Кодамось ловови декоративно-прикладной искусствань сехте кезэрень ёнксокс, сон эри уш колмо тёжадо ламо иеть. Теке марто, течияк ашти кедьчелькевтнень сехте вечкевикс тевекс.
Истят теевкстнэ аволь ансяк мазыйть ды явовицят, истя жо эрявикст ды эрьвантень лездыть панжомс эсь ёрокчинть. Кодамонь эрьва кодат ёнкстнэ, тюстнэнь сюпавчись ды узортнэнь ламочись, лездыть теемс лия ёнов а молиця кедьёнкст.
Декоративно-прикладной ёнкссонть раськень койтнень-кирдатнень ванстомга, кодамонь эрьва кодамо техникасо важодиця кедьчелькевтнень муемга ды вейсэндявомга, ломантненень неть сюпавчитнень невтемга якшамковонь 26-це чистэ республикань Раськень творчествань кудось панжи «Лембе ёвкс» выставка, косо невтевить кодазь кедьёнкстнэ. Невтемась карми важодеме Мордовиянь Раськень культурань музейсэ (Советской курось, 19-це кудо).
Выставкасонть эсь роботаст невтьсызь Саранск ошонь ды республикань районтнэнь кедьчелькевтне. Автортнэ невтьсызь кодамонь эрьва кодамо техникасо важодевкстнэнь: авань ковтатнень, мазый палантинтнэнь, шальтнень, пряс путомкатнень, мазылгавтоматнень, столь ланга ацамотнень, налкшкетнень ды седе тов.
Выставканть юрсо арсеви мастер-класс художественной кодамонть коряс.
РДНТ-нь декоративно-прикладной
ды изобразительной искусствань отделэсь