Суббота, октября 31, 2020
Важное


Неть читнестэ Мордовия Республикань прявт ошсо, Саранскойсэ, ютавтовсь вастовома, ков пурнавкшность «Обучение кибербезопасности лиц старшего поколения среди центров волонтерства в субъектах Российской Федерации» проектэнть эрямос совавтыцятне. 
Анокстыцянзо ды ветицянзо – «Совет ветеранов Федерального государственного бюджетного образовательного учреждения высшего образования «Национальный исследовательский Мордовский государственный университет имени Н.П.Огарева» Региональной общественной организациясь ды «Память поколений» Седеймарямонь (Благотворительной) фондось.

Тешкстасынек, те уш омбоце истямо вастовома, конань ютавтомс лезды 8589 № Сбербанконь Мордовской отделениясь. Старшей поколениянь группанть икеле кортасть те банконть важодицятне. Пурнавозтнень теизь содавиксэкс банконь картатнень тевс нолдамсто безопасностень правилатнень марто, пачтясть тенст, кодат манчемат вастневить эрямосонок меельце шкасто ды мезе теемс сынст а нолдамга.

Теде башка, ёвтнезельть ламо невтевкст, сынст коряс манявкшность аволь аламо ломанть. Истя жо ледстязельть сеть превс путоматне, конат лездыть а нолдамс асатыкстнэнь. Сыре ломантне седейшкава кунсолость седе, кода ванстомс прянть апаро ломантнеде, макснесть ламо кевкстемат, конат течи талновтыть банконь картань кирдицятнень сынст тевс нолдамост марто. Теке шкасто сынь кармасть содамо ламо од ды лезэв банконь картатнень вельде эрямонь-коммунальной услугатнень кисэ пандомсто. Текенень поладсынек, весе участниктненень максозельть методической рекомендациянь сборникть ды проектэнь организатортнэнь пельде буклетт, конат кармить тенст лездамо эрьва чинь тевсэст.

Валентина ЮДИНА
 

О ГАЗЕТЕ "ЭРЗЯНЬ ПРАВДА"

Газета Эрзянь правда в настоящее время издается один раз в неделю на 16 страницах, четыре из них в цвете. Газета широко отражает вопросы общественно-политической, социально-экономической, культурной и духовной жизни республики, публикует международную информацию. «Эрзянь правда» распространяется в Оренбургской, Пензенской, Самарской, Ульяновской, Нижегородской областях, в республиках Татарстан, Чувашия, Башкортостан. Вместе с тем, для эрзян России вот уже не один год успешно функционирует электронная версия газеты, которую можно в настоящее время читать в Интернете. В этом большая заслуга всего редакционного коллектива газеты «Эрзянь правда».