Ромашкин марто «Торамасо». Ней эсест морамонь курост – «Морама». Цёратне морасть тенек каратаень морот.
Кенярксчинтень сакшнось МР-нь народной артисткась Нина Спиркина. Валонзо коряс, косо бу Володя Ромашкин аволь уле, косо бу аволь мора, эрьва кодамо таркасо ёвтнесь минек культурадонть. Сон певтеме вечксь моротнень, киштематнень, фольклоронть.
Истя жо тесэ ульнесть Саранскоень бардовской моронь клубонь морыцятне. Наталия Жданова ламо ёвтнесь В. Ромашкиндэ. Самай сон панжизе ошсо самодеятельной моронь клубонть. Владимир Иванович свал пурнась перьканзо од, лия ёнов а молиця, превей, виев ломанть. Сон тонавтсть сынст морамо, седямо гитарасо. Клубонь участниктне нейгак ансяк паро валсо ледстнить сонзэ.
Тей жо сакшнось В. Ромашкин лемсэ «Торама» фольклорной ансамблясь, конань ветицязо Андрей Ромашкин – Владимир Ивановичень цёразо.
– Сюкпря тенк, тетянь лемензэ а стувтоманть кисэ. Свал талнозь ледстнян сонзэ. Сон ульнесь пек вечкиця тетякс, лембе ломанекс. Минь яла ламо кортынек эрьва кодамо темас, эрьва мезде. Мон сестэ ламо мезенть эзинь чарькоде… Сехте пек тукшность мелезэнь аволь омбо масторга морамотне – вирев пангонь-мастумарень мельга якамось. Кода сонгак, пек вечкса виренть. Зяро сон тенек ёвтниль ёвкст, кезэрень пингень ёвтнемат! – кортась Андрей Ромашкин.
Те кенярксчисэнть ульнесь «Вастома» фольклорной ансамблясь (фотосонть). Сон важоди Ицялонь Культурань центранть юрсо. Тесэ морсить сисем ломанть. Ансамблянть репертуарсо эрзянь ды мокшонь кезэрень морот. Сынь морыть седямопельтеме, акапельна. Течи инжетнень туртов морасть авторонь моро, те – И. Давыдовань ды В. Давыдовонь «Ицялонь ёнкс» валморось. Морыцятнень ютксо эрьва кодамо раськень ломанть, аволь ансяк эрзят. Мартост важоди художественной ветицяст Любовь Степановна Козлова. Сон чачсь Ицялсо, тонавтнесь Саранскоень культурань училищасо. Пек вечки ды чарькоди музыканть, ансамблясо тонавты видестэ ладсемс вайгельтнень, кода аштемс сцена лангсо.
«Вастома» ансамблясь – «Шумбрат, Мордовия!» республикань раськень творчествань фестивальсэнть свалшкань морсиця. Эсь районсояк сынь морсить весе вастовоматнесэ ды кенярксчитнесэ, вастыть покш инжеть. Аволь весть невтнизь телевизорсо. Аватнень пек мазый вайгелест, оршамопелесткак сельмс каявицят, цитницят. Л.С. Козлова вети аволь ансяк те коллективенть, истя жо ули «Любава» рузонь моронь ансамблязо ды «Родные напевы» ветеранонь хорозо.
Вана истя Ицялонь модасо, Владимир Ромашкинэнь тиринь ёнкссо, тешкстызь сонзэ 70 иетнень. Ламот ёвтасть мель, кадык сонзэ лемс вастовоматне ютыть седе сеедьстэ.
Татьяна Маторкина
Кода пачтясь Ицялбуень Культурань центрань прявтось Н.А. Буянова, Ромашкинэнь ледстнемга вастовомат эрсесть библиотекасо, школасо, культурань кудосо, ансяк течи – васенце истямо покш вастовома.
– Покш мельспаросо васттано течи инжетнень: кить важодсть В.И. Ромашкин марто, кить содылизь. Тей састь школань тонавтницят, Ицялонь педколледжень ды Саранскоень студентт. Панжинек «Раськень сюпавчи» выставка. Кода содатано, Владимир Иванович пек вечксь пертьпельксэнть, виренть, секскак саинек мель ютавтомс вастовоманть национальной парксо, – кортась Надежда Александровна.
Ромашкинэнь авадонзо, тонавтыцядонть Мария Григорьевнадо, ёвтнесь И.П. Кривошеев поэтэнть тейтерезэ О.И. Горбунова:
– Ицялсо школась сестэ ульнесь чувтонь, кавто этажсо. Тосо тонавтнесть вейксэ 10 класст! Эрьвасонть 40-45 эйкакшт. Сынст ютксо кавто класст эрзянь. Мария Григорьевна ульнесь покш хоронь ветицякс. Вадряль слухозо. Морынек тиринь ёнксонь вечкемадо морот.
Владимир Ромашкиндэ ламо ледстнесь эрзянь этнокультурной сюпавчинь фондонь прявтось Т.И. Ларина:
– Минь мартонзо содавикст умок, 1981 иестэ саезь. Сон сакшныль Н.П. Огарёв лемсэ МГУ-нь хоронь репетициятнес, сынст ветиль Н.И. Бояркин, зярдо тона а савиль, тарказонзо ветиль Ромашкин. Сон те тевентень явсь покш мель. Минь бажинек сакшномс шкастонзо, тонавтнинек валтнэнь, гайттнень. 1998 иестэ сынь важодеме «Мордовия» ГТРК-нь радиов. Сестэ «Торамась» ды В. Ромашкин ульнесть уш содавикст. Мон сеедьстэ тердтния студияв. Сонзэ моротне мазылгавтсть передачатнень. Радиосо вейсэ теинек «Од гай» проект. Тосо сон Галя ды Андрей эйкакшонзо марто ёвтнесть, кодамо масторов ардтнесть, кинь марто вастневсть. Содавтсть кунсолыцятнень лия раськень моротнень марто. Пек бажась кепедемс минек эстраданть. Самай сестэ чачсь «Од вий» эрзянь ды мокшонь эстрадань моронь проектэсь. Ламо лездась одтнэнь туртов. Те – Бакич Видяйнень, Анна Панишеванень ды лиятненень. Лездась нолдамс моронь альбомт, сёрмадсь музыка. Мельсэнзэ ульнесть ламо проектт. Сон зярдояк эзь пеняця стакачитнень ды ярмаконь арасьчинть лангс. Свал вешнесь лездыцят-спонсорт.
Татьяна Ивановна архивстэнзэ невтсь ваныцятнень туртов умонь видеот, косо Ромашкинтнэ семиянек морыть.
Тей жо сакшнось Покш Игнатбуестэ «Пизёлнэ» фольклорной ансамблясь. Паро валт ёвтась МР-нь заслуженной тонавтыцясь Р.Д. Жегалина.
Морот казсть Геннадий Дулкин ды Иван Ацапкин. Сыньгак зярдо-бути морсесть В. Ромашкин марто «Торамасо». Ней эсест морамонь курост – «Морама». Цёратне морасть тенек каратаень морот.
Кенярксчинтень сакшнось МР-нь народной артисткась Нина Спиркина. Валонзо коряс, косо бу Володя Ромашкин аволь уле, косо бу аволь мора, эрьва кодамо таркасо ёвтнесь минек культурадонть. Сон певтеме вечксь моротнень, киштематнень, фольклоронть.
Истя жо тесэ ульнесть Саранскоень бардовской моронь клубонь морыцятне. Наталия Жданова ламо ёвтнесь В. Ромашкиндэ. Самай сон панжизе ошсо самодеятельной моронь клубонть. Владимир Иванович свал пурнась перьканзо од, лия ёнов а молиця, превей, виев ломанть. Сон тонавтсть сынст морамо, седямо гитарасо. Клубонь участниктне нейгак ансяк паро валсо ледстнить сонзэ.
Тей жо сакшнось В. Ромашкин лемсэ «Торама» фольклорной ансамблясь, конань ветицязо Андрей Ромашкин – Владимир Ивановичень цёразо.
– Сюкпря тенк, тетянь лемензэ а стувтоманть кисэ. Свал талнозь ледстнян сонзэ. Сон ульнесь пек вечкиця тетякс, лембе ломанекс. Минь яла ламо кортынек эрьва кодамо темас, эрьва мезде. Мон сестэ ламо мезенть эзинь чарькоде… Сехте пек тукшность мелезэнь аволь омбо масторга морамотне – вирев пангонь-мастумарень мельга якамось. Кода сонгак, пек вечкса виренть. Зяро сон тенек ёвтниль ёвкст, кезэрень пингень ёвтнемат! – кортась Андрей Ромашкин.
Те кенярксчисэнть ульнесь «Вастома» фольклорной ансамблясь (фотосонть). Сон важоди Ицялонь Культурань центранть юрсо. Тесэ морсить сисем ломанть. Ансамблянть репертуарсо эрзянь ды мокшонь кезэрень морот. Сынь морыть седямопельтеме, акапельна. Течи инжетнень туртов морасть авторонь моро, те – И. Давыдовань ды В. Давыдовонь «Ицялонь ёнкс» валморось. Морыцятнень ютксо эрьва кодамо раськень ломанть, аволь ансяк эрзят. Мартост важоди художественной ветицяст Любовь Степановна Козлова. Сон чачсь Ицялсо, тонавтнесь Саранскоень культурань училищасо. Пек вечки ды чарькоди музыканть, ансамблясо тонавты видестэ ладсемс вайгельтнень, кода аштемс сцена лангсо.
«Вастома» ансамблясь – «Шумбрат, Мордовия!» республикань раськень творчествань фестивальсэнть свалшкань морсиця. Эсь районсояк сынь морсить весе вастовоматнесэ ды кенярксчитнесэ, вастыть покш инжеть. Аволь весть невтнизь телевизорсо. Аватнень пек мазый вайгелест, оршамопелесткак сельмс каявицят, цитницят. Л.С. Козлова вети аволь ансяк те коллективенть, истя жо ули «Любава» рузонь моронь ансамблязо ды «Родные напевы» ветеранонь хорозо.
Вана истя Ицялонь модасо, Владимир Ромашкинэнь тиринь ёнкссо, тешкстызь сонзэ 70 иетнень. Ламот ёвтасть мель, кадык сонзэ лемс вастовоматне ютыть седе сеедьстэ.
Татьяна Маторкина